bhartiya rishi bhrigu ki khyati ek aise kalatit bhavishyavakta ke rup men hai jo bhut, bhavishya aur vartaman par saman drishti rakhte the. vah samay ki moti divar ke ar-par aise dekh sakte the jaise kisi paradarshi kanch men se dekh rahe hane. bhrigu sanhita ko bhartiya jyotish ka adi granth mana jata hai. jyotish men ruchi rakhne vale sabhi log is granth ko apar shraddha ki drishti se dekhte hain. sankshep men bhrigu sanhita ko jyotishiyoen ka dharma-granth kaha ja sakta hai. iske viprit aise logon ki bhi kami nahin hai jo bhrigu sanhita to dur bhrigu nam ke kisi vyakti ke astitva tak ko svikar karna nahin chahte. unka manna hai ki tathakthit bhrigu sanhita andh vishvasi janta ko thagne ke lie lutne khasotne ki kala men daksh jyotishiyon ke ek samuh dvara ek suniyojit shadyantra ke tahat garha hua ek kapol kalpit tarika hai.
iske fal se n keval tatkalin jyotishiyane ne khaya kamaya apitu aj tak is granth ke madhyam se unki santtiyan bhi sukhi hanai. bhrigu sanhita ki rachna se ek pauranik akhyan jura hua hai jiski katha puranon men kuch is prakar se ullikhit hai. devtaon men ek bar bhishan vivad shuru hua ki brahma, vishnu aur devadhidev mahadev in tinon men kaun shreshth hain. is bat ka faisla karna bhi koi sahaj kam nahin tha. anttah indradi sabhi devtagan maharshi bhrigu ke pas gae. parantu maharshi bhrigu ke samne bhi ek samasya thi. unhonne kaha- ”is vishay par kisi bhi prakar ka mat uchit nahin hai. atah he devagan ! main svayan is vishay par manan karke dekhunga aur tab yadi kisi nishkarsh par pahuncha to main apko inmen se kisi bhi ek ki shreshthata ka parichay dunga.“ maharshi bhrigu ne parmpita brahma aur bhagvan shiv ko asani se krodh dila diya. fir vah bhagvan palnhar shri hari vishnu ki pariksha lenee gae. unhonne vahan pahunchakar dekha ki vah sheshnag par nidramagn the aur mata lakshmi unke panv daba rahi thin.
kuch der khare rahne ke bad bhrigu ko ek tarkib sujhi. unhanene sote hue bhagvan vishnu ke sine par kas kar ek lat mari. bhagvan vishnu ki ankh khuli aur vah harbra kar uth baithe. fir bina kruddh hue bole- ”he maharshi bhrigu! meri chati to vajra ki bhanti kathor hai. kahin apke pair men chot to nahin ai.“ is par bhrigu ne kaha- ”he bhagvan shri hari vishnu! trimurti men ap sarvashreshth hain.“ bhrigu ke pad prahar ko bhagvan shri hari vishnu to hanste hue jhel gae parantu mata lakshmi ji se apne pati ka yah apman sahan n hua. kshubdh hokar mata lakshmi ne bhrigu ko shap diya-”ai ghamandi brahmana! bhavishya men sabhi brahman samriddhi se vanchit hi rahenge, svayan tum bhi.“ maharshi bhrigu us samay tak apna granth ”jyotish-sanhita“ purn kar chuke the. unmen jo gannaen thin unka fal ane vale hajaron varshon tak ke lie nishchit kiya ja chuka tha. maharshi bhrigu ne mata lakshmi se kaha- ”mera hath jis ghar par bhi hoga, vahan lakshmi ki varsha hogi aur sthir lakshmi ka vas hoga.“ maharshi bhrigu ke is kathan par mata lakshmi aur bhi kruddh ho gain aur bolin- ”to suno! jis jyotish sanhita granth par tumhen itna abhiman hai, uska fal kabhi sahi aur purn nahin aega.“ is par kshubdh v kruddh hokar maharshi bhrigu mata lakshmi ko shap dene hi vale the ki bhagvan shri hari vishnu ne kaha- ”he maharshi! ap dukhi aur pareshan n hane, main apko divya drishti deta hun.
