prashna: jyotish shastra evan ayurved men paraspar kya sanbandh hai ?
uttara: jyotish shastra evan ayurved donon hi vedang arthat vedon ke ang hanai. jahan ayurved rog ka upchar karne men saksham hai vahin jyotish shastra manav sharir men panpne vale rogon ki purva jankari dene men saksham hai. yadi rog ke karnon ki sahi jankari ho, to upchar bhi sahi evan sucharu rup se kiya jata hai aur rogi rogmukt ho jata hai. adhunik yug men jahan daektar manav sharir men panpne vale rogon ke karnon ko janne ke lie adhunik upkrnon ki sahayta lete hain, vahin purane samay men vaidya, hakim adi jyotish ke madhyam se rogon ke karnon ki purn jankari prapt kar upchar karte the aur yah bhi jan lete the ki upchar men saflta kaise prapt hogi, rogi rogmukt hoga ya nahin.
prashna: jyotish ke anusar rog ki utpatti kin karnon se hoti hai ?
uttara: jyotish ke anusar rog ki utpatti hona, nakshatron evan rashiyon par nirbhar karti hai kyonki janm kundli us akashiya pindon ka chitran hai jo janm ke samay jatak ke sharir ko prabhavit aur andolit karte hain. isse jatak ke samast jivan ki ruprekha nishchit ho jati hai aur grah-nakshatron ke pratidin ke badlte prabhav se jatak ka sharir prabhavit hokar rogi ya svasth hota hai.
prashna: janm kundli men grah-nakshatra rashiyan aur bhav bhinna-bhinn rogon aur sharir ke angon ka pratinidhitva karte hain.
uttara: jyotish ka adhar grah-nakshatra, rashiyan aur dvadash bhav hain. pratyek grah, nakshatra, rashi ya bhav manav sharir ke kisi n kisi ang ka pratinidhitva karta hai. rog bhi usi ang se sanbandhit hoga, jis ang ka pratinidhitva grah, nakshatra, rashi ya bhav kar raha hoga. kalpurush ki kundli men barah rashiyan, 27 nakshatra, nau grah aur barah bhav manav sharir ke angon aur rogon ka pratinidhitva is prakar karte hanai.
1. dvadash rashiyan: mesh-sir, vrish-chehra, mithun-kandhe, gardan aur chati ka upri bhag, karka-dil, fefre, sinh-pet, kaleja, kanya-anten, tula-kamar, kulhe, pet ka nichla bhag, vrishchik-gupt ang, guda, dhanu-janghaen, makr-ghutne, kunbh-tangen (pindliyan), min-pair.
2. dvadash bhav: pahla bhav - sir, dimag, bal, chamri sharirik karya kshamata, sadharan svasthya, dusra bhav-chehra, dayin ankh, dant, jihva, nak, avaj, nakhun, dimagi sthiti, tisra bhav - kan, gala, kanth, kandhe, shvas nali, bhojan nali, hatheli, svapn, dimagi asthirta, sharirik vikas, aitha bhav- chati, dil, fefre, raktachap, striyon ke stan, panchvan bhav -pet ka upri bhag, kaleja, pittashay, jivan shakti, anten, buddhi, soch, shukranu, garbh, chatha bhav - bari ant, gurde, sadharan rog, mutra, kaf, balagam, dama, chechak, ankhon ka dukhna, alsi, jahar, satvan bhav - garbhashay, andashay aur andagranthi, shukranu kosh, guda, prostet granthi, kamukta, mutra nali, athvan bhav - bahri jannendriya, ang-bhang, lanbi bimari, ayu, durghatana, nauvan bhav- kulhe, janghaen, dhamniyan, ahar, poshan, dasvan bhav - ghutne, ghutnon ke jor, chapli, sharir ke sabhi jor, gyarhvan bhav- tangen, pindliyan, bayan kan, rog se chutkara aur barhvan bhav - panv, bayin ankh, anidra, dimagi asantulan, apangta, mrityu, sharirik sukh-dukh.
