jyotish ko bharat ke vishvavidyalyon men, ek vaikalpik vishay ke rup men, shuru kiya gaya hai. iska shrey bharat sarkar ke manav sansadhan evan shikshamantri shri murli manohar joshi ji ko jata hai. isko unhonne vigyan ka ek vishay man kar shuru kiya tha. lekin kuch vaigyanikon ke hastakshep ke karan isko kala ka ek vishay bana diya gaya.
vaigyanikon ko ab bhi santushti nahin hai aur ve ab yah saval utha rahe hain ki jyotish ko vishvavidyalay men kyon parhaya ja raha hai? isse janta ka paisa barbad kiya ja raha hai. parhai ka bhagvakaran kiya ja raha hai. unhonne haidrabad uchch nyayalay men yachika bhi dayar ki, lekin vahan unki yachika radd kar di gayi. ab unhonne yah yachika sarvochch nyayalay men dali hai. vaigyanikon ke man men jyotish ke bare men kuch prashn hain, jinke karan unhen jyotish par sandeh hai ki jyotish kuch hai bhi, ya yah keval jyotishiyon ki dimagi upaj hai? unke prashn kya hanai aur jyotishiyon ke kya uttar hain, aie dekhen:
prashna: grahon ka hamare jivan ke vibhinn pahluon, jaise shiksha, vivah, vyavsay par kaise prabhav par sakta hai?
uttara: grahon ka manushya ke jivan par asar kaise parta hai, yah dekha, ya napa to nahin ja sakta, lekin mahsus avashya kiya ja sakta hai. yadi ganitiya vishleshan kiya jae, to yah saf malum parta hai ki grah ki sthiti ka jivan ki ghatnaon se sidha sanbandh hai.
prashna: jyotish dvara ham nishchayata se bhavishyavani kyon nahin kar pate?
uttara: pichle hajaron varshon men jyotishiya sutron men utni sukshmata nahin rah payi hai, jitni vaidik kal men thi. jyotish ko shodh dvara punah satik banane ki avashyakta hai.
prashna: ek hi janmakundli par do jyotishi ek jaisi bhavishyavani kyon nahin karte?
uttara: aj jyotish jyotishi ke anubhav par adhik chal raha hai. yahin par antar a jata hai. fir bhi do jyotishiyon ka mukhya fal ek jaisa hi rahta hai.
prashna: yadi jyotish ganna hai, to jyotishi ko daivik shakti kis lie chahie?
uttara: achche jyotishi ko daivik shakti nahin chahie. yadi daivik shakti se koi bhavishyavani ki gayi hai, to vah jyotish nahin hai. kabhi-kabhi jyotishi ke gyan ki purnata ke karan, uske turant sahi uttar de dene ko daivik shakti man liya jata hai.
prashna: yadi sab kuch purvalikhit hai, jinki ham jyotish dvara ganna karte hain, to ham upay kis lie batate hain?
uttara: bhagya evan karm donon ko mila kar hi saflta prapt hoti hai. atah karm avashyak hai.
prashna: patra-patrikaon men mesh se min tak ki bhavishyavaniyan de kar puri manvta ko 12 bhagon men bant dena kahan tak sahi hai?
uttara: masik bhavishyafal jyotish vigyan ka ek bahut hi sthul rup hai. ismen jyotish ki mahak matra hai. yah galat to nahin hai, lekin isko jyotish bhi nahin kaha ja sakta.
prashna: jurven bachchon ki patriyan ek si hoti hain, to bhi unka jivan bhinna-bhinn hota hai. aisa kyon?
uttara: ek jaisi do janmapatriyon men jatak ka bhavishyafal ek jaisa hi paya jata hai. unke bhavishya men antar to hota hai, lekin fir bhi utar-charhav ki prakriya ek jaisi hi dekhne ko milti hai.
- shodh vishay ka chunav: vishay kendrit aur lakshit hone chahien, jaise daktar banne ke kya yog hain, n ki vyavsay ka chayan kaise ho?
- shastron men vishay vishesh par prapt niyamon ka sankalan.
