bhang ho kemadrum yog, to bane rajyog jay niranjan janmakundli men yadi chandrama se dvadash tatha dvitiya bhav men surya, rahu-ketu ke atirikt koi anya grah sthit n ho to 'kremadrum' namak ashubh yog nirmit hota hai. ise jyotish granthon men sarvadhik ashubh mane jane vale yogon men shamil kiya gaya hai. lekin kemadrum yog raj yog kab ban jata hai, parhie is lekh men. kemadrum yog ke bare men aisi manyata hai ki yah yog jis jatak ki kundli men nirmit hota hai use ajivan sangharsh aur abhav men hi jivan yapan karna parta hai. isilie jyotish ke anek vidva an ise 'durbhagya ka pratik' kahakar paribhashit karte hain. lekin yah avdharna purnatah satya nahin hai. vyavhar men aisa paya gaya hai ki kundli men gajkesri, panchmhapurush jaise shubh yogon ki anupasthiti hone par bhi kemadrum yog se yukt kundli ke jatak karyakshetra men saflta ke sath-sath yash aur pratishtha bhi prapt karte hain. aise men kya kaha jaye. kya shastron men likhi baton ko asatya ya nirmul kahakar kemadrum yog ki paribhasha par prashn chihn laga diya jaye. vastutah satyata yah hai ki kemadrum yog ke bare men batane vale adhikansh vidvan iske nakaratmak paksh par hi adhik prakash dalte hain.
jo purnatah asaiddhantik evan avaigyanik hai. yadi ham iske sakaratmak paksh ka ganbhirtapurvak vivechan karen to ham paenge ki kuch vishesh yogon ki upasthiti se kemadrum yog bhang hokar rajyog men parivartit ho jata hai. shastron men katipay aise yogon ka ullekh bhi milta hai jinke prabhav se kemadrum yog bhang hokar rajyog men badal jata hai. kemadrum yog ko bhang karne vale pramukh yog nimnalikhit hain.
1. chandrama par budh ya guru ki purn drishti ho athva lagn men budh ya guru ki sthiti ya drishti ho.
2. chandrama aur guru ke madhya bhav-parivartan ka sanbandh ban raha ho.
3. chandrama-adhishthit rashi ka svami chandrama par drishti dal raha ho.
4. chandrama-adhishthit rashi ka svami lagn men sthit ho.
5. chandrama-adhishthit rashi ka svami guru se drisht ho.
6. chandrama-adhishthit rashi ka svami chandrama se bhav parivartan ka sanbandh bana raha ho.
7. chandrama-adhishthit rashi ka svami lagnesh, panchmesh, saptamesh ya navmesh ke sath yuti ya drishti sanbandh bana raha ho.
8. lagnesh, panchmesh, saptamesh aur navmesh men se kam se kam kinhi do bhaveshon ka apas men yuti ya drishti sanbandh ban raha ho.
9. lagnesh budh ya guru se drisht hokar shubh sthiti men ho.
10. chandrama kendra men svarashisth ya uchch rashisth hokar shubh sthiti men ho. uparyukt grah yogon ko nimnalikhit udahrnon men dekhna samichin hoga. prastut kundli pratham mahila aipi. es kiran bedi ki hai. inki kundli ka kemadrum yog nimnalikhit yogon ke karan bhang ho kar rajyog men parivartit hua hai.
kiran bedi janm dinank : 9 jun 1949 janm samay : 14 :10 baje 1- janm sthan : amritasar chandrama, adhishthit rashi apne svami mangal evan lagnesh budh se drisht hai. 2. lagnesh budh, chandra-lagnesh mangal tatha lagn par guru ki pancham v navam shubh drishti hai. prastut kundli hindi filmon ke prasiddh abhineta rajesh khanna ki hai. inki janm kundli ka kemadrum yog bhi nimnalikhit yogon se bhang ho raha hai- abhineta rajesh khanna janm dinank : 29 disanbar 1942 janm samay : 17 :45 baje janm sthan : amritsr
1. chandrama adhishthit rashi ka svami surya guru se drisht hai.
2. lagnesh budh, panchmesh shukra ki yuti chandrama adhishthit rashi ke svami surya se hai jiska guru se purn saptam drishti sanbandh hai. yah kundli prasiddh jyotishi ech. en. katve ki hai.
inki kundli men bhi kemadrum yog bhang hokar rajyog men badal gaya hai. kemadrum yog bhang karne vale yog nimnalikhit hai.
1. chandrama adhishthit rashi ka svami shukra, lagnesh guru se yuti kar raha hai.
2. saptamesh budh, navmesh surya se yuti kar raha hai. uparyukt vivechan se spasht hota hai ki kemadrum yog jise ek ashubh yog mana jata hai, yadi kisi prakar bhang ho jata hai to yah purn rup se rajyog men badal jata hai.
islie kisi jatak ki kundli dekhte samay kemadrum yog ki upasthiti hone par usko bhang karne vale uparyukt yogon par nishchay hi dhyan dena chahie. uske bad hi falakathan karna chahie. sudhi pathak kemadrum yog ko bhang kar rajyog men parivartit karne vale uparyukt yogon ki satyata ki pushti mahatma gandhi, nelsan mandela, julfikar ali bhutto, bhairon sinh shekhavat, bil gets, devanand, rajkpur, rishi kapur, shatrudhn sinha, amisha patel, ajay devagan, rahul gandhi, shankar dayal sharma, ijmam ul hak, javagal shri nath, pichidanbaram, menka gandhi, vasundhra raje, arjun sinh tatha anupam kher adi suprasiddh jatkon ki kundliyon men svatah kar sakte hain. jyotishi ech. en. katve janm dinank : 6 farvri 1892 janm samay : 4 : 20 baje janm sthan : belganv