3. nau grah: surya - haddi, chandra-khun, mangl-majja, budh-tvacha, chamri, guru-vasa, shani-snayu, rahu-snayu pranaali, ketu-gais, vayu û 27 nakshatra: ashvini-ghutne, bharni-sir, krittika-kamar, rohini-tangen, mrigshira-ankhen, adrra-bal, punarvasu-ungliyan, pushya-mukh, ashlesha-nakhun, magha-vak, pu. falguni- gupt ang, u.fa.-guda, ling, garbhashay, hasta-hath, chitra-matha, svati-dant, vishakha-baju, anuradha-dil, jyeshtha- jihva, mul-pair, pu.asharh.-janghaen evan kulhe, u.asharh-janghaen evan kulhe, shravn-kan, dhanishtha-kamar, rirh ki haddi, shatbhisha-thuddi, pu.bha.-fefre, chati, u.bha.-chati ki asthiyan, revti-bagal. kyonki rog ki utpatti ka karan grah, nakshatra, rashi v dvadash bhav hain islie uprokt likhit rog pratinidhitvon par vishesh vichar karna chahie.
prashna: ayurved men tin vikar rog ke karan hote hain. jyotish ki drishti se ye vikar kin grahon ka pratinidhitva karte hain?
uttara: ayurved ka mul adhar tin vikar hain: vat, pitt, kaf. jab in tin vikaron men asantulan a jata hai, tab manav sharir rogi hota hai. sharir men vat pitt, kaf ka barhna ya kam hona rog ka karan banta hai. vaidya, hakim adi nari dekh kar in tinon ke anupat ka adhyayan kar rog ka upchar karte hain. jyotishiya drishti se in tinon vikaron ka pratinidhitva karne vale grah is prakar hain .
1. surya-pitt, chandra-kaf aur vat, mangl-pitt, budh-tinon vikar, guru-kaf, shukra-vat aur kaf, shani-vat. janm kundli men jo grah kamjor hoga us grah se sanbandhit vikar hoga. rog ka karan vikar hai, islie yadi us vikar se sanbandhit grah ka upchar kiya jae to rogi ke svasthya men sudhar ho sakta hai.
prashna: kya jyotish ke adhar par rogi ka upchar labhkari hota hai?
uttara: jyotish ke adhar par yadi rogi ka upchar kiya jae, to labh avashya hoga. aisa dekhne men ata hai ki rogi ka upchar kiya jata hai par rog thik hone ka nam hi nahin leta jabki upchar ke lie jo aushdhiyan di ja rahi hain ve sab sahi hanai to aisa kya karan hai ki rogi thik nahin ho raha. jyotish ke adhar par yah jana ja sakta hai ki rogi kis avdhi tak rog se ghira rahega. jab rogi ke grah gochar aur dashantardasha anukul honge, to rogi thik ho jaega.
prashna: yah kaise janen ki janm kundli rogi ki hai?
uttara: janm kundli men shashth bhav rog ka hota hai, islie shashthesh ko rogesh bhi kahte hain. lekin isse adhik mahatva lagn ka hota hai kyonki lagn janm kundli men jatak ke pure sharir ka hota hai. yadi lagn, lagnesh, pap drishti ya yuti se yukt hai to upyukt janm kundli ka jatak svasth hoga aur jivan paryant svasth rahega. iske viprit yadi lagn aur lagnesh pap yukt ya drisht ho, to jatak jivan bhar rogon se ghira rahega, use koi n koi sharirik vyadhi hoti rahegi.
prashna: rog ya kasht jatak ko kis ayu men aega kaise janen ?
uttara: rog kis ayu men hoga yah janne ke lie dasha aur gochar ki sahayta leni hogi. kundli men jo grah papyukt ya drisht ho, ya kisi tarah se rogesh se sanbandh banata ho usi ki dasha antardasha men jatak ko rog ya kasht hota hai. yadi usi grah ka gochar bhi viprit chal raha ho ya shubh n ho to jatak ko us samay us ayu men vishesh kasht hota hai.
prashna: jatak ko kaun sa rog kab hoga yah kaise janen ?
uttara: jin bhavon men pap ya ashubh grah rahte hain jatak ko unhin bhavon aur grahon se sanbandhit rog hota hai. jab us grah ki dasha ya antardasha chalti hai to jatak ko sharirik kasht hota hai. jaise yadi mangal akarak hokar lagn men sthit ho aur shubh grahon ki drishti v yuti se rahit ho, ta uski dasha ya antardasha men, jatak ko sharirik kasht hoga. yadi us samay mangal ka gochar bhi ashubh chal raha ho to, jatak ko sir men chot a sakti hai, bren tyumar ya mastishk sanbandhi anya rog ho sakte hain ya sharir se adhik raktapat ho sakta hai. aise hi anya grahon ke sthiti anusar rog ko jana ja sakta hai.
prashna: vah kaun sa rog hai, jise sabhi rogon ka karan mana jata hai ise janm kundli men kaise dekhen?
