aina ho sakta hai karan algav ka pan. jayaprakash sharma, lal dhage vale aine athva darpan ka prayog manushya sada se karta a raha hai. mahabharat ki shuruat bhi duryodhan ke darpan se takrane ke karan hi hui, kyonki darpan jahan lagaya jata hai, vahan ki urja ke pravah ko prabhavit karta hai.
yah hamen sharirik, mansik kasht dekar algav v jhagre ka karan bhi ban sakta hai. aie ab darpan ke lagane se hone vale prabhavon ko janne ki cheshtha karte hain. uttar, uttara-purva, purva disha ki divar par laga darpan arthik unnati evan pratishtha dilane men sahayak hota hai.
dakshin disha ki divar par laga darpan bimari; dakshin-purva men laga darpan vaicharik matbhed, tarka-vitark, sanbandhon ke algav, gussa; pashchim men laga darpan anavashyak aram, kam par n jana ya khali baithna; uttara-pashchim men laga darpan apnon se dushmani, mukdmebaji, yuva mahila sadasya duahkhi evan dakshin-pashchim disha men laga darpan ghar ke mukhiya ko ghar se bahar rahne v anavashyak evan akasmik kharchon ka karan banta hai.
rat ko sote samay palang par agar darpan dikhai de to grih-svami ke vaivahik jivan ke lie ati ghatak siddh hota hai. yah un palangon par sone vale logon ke bich anaban v matbhed karke jivan ko karvahat se bhar deta hai. agar rat ko shayn-kaksh men sote samay darpan men apka sir dikhai deta ho to mansik tanav, chati dikhai deti ho to chati se sanbandhit rog evan agar pair dikhai dete hon to pairon men dard yani sote samay sharir ka jo bhi bhag darpan men dikhai dega, usi men sharirik kasht utpann ho jaega. yah sthiti aur bhi kharab ho jati hai jab ap apni durbhagyashali disha ke kamre men, dvar vale kamre men ya us or sir karke sote hain.
ghar ke mukhay dvar men ghuste hi samne laga bara aina jo purn dvar ke barabar ho us ghar men sakaratmak urja ghuste hi vapis parivartit kar deta hai jiske karan ghar men abhav dukh, kasht evan klesh vyapt rahte hain. aise gharon men prayah logon ko ghar se bahar, yatra men hi rahakar apne kamkaj karne parte hain jiske karan yah log ghar men tik nahin pate. yadi nakshatra bhi pratikul sthan par vas karta ho to us varsh men vishesh taur par parivarik kalah barhakar parivar bikhar jata hai. darpan agar galat disha men laga ho to uska vahan se hatana hi sarvottam upay hai.
agar darpan n hataya ja sakta ho to uske charon konon par evan madhya men ek urjayukt piramid lagakar nakaratmak urja ko vahin rokne ka prayas kiya ja sakta hai. darpan agar sahi disha men laga hai, parantu rat ko sote samay palang ya sharir dikhai deta ho to isko mote kapre se dhakakar sone se mansik evan sharirik kashton se asim aram milega. shayn-kaksh ke alava sahi disha men lage ainon ke donon taraf ek-ek paudha rakhne se sakaratmak urja duguni prabhavshali hokar ghar ko sukh, samriddhi, shanti evan svasthyaprad kirnon se bharne men ati sahayak hogi.
'darpan tuta, bhagya futa' atah darpan tutte hi use turant ghar se hatakar naye darpan ka prayog karen. dhundhle evan dushit darpan jivan ki khushiyon ko dhundhla bana sakte hain atah achche darpanon ka prayog hi jivan men sukh-shanti hetu prayog karna chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!