vibhinn hast rekhaen vijay kumar hath par sat pramukh rekhaen aur panch gaun rekhaen hoti hain. pramukh rekhaon ka parichay is prakar hai. jivan rekha: yah brihaspati parvat ke thik niche se chalti hai aur shukra parvat ko gherti hui niche ki or barhti hai. is rekha ko ayu rekha bhi kahte hain. is rekha ke vishleshan se ayu kal, bimari, mrityu adi ke bare men jana ja sakta hai. yah rekha lanbi, sankri, gahri aur aniyamittaon se rahit ho, aur tuti hui n ho aur is par koi chihn n ho to shubh hoti hai. shubh jivan rekha vyakti ke uttam svasthya, dirghayu evan sfurti ki suchak hoti hai. mastishk rekha: mastishk rekha tin vibhinn sthanon se aranbh ho sakti hai- 1. guru parvat ke kendra se 2. jivan rekha ke aranbh se 3. jivan rekha ke bhitar mangal kshetra se is rekha ke vishleshan se vyakti ki pratibha, urja, lakshya, drirhta, tarkakshamata adi ke bare men jana jata hai. hriday rekha: hriday rekha brihaspati kshetra se aranbh hokar surya parvat ko par karti hui budh parvat ke mul tak jati hai. is rekha se bhavukta, prem sanbandh, man ki sthiti adi ka vichar kiya jata hai. shatru mudrika: shatru mudrika hriday rekha se upar surya v shani parvaton ke kshetra ko ghere rahti hai. svasthya rekha: svasthya rekha budh parvat kshetra se aranbh hokar niche ki or jati hai. isse vyakti ke svasthya, bimari, asadhya rogon adi ka vichar kiya jata hai. surya rekha: surya rekha ka aranbh jivan rekha, chandra parvat kshetra, mangal parvat kshetra, mastishk rekha athva hriday rekha kahin se bhi ho sakta hai. ise pratibha rekha athva saflta rekha bhi kaha jata hai. bhagya rekha: bhagya rekha jivan rekha, manibandh, chandra parvat, mastishk rekha ya fir hriday rekha se aranbh hokar madhyama ke parvat tak jati hai. bhagya rekha ke vishleshan se karya vyavsay, kutniti, lokapriyata adi ka vichar kiya jata hai. gaun rekhaen: hath men nimnalikhit panch gaun rekhaen pai jati hain. mangal rekha: yah mangal parvat se praranbh hokar jivan rekha ki or jati hai. isse shaurya, atmavishvas, krodh adi ka vishleshan kiya jata hai. vasna rekha: yah svasthya rekha ke samanantar hoti hai. is rekha se stri athva purush ki kam bhavna ka vishleshan kiya jata hai. antaprragya rekha: yah budh parvat kshetra se aranbh hokar chandra parvat kshetra ki or jati hai. yah arddhavrittakar hoti hai. isse purush athva stri ke antrik vyaktitva bhautikta, dharm, riddhi-siddhi adi ke bare men vichar kiya jata hai. vivah rekha: yah budh parvat kshetra men hoti hai aur ari hoti hai. isse vivah ke samay, vaivahik jivan tatha jivan sathi ke bare men vichar kiya jata hai. manibandh rekhaen: ye kalai men pai jati hain. in rekhaon ko anya rekhaon ke sath vishleshan kar unnati, bhagyavriddhi, videsh yatra adi ka vichar kiya jata hai.
Kya aapko lekh pasand aaya?
Subscribe