rasoi ghar yani bhartiya grihini ka hriday, kyonki bhartiya grihini ka sabse jyada samay jis sthan par vyatit hota hai vah hai uska rasoi ghar. uski dinacharya rasoighar se hi praranbh aur rasoighar men hi samapt hoti hai. atah ek tarah se rasoighar pure ghar ka hriday hota hai.
vastu shastra suvidha, aram, agni, garmi, bijli ke jhatke se suraksha, kiron, kitnashak davaon se suraksha, dhuan nikas, garmi, pradushan, prakash, ar-par vayu sanchalan in sabhi ki sukshm aur savdhani purvak soch-vichar ki avashyakta hai, aur rasoi ghar men inka purn rup se pravdhan hona chahie.
rasoi ke lie sarvottam sthan dakshin-purva hai jisapar agni ka prabhutva hai, jo agni aur tap ka dev hai. ham sab jante hain ki ag aur tap ke bina kuch bhi pakaya, senka ya garm nahin kiya ja sakta. dusra vikalp rasoi ghar ko uttara-pashchim kone men rakhne ka hai. rasoighar uttara-purva, madhya-uttar, madhya-pashchim, dakshin-pashchim, madhya-dakshin ya kendra men sthit nahin hona chahie.
isi prakar se yah shayan kaksh, puja ghar ya shauchalay ke niche ya upar nahin hona chahie. yadi kisi karanavash rasoighar dakshin-purva ya pashchim men chorakar aur kahin ban gaya hai to uske lie ham kuch upay karke uske doshon ko purnataya to samapt nahin kar sakte hain lekin kafi had tak ise kam kiya ja sakta hai.
upay: jis bhi disha men rasoi ghar galat ban gaya hai, us rasoighar men slaib ko uttara-purva ko chorakar purva said men hi lagana chahie tatha chulhe ki pojishan us kaksh ke purva-dakshin said men hi karni chahie tatha khana purva ki taraf munh karke hi banana chahie. bhavan ki purva-dakshin disha men ek lal rang ka jiro vat ka balb jitni der tak chulha jale jalakar rakhna chahie. kanch ke riflekshan se yadi rasoi dakshin-purva said men dikhe to kanch lagana chahie.
jis galat disha men raseai bani hai us disha ka yantra us disha ki divar par lagana chahie tatha tin piramid rasoi ghar men lagana chahie. rasoi ke darvaje ke bahar aur andar ek dusre ke piche vighna-vinayak ganpti ki sthapna karni chahie. rasoi ke agl-bagal men tulsi ke paudhe lagayen tatha iske sath hi vastu dev ki puja, doshpurn disha ke adhidev ki puja, mantra jap, tatha vastu-shanti evan havan ke dvara galat disha men bane rasoi ke vastu doshon se chutkara paya ja sakta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!