hasta-rekhakritiyon ke fal basant soni bhartiya hastarekha- vid stri ka bayan v purush ka dayan hath dekhakar falakathan karte hain. hast rekhaon ke milne se kahin kahin akritiyan si nirmit ho jati hain jinko vishesh mahatva dete hue samudrik shastri faladesh karte hain. jiske hath men rekhaen matsyakriti banati hain vah santtivan, dhanvan v bhagyavan hota hai. uske sab karya siddh hote hain. jiske hath men tulakriti, grihakriti ya vajrakriti ho uska kam dhandha khub chalta hai. hath men kamlakriti, pushpakriti, dhanushakriti, khadgakriti, chakrakriti athva ashtakonakriti to jatak vir gunvan, dhani evan tandurust hota hai. jiske hath men rekhaon ke milan se yadi kisi ke hath men trishulakriti ho vah satvik vritti ka v rajdrbari hota hai aur achche karya karta hai. jiske hath men kundal athva ankush ki akriti ho vah prasiddh janapriya neta athva kisi shahanshah ka bajir hota hai. narmundakriti, pankhakriti, kanknakriti, athva parvatakriti sadrishya koi chihn ho to vyakti ko man-samman, yash, pratishtha, vijyadi ki prapti hoti hai. yadi surya chandra, math, trikon, ashva, gaj, bel athva nayan ki akriti ho to jatak sukhi sanpann hota hai. use dhandhanyadi ki koi kami nahin rahti. mala, tara, rath ya dhvaja ki akriti vyakti ke raja hone ka sanket deti hai. jiske hath men shankh, dhvaja ya nasika ki akriti ho vah vidvan hota hai. vah asadharan pratibha se sanpann hota hai. anguthe ke madhya jau ka chihn aishvarya prapti ka suchak hai, tarjani evan madhyama ke madhya yah chihn sukhi parivarik jivan ki nishani hai. hath men jau ke jitne chihn honge. utne prakar ki vidyaen jatak ko prapt hongi. kalai par sarpakriti vala vyakti chori chal-prapanch, jhagre papakarm adi karta hai. yadi yah akriti anguthe ke madhya ho to vah vyabhichari bhi ho sakta hai. donon hathon ki madhyama men shankhakriti tatha shesh ungliyon aur anguthon men chakrakritiyan aishvarya prapti ki suchak hanai. sankhya ke adhar par ek hath men shankh v chakra ki akritiyon ka shubhashubhatva is prakar hota hai. ek shankh vala vyakti adhyaynshil, do shankhon vala daridra, tin shankhon vala patni, pirit, char shankhon vala raja tulya vaibhav sanpann panch shankhon vala videsh se dhanarjan karne vala, chah shankhon vala hoshiyar, sat shankhon vala nirdhan, ath shankhon vala sukhi, nau shankhon vala napunsak evan das shankhon vala vyakti raja athva yogi hota hai. ek chakra vala vyakti chatur, do chakron vala atisundar, tin chakron vala kami, char chakron vala din dukhi, panch chakron vala gyani- vigyani, chah chakron vala buddhiman, sat chakron vala premi, ath chakron vala daridra, nau chakro vala shasak aur das chakro vala vyakti sevak hota hai.
Kya aapko lekh pasand aaya?
Subscribe