makar sankranti s ramesh shastrai kar sankranti ka parva sanpurn bharat varsh men bari shraddha ke sath manaya jata hai. dakshin bharat men ise pongal ke parva ke rup men shraddha evan harshollas se manaya jata hai. jis din surya makar rashi par sankraman karta hai usi din ko makar sankranti kahte hain. yah parva bara pavitra hota hai. isi din se devtaon ka din bhi praranbh hota hai. aisi manyata hai ki manushyon ke chah mas ke barabar devtaon ka ek din hota hai aur usi ke barabar ratri bhi hoti hai. jab surya dakshinayan hote hain. surya ka kark se dhanu tak ka kal dakshinayan mana jata hai. yah kal devtaon ka ratri kal mana jata hai. surya ki makar rashi se mithun rashi tak ki avdhi ko uttarayan kahte hain, jise devtaon ka din mana jata hai. makar sankranti se devtaon ka din praranbh hota hai, jo asharh mas tak rahta hai. is avdhi kal men vivah, churakarm sagai adi sabhi manglik karyon aur dev pratishtha, anushthaanadi dharmik karyon ke sath-sath grih pravesh, griharanbh adi mahatvapurn karya vishesh rup se sanpann kie jate hain. desh ke pahari tatha vibhinn maidani kshetron men makar sankranti khichri sankranti ke rup men bahut dhumdham se manai jati hai. is din log dopahar men til mishrit khichri khate hain aur ek dusre ko til ke laddu, revri adi bhent karte hain. ram charit manas men gosvami tulsidas ji ne makaragat surya ke vishay men kaha hai magh makaragat ravi jab hoi tirthpthi au sab koi. magh mas men jab surya makar rashi par hote hain us samay tirtharaj prayag men sabhi log snan danadi punya karm karne ke lie ate hain. prayag men aj bhi ganga, yamuna, sarasvati ke taton par prati varsh magh mela lagta hai, shraddhalu jan dur-dur se akar is punya parva ka labh prapt karte hain. kaha jata hai ki jab bhishm pitamah mahabharat ke yuddh men vanon ki shayya par pare the us samay surya dakshinayan the, pitamah ne surya ke uttarayan hone ki pratiksha ki aur tab apne pranon ka tyag kiya aur sidhe dev lok ko chale gae. m makar sankranti ke din magh snan ka pramukh parva bhi hota hai. is din pavitra nadiyon sarovron men snan karne se punya fal aur bhagvan narayan ke nimitt puja, path, dan, yagya adi karne se bhagavat kripa ki prapti hoti hai. vishesh rup se tilon ka dan karna maha punya falaprad mana gaya hai. makar sankranti ka parva hamari sanskriti aur sabhyata ka vishesh ang hai. yah parva adhyatmik drishti se hamare lie jitna mahatvapurn hai utna hi bhautik drishti se bhi mahatvapurn hai. yah parva hamen pavitrata nirmalata ka sandesh to deta hi hai, tyag aur paropkar ki prerna bhi deta hai. jaise bahri snan se sharir nirmal banta hai usi prakar bhitri snan se man nirmal banta hai. atah tirth men snan karte samay ishvar se yah prarthana karen ki hamare vahya sharir ki shuddhi ke sath-sath man ki antrik shuddhi bhi bani rahe, hamari unnati ho aur ham dusron ki unnati men sahayak banen.
Kya aapko lekh pasand aaya?
Subscribe