ganesh ji ki aradhna ke bina vastu devta ki santushti sanbhav nahin hai. ganesh ji ka vandan karne se vastu doshon ka shaman ho jata hai. ganesh ji ki nitya aradhna se vastu dosh utpann hone ki sanbhavna bahut kam rahti hai.
yadi ghar ke mukhya dvar par ekdant ki pratima ya chitra lagakar uske thik piche ganesh ji ki dusri pratima ya chitra is prakar lagaya jae ki donon ki pith ek dusri se mili rahen, to vastudoshon ka shaman hoga. vastu dosh se prabhavit bhavan ke kisi bhag men ghi mishrit sindur se divar par svastik banane se vahan ke vastudosh ka prabhav kam ho jata hai.
aefis, dukan v bhavan ke kisi bhi bhag men vakratund ki pratima ya chitra lagaya ja sakta hai. chitra lagate samay yah dhyan rahe ki bhagvan ka munh dakshin disha ya rnaitya disha men nahin ho. vinayak ke safed rang ke chitra ya murti ki aradhna se sukh samriddhi ki prapti hoti hai. sinduri rang ke ganpti ki aradhna se sarvamangal hota hai. dhyan rahe ki ganesh ji ki murti ya chitra men unki sund unke baen hath ki taraf ghumi hui ho. sund men modak (laddu) hona chahie.
bhagvan ganesh ko modak tatha vahan mushak atipriya hain, atah dhyan rahe ki chitra ya pratima men chuha aur laddu avashya hon. daen hath ki or ghumi hui sund vale gajanan ji hathi hote hain aur unki bhakti, aradhna, sadh ana kathin hoti hai.
dhyan rahe ki ghar men baithe tatha karyalay ya dukan (karyasthala) men khare ganesh ji ka chitra lagana chahie. dhyan rahe ki chitra/ pratima men khare ganesh ji ke donon pair jamin par hon - isse sabhi karyon men sthirta ati hai.
ghar men, ghar ke brahm sthan (kendra) men, purva disha men evan ishan men vighnaharta ganesh ji ki murti ya chitra lagana labhkari, evan shubh mangldayak hota hai. ganesh ji ko durva atipriya hai. durva charhane se puja ka fal shighra milta hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.