arogya vrat  

arogya vrat (10 janvri 2008) pan. braj kishor brajvasi arogya vrat ko paush shukla dvitiya se praranbh kar pratyek mah ke shukla paksh ki dvitiya ko karte hue margashirsh ki shukla paksh ki dvitiya ko purn kiya jata hai. paush shukla dvitiya ko goshringodak (gayon ke singon ko dhokar lie hue jal) se snan karke safed vastra dharan kar suryast ke bad balendu (dvitiya ka chandrama) ka gandhadi se shodshopchar pujan karen. jab tak chandrama ast n ho tab tak gur, dahi, parmann (khir) aur lavan se brahmanon ko tript karke vastrabhushnadi v dravya dakshina dekar unka ashirvad prapt kar keval goras (chach) pikar jamin par shayan karen. pratah kalin nitya naimittik karmon ko niyamanusar hi sanpann karen aur snanoprant arogya vrat ki purnata ka sankalp lekar sanpurn din nirahar rahte hue vrat ka palan karen. is prakar pratyek mas ki shukla paksh dvitiya ko ek varsh tak chandra pujan aur bhojnadi karke barhven mahine margashirsh ki shukla paksh dvitiya ko balendu ka yathapurvak pujan karen aur ikshuras (ikh ke ras) ka ghara, sona, vastra v anya upyogi samagri bhojnadi, padarth tatha dravya dakshinadi brahmanon ko samman purvak dekar bhojan karen. isse rogon ki nivritti aur arogya ki pravritti hoti hai aur sab prakar ke sukh milte hain. rog grast logon ke lie to yah ati uttam vrat hai. svasth v sukhi jivan ke lie yah vrat sabhi ko karna chahie. chandra stuti, chandra kavach, chandra stotra ka path tatha chandra mantron ka jap bhi avashya karen. chandra utpatti ki katha parhen. chandra mantra s ¬ shran shrin shrin sah chandramse namah. s ¬ somay namah. s kshirputray vidmahe amritatvay dhimhi. tann shrandrah prachodyat. s kshirputray vidmahe amritatvay dhimhi. tannashchandrah prachodyat. s amritangay vidmahe kalarupay dhimhi. tannah somah prachodyat. s atriputray vidmahe sagrodbhavay dhimhi. tannashchandrah prachodyat. chandandra utpatti katha sahasrashirsah punso nabhihridsroruhat. jatasyasit suto dhaturatri pitrismo gunaiah.. tasyahrigbhyo'bhavat putrah somo'mritmyah kil. vipraushadhyudugnanan brahmana kalpitah pati 3 .. shrimadbhagavat mahapuran 9/14/2-3 sahasron sir vale virat purush narayan ke nabhi sarovar ke kamal se brahmaji ki utpatti hui. brahmaji ke putra hue atri. ve apne gunon ke karan brahma ji ke saman hi the. unhin atri ke netron se amritamay chandrama ka janm hua. brahmaji ne chandrama ko brahman, aushdhi aur nakshatron ka adhipti bana diya. unhonne tinon lokon par vijay prapt ki aur rajsuya yagya kiya. inka vivah sanskar dakshaprajapti evan asikni ke sanyog se utpann sath kanyaon men se krittikadi sattais nakshatrabhimanini deviyon ke sath sanpann hua. rohini se vishesh prem karne ke karan chandrama ko daksh ne shap de diya, jisse unhen kshay rog ho gaya tha. unhen koi santan nahin hui. chandrama ne daksh ko fir se prasann karke krishn paksh ki kshin kalaon ke shuklapaksh men purn hone ka var to prapt kar liya, parantu nakshatrabhimaniyon deviyon se unhen koi santan n hui. jo log shraddha v vishvaspurvak yah arogya vrat karte hain unhen nishchay hi svasthya labh to hota hi hai, sukh, shanti v lakshmi ki prapti bhi hoti hai.