bhavan nirman karya evam muhurt do. nirmal kothari pratyek prakar ke audyogik ya rihayshi upyog ke bhavnon ke nirman ka karya mitti ki khudai tatha ninv rakhne jaise anek charnon se gujrte hue purnata ki sthiti tak pahunchta hai. sahaj purnata ke lie vyakti ko shubh tithi, paksh, lagn evan var adi ki yadi samuchit jankari ho to karya saral ho jata hai. in sab pahluon pakshon ke bare men vistrit aur saral jankari prapt karne ke lie yah lekh upyogi hai. nirmanadhin rihayshi makan ya bhavan sabhi parivarjnon ke lie tatha vyavsayik ya audyogik bhavan kanpni ke hissedaron, nidedgakon tatha grahkon aur andgabhagiyon sabhi ke lie shanti, samriddhi, unnati, svasthya, dhan aur prasannatadayak ho, iske lie khudai ka shubh muhurt sunishchit karna aur shilanyas karna ati mahatvapurn hai.
bhavn-nirman praranbh karne hetu shubh aur ashubh mah aur unke parinam- iske lie nimnalikhit avdhi sarvottam mani jati hain - mahine ki 14 tarikh se agami mahine ki 13 tarikh tak : vaishakh, shravan aur falgun ye mahine achche aur shubh tatha parivar ke lie hitkari, labhdayak aur dhanaprad rahte hain. yah vastu raj vallabh (shlok 1/7) dvara bhi abhimat hai. suprasiddh jyotishi aur vidvan yogeshvar acharya ke anusar koi bhi nirman karya asharh (jun-julai), chaitra (marcha-aprail), ashvin (sitanbr-aktubr), kartik (aktubr-navanbr), magh (janvri-farvri), jyeshth (mai-jun) ya bhadrapad (agasta-sitanbr) men praranbh nahin karna chahie. is drishti se ye mas ashubh mane jate hain aur asankhay samasyaon aur musibton ka karan bante hain. sthaniya riti-rivajon ka anusaran karna adhik achcha hota hai. paksh : mitti ki khudai, shilanyas ityadi sabhi achchi chijen shuklapaksh men hi praranbh honi chahie, jab chandrama barhta hai. krishnapaksh men jab chandrama ghatta hai tab ye karya shubh nahin mane jate. tithi : dvitiya, tritiya, panchmi, shashthi, saptami, dashmi, ekadshi, dvadshi, trayodshi aur purnima shubh mani gai hain. kai vidvanon ke anusar purnima (purn chandradivs) ko bhi koi karya praranbh nahin karna chahie.
koi bhi karya 1, 4, 8, 9 aur 14 tithiyon tatha amavasya ko praranbh nahin karna chahie, kyonki nimnalikhit kuprabhav sunishchit hai- pratipda (1) - nirdhanata. chaturthi (4) - dhan hani. ashtami (8) - unnati men badha navmi (9) - fasal men hani aur duahkh. chaturdashi (14) - mahilaon ke lie hanikarak v nirasha. kuch vidvanon ka sujhav hai ki apriharya paristhitiyon men krishn paksh ki dvitiya (2), tritiya (3), panchmi (5) thik-thak mane jate hain. lagnoday : vrishabh, mithun, vrishchik, kunbh - shubh. mesh, kark, tula, makar - madhyam. sinh, kanya, dhanu, min - in lagnon se bachna chahie. divas : somvar - prasannata aur samriddhi dayak. budhvar - prasannatadayak. brihaspativar - dirgh ayu, prasannata aur susantandayak. shukravar - man ki shanti, unnati aur samriddhi dene vala hota hai. ravivar, manglvar aur shanivar se bachna chahie, kyonki inke parinam achche nahin hote hain. parantu rajasthan men sabhi shubh karyon hetu shanivar (sthir var) shubh mana gaya hai. nakshatra : rohini, mrigshira uttara falguni, hast, chitra, svati, anuradha, uttarasharha, dhanishtha, shatbhisha, uttara bhadrapad, revti, ashvini, ardra, punarvasu, shravan bhi kuch vidvanon ke dvara shubh mane gaye hain.
dakshin bharat men krittika, uttarafalguni, uttarasharha, mrigshira, chitra, dhanishtha, punarvasu, vishakha, purvabhadrapad se bachne ki salah di jati hai. yog : priti, ayushman, saubhagya, shobhan, dhruv, siddh, shiv, sadhya, shubh, indra, brahma shubh mane jate hain. lekin dakshin bharat men visheshakar tamilbhashi pradesh men matra tin yog hi mane jate hain. amrit yog - ati uttam siddh yog - shubh. mrityu yog - bahut bura. isse har halat men bachna chahie. karan : bav, balav, kaulav, taitil, gar, vanij shubh mane jate hain. anya : in chijon ke atirikt ay, vyay ke ansh bhi dekhne chahie. agni nakshatra (bharni chaturth charan se rohini dvitiya charan tak) purnatah varjit hain.
jis varsh magh mah men mahakunbh mela (uttar men, ilahabad men) (12 varsh men ek bar) aur kunbh konam (tamilnadu ke tanjor jile men) ata hai, usse bachna chahie. nirman - karya praranbh karne ke lie malmas nishiddh hai. shubh hora bhi dekhna chahie aur nirman ke samay, achche ya bure, shakunon par bhi dhyan dena chahie. bhumi-chayan dosh ka bhi dhyan rakhna chahie aur isse bachna chahie. is sandarbh men kuch bindu dhyan rakhne yogya hain- prayah kisi bhi karya men shanivar nishiddh hai. parantu nirman aranbh karne hetu svati nakshatra, sinh lagn, shukla paksh ki saptami tithi, shravan mas men shubh yog ke sath shanivar sarvottam, shubh v saubhagyashali mana jata hai.
yah malik aur uske parivarjnon ke lie gari, dhan-labh aur samriddhi dayak hoga. jab tak uparyukt bhagyashali talmel n ho tab tak pray sinh lagn se bachna chahie. mitti ki khudai praranbh karne, shilanyas karne, nirman praranbh karne aur grih pravesh ya bhavan ka pratishthan karne ke lie shubh muhurt ati avashyak hai. bina uchit muhurt ke praranbh kiya gaya bhavan nirman karya age nahin barhta. anek prakar ki badhaen akasmat a jati hain aur karya adha-adhura chorna parta hai, jisse mansik santap, arthik hani aur anya kai samasyaen hoti hain. islie ham yadi achche muhurt yani vastu-purush ki jagrit-avastha men karya praranbh karen to vastu ya anya kisi dosh ka nivaran svatah hi ho jata hai. jab kisi mahine men vastu-purush chaubis ghante so rahe hon to koi bhi nirman karya praranbh nahin karna chahie.