uttara: sabhi rog udar se hi utpann hote hain. jo rog sharir ke antrik bhag men utpann hote hanai, un sabhi ka sanbandh udar se hota hai. janm kundli men shashth bhav udar ka hota hai islie ise rogesh bhi kahte hain. yadi pet kharab ho aur khaya-piya hajam nahin hota ho to kai prakar ke rog janm lete hain, jo antrik rup se jatak ke sharir men bhinna-bhinn angon ko hani pahunchate hain. udar arthat pet kharab hone ka karan bhojan hota hai. yadi jatak supachya v paushtik bhojan khata hai, to pet kharab hone ki sanbhavna kam rahti hai.
iske viprit yadi jatak garishth, masaledar aur anya prakar ke asantulit bhojan karen, to uska pet avashya kharab hoga. bhojan ka sanbandh jatak ke svad par nirbhar karta hai aur janm kundli men dusra bhav jatak ki jihva aur svad ka bhav hai arthat dvitiya bhav aur dvitiyesh yadi pap drisht ya yukt hon, to jatak khane pine ka shaukin hota hai, jisse uske pet ki sthiti bigar jati hai aur kai prakar ke antrik rog janm lete hain.
iske atirikt shashthesh aur shashth bhav par bhi yadi pap grahon ki drishti ho ya unse yuti ho, to jatak ko pet ke rog honge. janm kundli men dvitiya bhav, dvitiyesh, shashth bhav, shashthesh aur ukt bhavon men sthit grahon aur lagna-lagnesh ki sthiti ko dekhakar yah jana ja sakta hai ki jatak ko pet sanbandhi koi rog hoga ya nahin.
prashna: hriday rog ke jyotishiya karan kya hain aur jatak ki kundli se is rog ko kaise pahchanen ?
uttara: kal purush ki kundli men hriday ka pratinidhitva kark aur sinh rashiyan karti hain aur hriday ka mukhya sthan chaturth bhav, nav grahon men surya srishti ka jivnadhar hai aur yahi hriday ki dharakan ka karak hai. yadi janmakundli men kark aur sinh rashiyan, chaturth bhav, surya aur chandra balvan evan shubh grahon se yukt v drisht hon, to vyakti ko hriday rog nahin hota. iske viprit yadi ye sabhi kamjor hon, to vyakti ko nishchay hi jivan men hriday sanbandhi koi n koi rog hoga.
prashna: madhumeh rog ke jyotishiya karan bataen ?
uttara: madhumeh penkriyas granthi ki garbri ke karan hota hai jo rakt men glukoj ki matra ko nishchit star par banae rakhta hai aur jab penkriyas granthiyon men insulin nahin banta to glukoj ki matra rakt men barh jati hai aur vyakti madhumeh se grast ho jata hai. yah penkriyas granthi amashay ke niche jathar ke bich men ari pari hoti hai jo pet ke upri bhag men sthit hai. jyotishiya drishtikon se yah bhag kundli ka pancham bhav hai. pancham bhav yakrit, penkriyas granthi aur shukranuon ka karak bhav hai.
is bhav ka karak grah guru hai. penakriyas granthi ke kuch bhag ka netritva shukra grah bhi karta hai, jo sharir men banne vale harmons ko santulit karta hai. islie madhumeh rog men guru, shukra pancham bhav aur panchmesh ka vishesh mahatva hota hai. yadi kundli men guru, shukra, pancham bhav aur panchmesh papyukt ya drisht hon to jatak ko madhumeh rog ka samna jivan bhar karna parega.
prashna: kainsar rog kin jyotishiya karnon se hota hai ?
uttara: kainsar sharir ke kisi bhi ang ki koshikaon men aniyantrit rup se vibhakt hokar us ang men ganth bana deta hai. jisse kainsar rog hota hai. kainsar kalpurush ki kundli men surya, chandra, shashth, ashtam, dvadash bhavon v unke svamiyon tatha kark, kanya, tula, vrishchik aur min rashiyon ke dushit prabhav men rahne se hota hai. yah rog sharir men dhire-dhire failta hai. shani aur rahu purane rogon aur dhire-dhire failne vale rogon ke karak hain. islie kainsar inhin ke dushprabhavon men rahne ke karan hota hai. yadi pratham bhav arthat lagnesh shani rahu ke dushprabhav men rahte hain, to sir ya dimag ka kainsar hota hai.