ap punah ek sanhita granth likhen, mera vardan hai ki uska fal kabhi nishfal nahin hoga. mana jata hai ki shri hari vishnu ke vardan ke falasvarup bhrigu sanhita ki rachna hui. maharshi parashar ke 700 i. men likhit granth brihatparashrhorashastra men ek shlok men jyotish shastra ke adi pravartakon ke namane ka ullekh hai. inmen ek nam maharshi bhrigu ka bhi hai. isse spasht ho jata hai ki bhrigu namak ek prakand jyotishi hue hain. is tarah bhrigu aise bhavishyavakta aur trikalagya the jinki kisi se bhi tulna nahin ki ja sakti hai.
unke dvara virchit bhrigu sanhita ek asadharan granth hai aur ismen vichitra shabdavli ka itna vyapak prayog hai ki buddhi chakra jati hai. khas bat yah hai ki sansar ke jitne bhi jyotishi hue hain ve vartaman aur bhavishya ke garbh men jakar batate hain parantu bhrigu sanhita trikal arthat bhut, bhavishya aur vartaman tinon ka saman rup se pramanik byora deti hai. bhrigu sanhita maharshi bhrigu aur unke putra shukracharya ke bich sanpann hue vartalap ke rup men ek durlabh granth hai. uski bhasha shaili gita men bhagvan shrikrishn aur arjun ke madhya hue sanvad jaisi hai. har bar acharya shukra ek hi saval puchte hain- ”vad nath dayasindho janmalagnashubhashubham . yen vigyanmatren trikalagyao bhavishyati ..
bhrigu sanhita men drishet shabd bahut bar aya hai aur sanskrit ke is shabd ka arth ya prayog dekhne, dikhai dene aur darshit hone ke sandarbh men kiya jata hai. isse lagta hai ki maharshi bhrigu ko bhut aur bhavishya spasht dikhai deta tha. ismen purvajanm ka vivaran bhi hai. ek jagah par acharya shukra maharshi bhrigu se puchte hain- ”purvajanmakritan papan kidrikchaiv tapobal . tad vadasya dayasindho yen bhuyatrikalagyah ..
adhikansh sthalon par purvajanm, vartaman janm tatha ane vale janm ka hal bhi diya gaya hai. kuch mamlon men yahan tak kaha gaya hai ki koi vyakti bhrigu sanhita kab, kahan, kis prayojan se vishvas ya avishvas ke sath sunega. patni ki kundli ke bina hi sirf pati ki kundli ke adhar par patni ke bare men vyapak vivechan v uske sahi hone ki pushti anek vidvanon ne ki hai. bhrigu sanhita men gannaon ka ullekh karte samay varsh, mahine aur din ka bhi jikra ata hai. kuch kundliyon men prashnakal ke adhar bhi par gannaen hanai. kahin-kahin prashnakarta ke janm sthan, nivas sthan, pita tatha unke namon ke pahle aksharon ka bhi vivaran milta hai. adhunik yug ke kai aise sandarbh is granth men hanai jin par kuch bhi batana am taur par asanbhav hota hai.
udaharan ke lie vidhayak, janakalyan, sachivalay, nyayadhish, sthanantaran, bima, havai jahaj, aenpreshan, eksare tatha anya chikitsakiya yantra, intaravyu, kulpti, kaenmars, metal ditektar, kanpni, majistret, jiladhikari, ayukt, vetan, penshan, hridyaghat, injiniyaring, motar, duphiya vahan, vakil, fainains kanpni adi se sanbandhit tamam kundliyan bhrigu sanhita men bhari pari hain. kuch log bhrigu sanhita ko 500 ya 600 prishthon ki pustak samjhte hain. unki bhranti ko dur karne ke lie ek shlok prastut hai- ”pitrivyashch sukhan purn nagatrinshatashat kaveah. samyak brumi falan tatra pitrivyashch mahataram ..
yah anuman lagana asanbhav hai ki bhrigu sanhita kitne prishthon ki hai aur iska akar kya hai. yah durlabh granth hajaron varsh pahle bhrigu rishi dvara bhojapatra par likha gaya tha. prachin anmol granthon ko nalanda vishvavidyalay men jala diya gaya tha. jo shesh bacha vah himalay par siddhashram svami sachchidanand ji ke pas maujud hai. yah sthan badrinath dham se age alkapuri aur satopanth tirth ke bich hai. durlabh hastalikhit prachin granthon men bhrigu sanhita, shankh sanhita, sushrut sanhita, charak sanhita, ravan sanhita adi anek granth gufaon men surakshit hain jinmen bhrigu sanhita itni vishal hai ki use uthana bhi kathin hai.