magh snan snatva maghe shubhe tirthe prapnuvantipsitan falam. sarve'dhikarino hyatra vishnubhakto yatha nrip.. mare dharmashastra puranadi granthon men magh, kartik aur vaishakh mahinon ko mahapunyafldayi pavitra mas mana gaya hai. in mason men tirth sthalon par nitya snan, danadi karne se anant punyafal ki prapti hoti hai. shastron men suryoday ke samay ko uttam mana gaya hai. uske pashchat jitne vilanb se snan kiya jata hai usi anupat men snan ka punya fal kam hota jata hai. atah jahan tak sanbhav ho, uttam samay men hi snan karen. snan ke lie prayag, kashi, haridvar adi pramukh tirth sthal uttam mane gae hain. yadi in tirthon men nahin ja saken to jahan bhi snan karen, vahin unka smaran karen. iske atirikt ‘pushkaradini tirthani gangadyaah ratistatha. agachchantu pavitrani snan kale sada mam. ayodhya mathura maya kashi kanchi avantika. puri dvaravti gyaeyaah saptaita mokshadayika’ ka uchcharan karen. ya veg se vahne vali nadi ke jal men snan karen. iske alava rat bhar chat par rakhe hue jal purit ghat se snan karen athva din bhar surya kirnon se tape hue jal se snan karen. snan ke uprant suryanarayan ko jal ka aghrya den aur bhagvan vishnu ki puja karen. apni shakti samathrya ke anusar ann aur vastra ka dan karen. magh snan bal yuva, vriddh vale striyan, purush, grihasth, brahmachari, sannyasi, vanaprasthi sabhi kar sakte hain. kaha gaya hai brahmachari grihastho va vanaprastho'th bhikshukah. valvriddhayuvanashch narnarinpunskaah.. magh snan ki avdhi ke sanbandh men shastron men tin prakar se ullekh hain- paush shukla ekadshi se magh shukla ekadshiparyant paush shukla purnima se magh shukla purnima tak tatha makar sankranti se kunbh sankranti tak. magh mas men yatha sanbhav nitya snan karen. iske atirikt magh mas ke pramukh parva sankranti, ekadshi, amavasya, purnima adi tithiyon ko tirthasthal men shraddha vishvaspurvak snan, dan karne se vishesh punya fal ki prapti hoti hai. agar sanpurn mas men tirth men snan adi n kar saken to in pramukh punya parvon men snan karne se magh snan ka fal prapt hota hai. magh snan karne se vyakti ko pap, tap, shap se mukti milti hai tatha jivan men vishesh sukh shanti prapt hoti hai. tirth kshetra jane par apne vichar evan bhavnaon ko pavitra rakhen. sanyam purvak satvik jivan shaili ka palan karen kyonki shastra men kaha gaya hai ki anya sthan men kie gae papon ka prayashchit tirth kshetra men kie gae punya karm se ho jata hai, lekin tirth kshetra men kie gae papon se mukti nahin milti. anya kshetre kritan papan tirthakshetre vinashyati. tirth kshetre kritan papan vajralepo bhavishyati. atah snanakarta ko chahie ki vah tirthasthal men jakar shuddh satvik bhav se shraddha vishvaspurvak dharm ka acharan kare. taki tirth snan, danadi ka purn fal prapt ho sake tatha tirthasthalon ki garima bhi bani rahe.
Kya aapko lekh pasand aaya?
Subscribe