mishrafl: sadharan drishti se mishrafal ka arth hota hai milajula ya mishrit fal. yadi mishrafal ka arth milajula ya mishrit fal man liya jae to is adhyay ki shlok sankhya 37, 38, 39, 40 evan 41 men keval shlok sankhya 38 men ek sthan par ‘bhavanti mishraflda’ vakyansh mishrit ya milejule fal ka pratipadak hai aur is vakyansh ko chorakar is pure adhyay men kahin bhi mishrafal ki charcha nahin milti.
kya is pure adhyay men keval ek vakyansh men mishrafal ki charcha matra se is sanpurn adhyay ko mishrafal arthat mile jule fal vala adhyay mana ja sakta hai? sanbhvtah nahin. to mishra ya mishrafal kya hai? is bat ka shastriya adhar par vichar kar iska arth sunishchit karna avashyak hai taki is mishrafladhyay ka svarup spasht ho sake. shastra ek anushasan hai, jo niyam, upniyam evan siddhanton men vyavastha banane ke lie is sab ko samanvay ke sutra se bandhta hai taki parinamon men ekrupta evan vishvasniyata rahe aur unki tarkapurn vyakhya ki ja sake.
is adhyay men shlok sankhya 37 se 40 tak charon shlokon men dasha fal ke adharbhut niyamon ka, jinka pratipadan shlok sankhya 30 evan 31 men diya gaya hai, palan nahin kiya gaya jabki shlok sankhya 40 men dvitiya adhyay men pratipadit yogkarkta ke niyamon ka, jinka pratipadan shlok sankhya 14 evan 15 men kiya gaya hai, palan nahin kiya gaya. is prakar is adhyay ke antim (mangl) shlok ko chorakar sabhi jagah adharbhut niyamon ka palan nahin hua hai. dashafal ke adharbhut niyamon men bataya gaya hai ki
(1) sabhi grah apni dasha evan apni hi antardasha men apna atmabhavanurup shubhashubh fal nahin dete,
(2) sabhi grah apna atmabhavanurup (svabhavik) fal apni dasha men apne sanbandhi ya sadharmi grah ki antardasha men dete hain aur
(3) dashanath ke viruddhadharmi grah ki antardasha men vidvanon ko unke falon ka anugunan kar fal nirdharit karna chahie. kintu is adhyay ke sabhi shlokon men in niyamon ka palan nahin kiya gaya. is prasang men shlok sankhya 37-40 ko sakshya ke rup men prastut kiya ja sakta hai. isi prakar yogkarkta ke niyamon ka is prakar pratipadan kiya gaya hai
(1) kendresh evan trikonesh apas men sanbandhit hon aur itar grahon se sanbandh n karte hon, to yogkarak hote hain aur kendresh evan trikonesh doshyukt hone par bhi apsi sanbandhi matra se yogkarak hote hain. kintu is adhyay ki shlok sankhya 41 men in niyamon ka puri tarah se palan nahin kiya gaya jabki shlok sankhya 42 men iska palan kiya gaya hai. is prakar is adhyay men n to mishrit fal ka pratipadan hai aair n hi dashafal evan yogkarkta ke niyamon ka palan kiya gaya hai.
atah mishrifladhyay men ‘‘mishrafl’’ kya hai iska nirdharan hona avashyak hai. vastutah papi, marak evan purak grah nirankush hote hain. inki nirankushta ko niyamanukul karna apvad hai. paraspar virodhiyon ko anushasan ke sutra men bandhna niyam hota hai aur niyamon ke apvad ko mishratva kaha jata hai. kyonki apvad pahle se sthapit niyamon men-apmishran- milavat karte hain, atah mishratva evan apvad ek hi bat ke do pahlu hain. is prakar is adhyay ki shlok sankhya 37 se 41 tak panchon shlokon men apvad ke niyamon ka pratipadan hone ke karan tatha mishratva evan apvadatva ka paraspar samanarthak hone ke karan mishrafal ka arth hai
niyamon ka fal. aur iska pratipadan karne vala adhyay mishrafladhyay hota hai. papi grah ki dasha men shubh evan yogkarak ki antardasha ka falah laghuparashri men papi grah ka abhipray hai trishdayadhish, ashtamesh evan papyukt markesh. ye papi grah char prakar ke hote hain.
1.ve grah jinki ek rashi trishday aur dusri rashi kendra ya trikon men ho - unhen suvidhanusar papi grah kahte hain.
2. ve grah jinki donon rashiyan trishday men ho - unhen yahan keval papi kahte hain.