yadi shani aur rahu kundli men ashubh hokar tritiya bhav v dvitiyesh se drishti ya yuti sanbandh banaen, to gale, shvas nali, fefre adi ka kainsar hota hai. inka yadi chaturth bhav ya chaturthesh se sanbandh ho, to stan ya chati ka kainsar hota hai. shashth bhav ya shashthesh yadi aise ashubh prabhav men rahe, to pet ya anton ka kainsar ho sakta hai. yadi pancham saptam aur ashtam bhav dushprabhavon men hon to garbhashay ka kainsar hota hai. yadi shani yogkarak ho, kintu kundli men yadi vah akarak grah se yukt ya drisht ho aur anya trik bhavon ke svami se bhi sanbandh bana raha ho, to jis bhav par uski drishti hogi ya jismen uski sthiti hogi, us bhav se sanbandh kainsar se rogi ko failaega.
prashna: gurde ke rog ke jyotishiya karan kya hain ?
uttara: janm kundli men gurde ka sthan shashth evan saptam bhav ka madhya hai. shashth bhav ka karak mangal aur saptam bhav ka karak shukra hai. islie yadi kundli men shashth bhav, saptam bhav, shashthesh, saptamesh, mangal evan shukra pap grahyukt ya drisht hon to jatak ko gurde se sanbandhit rog hota hai. shashth bhav, saptam bhav, shashthesh, saptamesh, mangal aur shukra yadi kundli men balvan aur shubh sthiti men hane, to jatak ko gurde rog nahin hota.
prashna: bahrepan ke jyotishiya karan kya hain ?
uttara: kal purush ki kundli ka tritiya bhav kan ka bhav mana jata hai. jiska karak grah mangal hai. yadi kundli men tritiya bhav pap grahon se yukt ya drisht ho, to jatak ko kan ke rog hote hain. tritiyesh, karak mangal aur budh bhi yadi papakartari ho to bhi kan se sanbandhit rog hote hain aur jatak ko bahrepan ka samna karna parta hai.
prashna: rogi ko rog se mukti kab milegi ya nahin milegi, yah rogi ki kundli se kaise janen ?
uttara: sabse pahle yah jan lena chahie ki rogi ki kundli men lagn, lagnesh, shashth bhav evan shashthesh balvan hanai ya balhin. yadi ukt donon bhav balhin hon, to rogi ko rog se mukti ya to der se milti hai ya milti hi nahin. iske sath-sath rogi ko kis mahadsha evan antardasha men rog hua aur unki kya avdhi hai yah bhi dekhna chahie yadi mahadsha ka svami rog ka karan hua to samajh len ki dasha ki jitni avdhi hai, rog bhi utni avdhi tak rahega. iske atirikt grah gochar bhi rog ki avdhi nishchit karne men sahayak hota hai.
yadi grah gochar shubh chal raha ho, to rogi ko rog se jald hi mukti mil jaegi, lekin yadi grah gochar ashubh hua arthat sarhesati adi chal rahi ho aur dashantardasha bhi ashubh grahon ki chal rahi ho to jatak ko rog ka lanbi avdhi tak samna karna parega aur ho sakta hai ki jivan bhar kasht ka samna karna pare.
prashna: yadi rog ho hi jae to kya jyotishiya upayon se labh hoga evan kya upay karne chahie?
uttara: jyotishiya upay jaise ratn, mantra, grah shanti adi avashya hi rogopchar men labhdayak hain. yadi grah janit rog ho, to kisi aushdhi se purn labh nahin milta evan anek bar kasht hota hai, par rog ka pata nahin chalta. aise men grah shanti ke sath aushdhi sevan turant labh pradan karta hai. rogopchar men mahamrityunjay jap vishisht fal pradayak hai. is mantra ke sava lakh jap karan se evan taduprant dashansh ka havan karne se asadhya rog bhi thik hote dekhe gae hain. iske sath ratn dharan, mahamrityunjay yantra sthapan v grah pujan ka vishesh labh prapt hota hai.
surya atmakarak grah hai, atah surya ko jal dene se pratah tanbe ke lote men rakhe jal ke pine se anek rog jaise netra rog, hriday rog, raktachap adi dur ho jate hain. rudraksh dharan bhi vishesh hitkari hai. isse raktachap men evan mansik rog men vishesh labh prapt hota hai aur urja evan shanti prapt hoti hai. jo grah kundli men bali hokar dusht sthanon par sthit hon unke lie padarth visarjan v dan uttam fal pradan karte hain.
anttah chikitsa vigyan dvara rog ki jankari keval rog hone par ya sharir men lakshan ane par prapt hoti hai jabki jyotish dvara rog ki jankari janm ke samay ke sath hi prapt ki ja sakti hai.