bhartiya vastushastra purn rup se panch tatvon par adharit hai- vayu, agni, prithvi, akash evan jal. inhin panch tatvon se manav sharir ka bhi nirman hota hai. inmen se kisi bhi ek tatva ki kami hone par mrityu ho sakti hai.
isi prakar bhavan nirman men vastushastra ke anusar in panch tatvon ka santulan nahin hone par usmen vas karne valon par vastu purush ka kop hota hai. yahan vastu doshon se mukti ke kuch saral upayon ka vivaran prastut hai.
vastudosh se yukt avasiya ya vyavsayik bhavan men parad shivling ki sthapna kar uski nitya shraddh apurvak puja -archana karne se doshon ka nivaran ho jata hai. ghar men tanbe ka piramid rakhne aur nau dinon tak akhand bhagavat kirtan karane se vastudosh ke prabhav men kami ati hai.
ghar ke mukhya dvar par sindur se svastik ka nau angul lanba tatha nau angul chaira banane se vastudosh ke prabhav men kami ati hai. chandi ka ek tar ghar ke mukhya fatak ke niche dabane aur panchmukhi hanuman ji ka foto lagane se dosh dur hota hai. foto ka munh fatak ki or ho.
piramid ke akar ka mangal yantra ghar men lagane se vastu doshon ka nash hota hai. ghar ke mukhya dvar par tulsi evan kele ka vakshri a lagan e s e vast u dashe a daru hate a h.ai ashok, am, pipal aur kaner ke patte bahut hi shubh mane gae hain.
inke patton ko ek dhage men bandhakar uska toran banakar makan ke mukhya dvar par latka dene se vastu dosh dur hote hain. ghar men guggul ya kapur saptah men kam se kam ek bar avashya jalaen. iska dhuan vastu dosh dur karta hai.
aefis v ghar men kristal ke adhik se adhik prayog se vastudosh dur hote hain. jo vyakti nitya vastudev ke nam par kale til, jau aur ghi ko milakar agni ko samarpit karta hai uske ghar men vastudoshon ka prabhav nyun hota hai.
vastudosh se mukti pane hetu vastu pujan avashya karvana chahie. isse dosh lagabhag samapt ho jata hai. dhan kosh kabhi khali nahin rahe iske lie tijori ya galle men kuber yantra ya shri yantra sthapit karna chahie. ghar men maniplant ki bel dhan samriddhi ki suchak hai. kuber uttar disha ke adhipti hain atah tijori uttar disha ki or honi tatha uska munh uttar disha ki or khulna chahie.
haldi ki ganth v dal chini ki chal jis kisi bhi ghar men rahti hai vahan lakshmi ki kripa avashya rahti hai. ghar evan aefis men machli rakhne se dhan v bhagya men vriddhi hoti hai. vishesh labh ke lie pashchimi divar ke sahare pashchim ki or pair karke sona chahie. ishan kon men sirhiyan kabhi nahin banani chahie.
ishan kon men sirhiyan bani hon to rnaitya kon men ek bara kamra avashya hona chahie. rasoi ghar ka darvaja anya darvajon se chota rakhna chahie. bhojan banate samay grihini ka manunh purva disha ki or hona chahie. yadi bhojan naukar banata ho to uska munh uttar disha ki taraf ho sakta hai. bhavan ke ishan kon men ek chota sa mandir avashya hona chahie.
nitya arti karni chahie aur ghanti bajani chahie. ghanti ki dhvani se nakaratmak urja ka nash hota hai tatha sakaratmak urja men vriddhi hoti hai. pani ka haud athva kuan ishan kon men shubh tatha anya dishaon men ashubh hota hai.
galat sthan par bane haud athva kund ka dosh dur karne ke lie ishan kon men us haud se gahra evan bara haud khudva lena chahie. dvar dosh aur vedh dosh dur karne ke lie shankh, sip, samudri jhag aur tanbe ya sone ki tush ko lal kapre men bandhakar mauli se darvaje par latkana chahie. shayanakaksh men kabhi bhi juthe bartan nahin rakhne chahie. anyatha ghar ki grihini ka svasthya kharab rahne ki sanbhavna rahti hai. iske atirikt parivar men klesh aur dhan ka abhav paida ho jata hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.