3. ve jinki ek rashi ashtam men aur dusri trishday men ho - unhen parmpapi kahte hain aur
4. ve markesh jo trishdayesh ya ashtamesh ke sath hane, unhen suvidhanusar atipapi kahte hain.
yahan shubh grah ka tatparya us trikonesh se hai, jiski dusri rashi trishday ya ashtam men n ho aur yogkarak ka arth un kendreshon evan trikoneshon se hai, jinka apas men sanbandh ho aur jo ashtam ya ekadash ke svami n hon. shlok sankhya 37-38 men papi grah ki dasha men asanbandhi ya sanbandhi shubh grah ki antardasha tatha asanbandhi yogkarak ki antardasha ka vivechan karte hue laghuparashrikar kahte hain-
‘‘yadi dashadhish papi ho, to usse asanbandhi shubh grah ki bhukti papfldayak, usse sanbandhi shubh grah ki bhukti mishrafldayak aur usse asanbandhi yogkarak ki bhukti atyant papfldayak hoti hai.’’ is vishay men sushlok shatak ka mat hai ki papi grah ki dasha men papi grah ki bhukti atyant ashubhfldayak, sanbandhi shubh grah ki bhukti mishrit faldayak tatha asanbandhi shubh grah ki bhukti ashubh faldayak hoti hai.’’
is prasang men vicharniya bat yah hai ki papi grah ki dasha men asanbandhi shubh grah ki bhukti ka papfldayak hona shlok 30-31 men pratipadit niyamon ka ullanghan hai. yahan antardashadhish n to sanbandhi hai aur n hi sadharmi fir yah dashadhish ka atmabhavanurupi pap fal kaise dega? yahan shlok 31 ke anusar asanbandhi evan viruddhadharmi hone ke karan unke falon ka anugunan kar fal nirdharit karna chahie.
kintu aisa fal laghuparashrikar ne nahin batlaya. atah iska samanvay karne ke lie is fal ko ‘apvad’ man lena uchit hai. is prakaran men laghuparashri ke kuch tikakaron ne pauranik shaili men is prashn ka samadhan is prakar kiya hai- jaise papi raja ke adhikar men rahne vala sajjan vyakti bhi raja ki agyanusar hi karya karta hai, uski agya ki avhelna ya uske viruddh karya nahin karta. karan raja ke pratikul karya karega to svami ki agya palnrup dharm ka bhang hoga aur apni pratishtha bhang hone ka use adhik bhay rahega. islie sajjan ki apeksha atisajjan adhik rup se (papi) raja ki manovanchit pravritti ko karyarup men parinat karega.
is udaharan men sajjan ko shubh grah aur atisajjan ko yogkarak samjhna chahie. islie papi grah ki dasha men shubh grah ke asanbandhit hone ke karan papafal milega aur (asambandhit) yogkarak adhik se adhik papafal apni antardasha men dega. jis prakar kisi asajjan ka raja se sanbandh hone se usmen nirbhayata ati hai aur vah raja ki manovritti ke pratikul bhi apni ichchanusar apne man sarikha kuch ansh kar leta hai, usi prakar papi dashanath se sanbandhit shubh grah apni antardasha men mishrit fal deta hai.
(1) taratamya: papi grah char prakar ke hote hain- papi, keval papi, parmpapi evan atipapi. ye charon uttarottar balvan hote hain aur inki dasha men uttarattar pap fal ki prablta hoti hai. isi prakar shubh faldayak grah bhi char prakar ke hote hain-doshyukt shubh grah, shubh grah, svayan karak evan yogkarak . ye charon bhi uttarottar balvan hote hain.
2. nishkarsha: laghuparashri ki shlok sankhya 37 evan 38 ka samagra drishti se vichar evan chintan karne ke bad is nishkarsh par pahuncha ja sakta hai. yadi dashanath papi ho to-
(ka) dashanath se asanbandhit shubh grahon ki antardasha pap fal dene vali hoti hai. yahan doshyukt grah se shubh grah aur usse svayan karak ki antardasha men pap fal adhik hota hai.
(kha) dashanath se sanbandhit shubh grahon ki antardasha mishrit fal deti hai. is sthiti men mishrit fal ki matra men doshyukt shubh ki antardasha se shubh grah ki antardasha men aur usse svayan karak ki antardasha men shubh fal uttarottar adhik hota hai.
(ga) dashanath se asanbandhit yogkarak grahon ki antardashaen atyant pap faldayak hoti hain. yahan svayan karak ki antardasha se yogkarak ki bhukti men pap fal adhik hota hai.
(gha) dashanath se sanbandhit yogkarkon ki antardasha men mishrit fal milta hai, jismen shubh fal adhik evan pap fal kam hota hai. yahan bhi svayan karak ki apeksha yogkarak ki antardasha men shubh fal ki matra adhik hoti hai.
(d.) samagrah ki antardasha men pap fal milta hai, kintu utna nahin jitna shubh grah ya yog karak grah ki bhukti men milta hai, apitu usse apekshakrit kam milta hai.
(cha) papi grahon ki antardasha men purn pap fal milta hai. chahe antardashanath, papi, keval papi, param papi ya atipapi ho-dashanath evan antardashanath ke sadharmi hone ke karan. sandarbha: ‘‘papaah markaah purkashch nirankushaah bhavanti teshan niyamanukulattvampvadatvan niyamapvadatvanch mishratvamiti..’’ -udyot tika shlok 37 ‘‘papaah yadi dashanathah shubhanan tadsanyujam. bhuktayah papfldastatsanyuk shubhbhuktayah.. bhavanti mishraflda bhuktayo yogkarinam. atyantapapflda bhavanti tadsanyujam..’’ -laghuparashri shlok 37-38 ‘‘anyantashubhdah papah papamadhye yada bhavet. sanbandhi tu shubho mishro'sambandhi tvashubhapradah..’’ -sushlok shatk-dashadhyay shlok. 26