kal sarp yog apne apmen ek aisa yog hai, jo pitri dosh se sanbandhit hota hai. atah jis kundli men kal sarp yog hoga, us vyakti ke jivan se kahin n kahin pitri dosh avashya jura hoga. is yog ke prabhav se vyakti ke jivan men, har star par, sangharsh aur tanav barhte hi rahte hain, badhaen ati hain. janmakundli men jis bhav se kal sarp ki srishti hogi, us bhav se sanbandhit kathinaiyon evan sangharshon ki bhi bahutayat hogi. atah kal sarp yog ke nidan ke lie manoyog se prayatn karna chahie.
sarvapratham bharatavarsh men jin sthanon men kal sarp yog ki shanti hoti hai, unka vivechan prastut hai
dakshin bharat ke vishva prasiddh tirupti mandir ke pas, lagabhag pachas kilomitar par, kal hasti shiv mandir men kal sarp yog ki shanti ka upay vidhi-vidhan se kiya jata hai. vahan lagabhag ek ghante ki puja-archana ke sath mandir prangan men hi purohit vaidik riti se shanti karate hain. mandir pravesh ke sath hi is puja ke fal, kuch dakshina dene se, prapt ho jate hain. taduprant puja-archana karayi jati hai.
know what is kaal sarp dosha and what happens in kaalsarp dosha?
kedarnathji jate samay triyugonarayan ke mandir prangan men chandi, tanba evan svarn ke nag ke jore chorne se, kal sarp ki shanti ho jati hai. nasik ke pas trayanbkeshvar jyotirling par bhi kal sarp ki shanti ka vidhan hai. trayanbkeshvar jyotirling par bhi abhishek aur puja-archana kara kar, nag-nagin ke jore chorne se, kal sarp yog ki shanti ho jati hai. ilahabad men sangam par bhi, kal sarp ki shanti hetu, nag-nagin ki vidhivat pran pratishtha kara kar, pujan kar ke, dudh ke sath sangam men pravahit karna chahie. tirtharaj prayag men kal sarp yog ki shanti ke lie sangam men tarpan, shraddh bhi kar lena chahie.
vaise to kal sarp yog ki shanti bhinna-bhinn isht devon ki kripa se ho jati hai, parantu kal sarp yog ki shanati ka mukhya sanbandh ashutosh bhagvan shiv se hai. kyonki sarp bhagvan shiv ke gale ka har hai, atah shivji ke sammukh yatn se, kal sarp yog ki shanti ka vidhan karna chahie.
sarvapratham parad shiv ling ka nirman karaen. kam se kam panch sau gram ka shiv ling banana chahie. yadi parivar men ekadhik vyaktiyon par kal sarp yog ka prabhav ho, to sava kilo ya dhai kilo parad ka shiv ling banva kar, pran pratishtha kara kar, vidhivat rudrabhishek karna chahie. rudrabhishek ke sath hi chandi ke asht nagon ka pujan karna chahie.
read more: kalasarp dosh nivaran puja – kyon hota hai kalasarp dosh aur kaise hoti hai iski puja.
isi kram men kalash sthapan kar, varun ka avahan kar, kalash par hi svarn aur rajat ka sanp sthapit kar ke, sarp ka panchopchar se pujan kar, nimn sarp ke vaidik mantra ka jap karna, ya brahman dvara karana chahie:
un namostu sarpebhyo ye ke ch prithivimnu. ye antrikshe ye divitebhyah sarpebhyo namah svaha..
jap kam se kam 31000 ho. vaise kali yug men sava lakh jap ka hi vidhan hai. jap ke bad dashansh hom kar ke yagya ki purnahuti kar deni chahie. uske bad us sarp ko, shraddha sahit, yamuna, sangam ya samudra men pravahit kar dena chahie. shraddha-bhakti ke sath tatparata se chorne par nishchay hi kal sarp yog ki shanti ho jati hai. dhyan rahe, kal sarp se sanbandhit sabhi pujan chandan se karen; roli, kunkum, sindur se nahin.
shri hanuman ji ki kripa se bhi kal sarp yog ki shanti hoti hai. shri ram-lakshman jab nag pash se bandhe, to shri hanuman ji ne hi unhen mukt karaya. atah nitya prati shri hanuman chalisa aur manglvar, shanivar ko shri ramchrit manas men sundar kand ke path kar lene se shanti prapt hoti hai. jo log hanuman bhakt hain, ve manglvar, shanivar ko shri hanuman ji ka sindur, chameli ke tel se chola charha kar bhog lagaen evan yathashakti ‘‘un han hanumte rudratmakay hung fat’’ is mantra ka jap karen. nishchit hi kal sarp yog ki shanti hogi.
jin vyaktiyon ke jivan men kal sarp yog hai, unhen pratyek varsh shravan mas men rudrabhishek avashya karana chahie aur shivji par nag-nagin ka ek chandi ka jora charha dena chahie. nitya mahamrityunjay mantra ki ek mala ka jap bhi karte rahne se kal sarp ka prabhav kshin ho jata hai.
ghar ke mandir men morpankhi mukut pahne shri krishn bhagvan ki murti, chahe balrup ki hi ho, sthapit kar pujan karen. shri krishn parabrahm parmatma hain. unka nityarchan tatha yathashakti ‘‘un namo vasudevay’’ mantra ka jap karne se kal sarp yog ki shanti ho jati hai. smaraniya hai ki bhagvan shri krishn ne kalidah par kaliya nag ke fan par trilokon ka bhar le kar nritya kiya tatha usko vardan de kar ramnkdip ko bhej diya. shrimdbhagavat ke dasham skandh ke shorash adhyay ke 108 path karane se nag dosh se shanti milti hai.
ekakshi nariyal rahurup hai. atah 108 nariyalon par gandh (chandn) pushp se pujan kar, ‘‘un bhran bhrin bhraun sah rahve namah’’ mantra ka 108 bar jap kar, kal sarp yog se grasit vyakti ke upar se sat bar utar kar, budhvar ke din yamunaji men pravahit kar dena chahie. in upayon ke karne se nishchit labh prapt hoga, aisa vishvas hai.
apki kundli ke anusar kaun si puja apke lie labhkari hai janne ke lie prasiddh jyotishacharyo se paramarsh karen