prashna: upay kaun-kaun se hain? kaun sa upay karen? yah kaise nirdharit kiya jae?
uttara: grahon ke upayon men ratn, mantra, yantra, yagya, vrat, dan, jal visarjan, dev darshan, dhatu dharan aur aushdhi snan pramukh hain. sabhi upayon ko, char tatvon ke adhar par, mukhyatah char bhagon men banta ja sakta hai- prithvi tatva, jal tatva, agni tatva, ya vayu tatva pradhan. ratn, dhatu dharan evan dev darshan prithvi tatva pradhan hanai. jal visarjan, aushdhi snan evan rudrabhishek jal tatva pradhan hain. yagya, vrat, bhojan, agni tatva pradhan hain. mantra vayu tatva pradhan hai. jis grah ka upay karna ho, vah janmakundli men jis tatva ki rashi men baitha ho, usi ke upay karna shreshth hai.
prashna: kya upay dvara kasht nivaran ho sakta hai?
uttara: upay dvara nivaran avashya hota hai. jaise bukhar hai, to davai khane se rahat milti hai, ya barish hai, to chate se kuch bachav avashya hota hai, usi prakar upay se bhi kashton men nyunta avashya ati hai, lekin kitni, yah upay par nirbhar karta hai.
prashna: yadi hamara bhavishya purva likhit hai, jise grahon ki sthiti anusar gyat kiya ja sakta hai, to upay dvara bhavishya kaise badal sakte hain?
uttara:sarvavidit hai ki raja parikshit ko jab gyat hua ki sat din bad takshak sarp unhen das lega, to unhonne shukdev ji se bhagavat shravan kiya. uske bad bhi sarp ne to dasa, lekin mrityu ke bhay ne unhen grasit nahin kiya. isi prakar jab daektar shalya chikitsa karte hain, to pahle sunn kar dete hain. uske bad sharir ko ve kat dete hain, to bhi uska kasht nahin hota hai. isi prakar se upayane dvara kashton ka nivaran to ho jata hai, lekin bhagya nahin badal sakte. lekin fir bhi tivra karm, ya santon ka ashirvad bhagya badlne men saksham hai.
prashna: upay dvara grah ko prabal banaya jata hai, ya shubh?
uttara:kuch upay grahon ko keval prabal banate hain evan kuch upay unki prablta ko shant karte hain. kuch upay grahon ki shubhta ko barhate hain, to kuch ashubhta ko kam karte hain, jaise ratn aur dhatu dharan grahon ko prabal banate hain. jal visarjan, prablta ko kshin kar, ashubhta ko kam karta hai. mantra aur dev darshan shubhta ko barhate hain. atah upay chayan dvara shubh grahon ko prabal banana chahie evan ashubh ko shubh. ashubh ko nirbal kar ke bhi kasht nivaran kiya ja sakta hai.
prashna: tirth vishesh par kisi upay ka mahatva kya adhik hota hai?
uttara: tirth vishesh par grah ki rashmiyon ko akrisht karne men suvidha rahti hai. atah uska mahatva adhik ho jata hai. jaise kisi sthan par rediyo ki tyuning achchi hoti hai aur kisi sthan par bilkul nahin hoti, isi prakar se kuch vishesh sthan par kisi grah ka upay achcha hota hai. us sthan par us grah ki rashmiyon ka prabhav adhik rahta hai, jaise shani mandir men shani ka upay, shiv mandir men chandra ka upay, hanuman mandir men mangal ka upay.
prashna: parva vishesh par upay karne se kya labh hain?
uttara: parva vishesh par grah ki rashmiyan adhik matra men prithvi par pahunchti hain, jiske karan uska mahatva adhik ho jata hain, jaise rahu ke dosh nivaran ke lie surya, ya chandra grahan kal, nag panchmi tatha shiv ratri evan shani ke dosh nivaran ke lie shanishchari amavasya ka vishesh mahatva hai.
prashna: dipavli par vishesh kya karna chahie?
uttara: dipavli lakshmi ji ka parva hai evan aj ke yug men lakshmi ka mahatva sarvadhik hai. atah yah parva vishesh ho jata hai. is din lakshmi ji ke lie ki gayi puja-archana ka mahatva anek guna adhik ho jata hai. varsh bhar lakshmi ki kripa prapt karne ke lie is din lakshmi evan shri yantra adi siddh kar sthapit kar lene chahien. satmukhi rudraksh, dakshinavarti shankh evan ekakshi nariyal men bhi mahalakshmi ka vas hota hai evan inki sthapna bhi lakshmivarddhak hai. karje se mukti ke lie bhi gajendra moksh ka path vishesh prabhavi rahta hai. ghar men sukh-samriddhi evan nirog rahne ke lie kuber mantra ka jap, kanak dhara stotra ka path evan shri sukt, lakshmi sukt evan lakshmi stotra ka path karna chahie.
prashna: lakshmi prapt karne ke lie kis mahamantra ka jap karen?
uttara: nimn kisi ek mantra ka jap kamal gatte, sfatik, ya lal chandan ki mala par karna shreshth hai. pratidin ek mala jap lakshmi dosh ko sarvada ke lie dur karne men saksham hai.
un shri shri mahalakshmyai namah.
un shri shri lalita mahatripursundaryai shri mahalakshmyai namah..
un shrin âin shrin kamle kamlalye prasid prasid shrin hin shrin un mahalakshmyai namah..
mahalakshmyai ch viùhe vishnupatnyai ch dhimhi tanno lakshmiah prachodyat.
ya devi sarvabhuteshu lakshmirupen sansthita. namastasyai namastasyai namastasyai namonmah..
prashna: dipavli pujan kis samay aur kaise karna chahie?
uttara: dipavli pujan sthir lagn men hi karna chahie, jisse lakshmi ji ghar men sthirta se vas kare. dipavli par sthir lagn sandhya kal men vrish evan sinh lagn hote hain. pujan ke lie lakshmi-ganesh ji ke chitra, ya murti lene chahien. sfatik, rajat, ya svarn ki murtiyon ki vishesh mahima hai. sath hi koi shri yantra adi bhi sthapit karna lakshmi vas ke lie uttam mana gaya hai. in sabka pujan kar shri sukt, ya lakshmi sukt adi ka path, dhan ki kami ko dur kar, sthir lakshmi ka vas deta hai.