- sanbandhit evan asanbandhit janmapatriyon ka sankalan. ye jitne adhik hon, utna achcha hai. lekin 200 se 500 tak avashya hon.
- shastron se prapt niyamon ka ankron par prayog kar, niyam evan fal ka sanbandh gyat karna evan naye niyam prastavit karna.
- shodh patra likhna evan shodh karya ka fal chahe sutron ko sahi batata ho, ya galat, patrikaon men chapva kar jansadharan tak pahunchana.
kariyar se juri kisi bhi samasya ka jyotishiya upay paen hamare kariyar eksapart jyotishi se.
is prakar kiya gaya shodh karya samay evan urja avashya lega. lekin yah vaigyanikon ko bhi avashya manya hoga. iske dvara ham jyotish shastra ki vaigyanikta ko bhi siddh kar paenge.
vaigyanikon dvara khagol shastra par uthay gaye prashnon par vichar karte hain:
prashna: surya ek tara hai, chandrama upagrah hai, rahu-ketu keval bindu hain, to ye grah kaise kahlaye?
uttara: jyotish mane grah ki paribhasha bhinn hai. grah vah pind, ya bindu hai, jiska manav par asar dekha ja sakta hai. yah avashyak nahin hai ki vah surya ke chakkar lagata ho.
prashna: shani ke bad yurenas, nepchyun, pluto tatha anya naye khoj hue grahon ka prabhav to jyotish men hai hi nahin. atah yah adhuri hai.
uttara: shani se agle grah yurenas ka, shani ke mukable, keval 4 pratishat asar hota hai, jiski nimn sutra se ganna ki ja sakti hai.
pratishat fal
yurenas ka bhar / shani ka bhar (shani ki duri)2/ yurenas ki duri)2
= 15/95 x (9.53)2/(19.1)2
= 3.93 pratisht
yurenas, nepchyun, pluto adi ke asar bahut kam hone evan unki parikrama ki avdhi manushya ki ayu se bhi lanbi hone ke karan unka vichar nahin kiya jata hai.
prashna: ham jante hain ki grah surya ke charon aur parikrama laga rahe hain evan jyotish men ham grahon ko prithvi ke charon aur parikrama lagate hue mante hain, jo galat hai. fir jyotish kaise sahi ho sakta hai?
uttara: jyotish men ham grahon ka manav ke upar asar dekhte hain. islie grahon ki ganna prithvi ke sandarbh men karte hain. yah ganna ham yah jante hue karte hain ki grah surya ke charon or ghum rahe hain.
prashna: saur mandal bhi brahmand ke charon or chakkar laga raha hai. aisa jyotish men kaha gaya hai.
uttara: saur mandal bhi brahmand ke chakkar laga raha hai. iski ganna jyotish men aynansh dvara ki jati hai. asman men bhi grah nirayan paddhati ke adhar par ki gayi ganna ke anurup hi drishya hote hain. yahi ganna panchango men di jati hai. vaigyanikon ka yah manna hai ki jyotish keval andhvishvas hai evan dar hi iska adhar hai. kyonki har manushya kisi n kisi se dara rahta hai. atah jyotish purn vishva men vyapt hai. jyotishi isi ka labh uthate hain. isko yadi vishvavidyalyon men parhana shuru kar diya jae, to iska manav ki mansikta par kuprabhav par sakta hai evan jyotish manav ko bhiru bana sakta hai.
iske viruddh jyotirvidon ka manna hai ki gyan hi shakti hai evan bhavishya ke purvanuman se manushya pahle se sanbhal sakta hai. daktar rog hone ke bad ilaj karte hain. jyotish se ham rog hone se pahle jan sakte hain ki jatak ko kaunsi bimari ki ashanka ho sakti hai. sukha, barh ya bhukanp adi daivik apdaon ka varshon purva anuman keval jyotish dvara hi lagaya ja sakta hai. bharat to vaidik kal se hi is gyan ka bhandar raha hai. purn vishva is bat ke lie bharat ko guru manta hai; anyatha bhi vigyan ke dvara janit mansik pareshaniyon se manav ko shanti dilane ke lie jyotish gyan ka sahara lena avashyak hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.