videsh yatra yog: ek vishleshan l hi men 22-23 julai 2006 ko bainkak men evan 30 julai 2006 ko singapur men antarrashtriya jyotish sammelan men sammilit hone ke lie 97 vyaktiyon ka ek pratinidhimandal bharat se thailaind v singapur gaya tha. ek sath itne vyakti videsh yatra par nikle, iske piche avashya hi koi n koi grah yog raha hoga.
jyo tish k e anu sar vide sh yatra yo gaka vichar satven, nauven v 12ven bhavon se kiya jata hai. yadi inke adhipti aur in bhavon men sthit grahon ki dasha-antardasha chal rahi ho, to videsh yatra yog banta hai. gochar men bhi yadi rahu, guru ya shani in bhavon men bhraman karen, to videsh gaman yog banta hai. hamne sabka janm vivaran ekatrit kar ek adhyayan karne ki koshish ki jiske fal kuch is prakar hain:
adhikansh vyakti kark, sinh v tula lagnon ke the aur min lagn ki kundliyan sabse kam thin. rashiyon men mesh rashi adhikansh kundliyon men vidyaman thi. kark lagn ke lie shani lagn men guru chaturth bhav men evan rahu navam bhav men gochar men tha. sinh lagn ke lie shani dvadash men gochar men tha. mesh rashi ke lie rahu dvadash bhav men aur guru saptam bhav men gochar men tha. adhikansh vyaktiyon ki rahu, guru ya shani ki mahadsha chal rahi thi evan surya ki dasha kisi ki bhi nahin thi.
adhikanshtah dashanath chaithe, satven, athven, nauven ya 10ven bhav ka svami hokar chathe ya naven bhav men sthit tha jabki antardasha nath dusre, chaithe, nauven, 12ven bhav ka svami hokar 5ven ya 8ven bhav men sthit tha. rahu videsh yatra darshata hai jabki guru jyotish aur shani vaidik gyan. yadi kisi vyakti ki rahu ki dasha shuru ho to kah sakte hain ki shesh jivan men uske videsh bhraman ki sanbhavnaen adh iak hain kyonki iske bad vah guru aur shani ki dasha se gujrega jo videsh bhraman men sahayak hongi.
surya adhikanshtah pahle, chathe, satven v 12ven bhav men, chandra tisre aur athven men, mangal dusre aur panchven men, budh pahle, panchven, chathe, nauven, 12ven men, guru dusre aur 10ven men, shani dusre aur satven men v rahu nauven men sthit tha. surya, budh aur shani ka vibhinn bhavon men ausat se bahut antar tha jo darshata hai ki ye tin grah hi videsh yatra men mukhya hai. jatkon ki kundliyon men kuch grah kuch rashiyon men adhik pae gae evan kuch rashiyon men kam. jaise surya v mangal kark, sinh men adhikatam v dhanu v min men nyunatam dekhe gae. chandra mesh men adhikatam dekha gaya.
adhikanshtah budh kanya men, shukra tula men shani mesh v kark men v rahu tula men vidyaman tha.
adhikanshtah ashvini v bharni nakshatra ke jatak samunh men sammilit the. kisi ka bhi nakshatra vishakha v dhanishtha nahin tha. surya v budh adhikanshtah chitra nakshatra men paye gaye.
mangal adhikanshtah pu.fa. evan dhanishtha nakshatron men tha. shani jyeshtha evan pu.bha. nakshatron men vidyaman tha. jabki shukra adrra evan punarvasu men tha. navansh kundli men mesh, kark v sinh navansh sarvadhik prachlit rahe evan kanya navansh nyunatam dekha gaya. surya navansh men ashtam ya dasham bhav men evan chandra ne min men navam ya dvadash bhav men adhikatam yog banaya. mangal bhi navansh kundli men tula men adhikatam tatha mesh v vrish men nyunatam paya gaya.
shani adh iakanshtah mesh navansh men dasham bhav men sthit tha.
adhikanshtah lagnesh shashth bhav men, dvitiyesh saptam men, panchmesh shashth men, navmesh navam men, dashmesh shashth, navam, v dasham men aur dvadshesh lagn, pancham, ashtam v dvadash bhav men pae gae. lagnesh kark, sinh aur kanya rashi men, panchmesh kanya, tula, vrishchik rashi men, shashthesh vrishchik rashi men, saptamesh sinh v kanya rashi men, ekadshesh kark v kanya rashi men aur dvadshesh kark rashi men sthit the.
uparyukt tathyon se pata chalta hai ki fal manyataon se kafi bhinn rahe. yadi is prakar ke ankre ekatrit kar jyotish ke niyamon ka punarvichar kiya jae to avashya hi jyotish men faladesh aur adhik satik banaya ja sakta hai.
janm kundli ke vishleshan ke lie bat karen desh ke prasiddh jyotishiyon se keval fyuchar point par