hastarekha shastri ke lie smaraniya tathya vijay kumar hastarekha shastra ke siddhanton aur niyamon ko dhyan men rakhakar puri gahrai ke sath rekhaon ka vishleshan karne par hi kisi vishay athva ghatna ke sahi tathya ka pata chal sakta hai. hastarekha ka parikshan karne se pahle yah dekh lena chahie ki hath saf-suthre hon, unmen kisi prakar ka ghav adi nahin ho. hath ki banavat, akriti, tvacha, nakhunon adi ka bhi bhalibhanti parikshan karna chahie. hathon ki banavat ka nirikshan rekhaon ki jankari se adhik avashyak hai. s hastarekhavid ko dhyan rakhna chahie ki kisi bhi vyakti ka hast parikshan karte samay vahan koi dusra n ho anyatha vah jivan ki kisi aisi ghatna ke bare men nahin bataega jise vyakt karne men use sharm mahsus ho. sahast parikshan karte samay hastarekhavid ko jatak ki mansik sthiti ka bhi dhyan rakhna chahie. s hath dikhate samay vyakti ka munh purva ki taraf ho aur dekhne vale ka uttar ki taraf. s hastarekhavid ko hathon ki banavat ka gyan bhali bhanti hona chahie. hath ki rekhaon se mahatvapurn uski banavat hoti hai. kisi vargakar hath par dhalvan mastishk rekha ka fal nukile ya darshanik hath ki mastishk rekha se bhinn hota hai. s hastarekha shastra ko manoranjan ka sadhan nahin banana chahie kyonki yah ek gurh vishay hai. s rekhaon ka adhyayan karne ke sath-sath grahon ke parvat tatha anya chihnon ka bhi adhyayan karne ke bad faladesh karna chahie. hathon ke rang adi ka bhi vishesh dhyan rakhna chahie. s jyotishi ya hastarekhavid ko chahie ki vah vyakti ko pure vishvas men lekar faladesh kare. koi aisi bat n kahe jisse use thes pahunche ya jo uske dharm ke viruddh ho. s faladesh karte samay yah dhyan rakhna chahie ki vyakti ko kisi bhi prakar ki pareshani n ho, uske gharelu jivan ko adhar bana kar faladesh nahin karna chahie. hastarekhavid vyakti ko har tarah se santusht rakhne ka prayas kare. aisa karne se vah pura sahyog karega. s hastarekha vid ko amir-garib jat-pat se upar uthakar logon ka apne gyan se kalyan karna chahie. is tarah agar ek hastarekhavid in siddhanton aur vishyon ko yad rakhen to sahi faladesh kar sakne men samarth ho sakta hai.
Kya aapko lekh pasand aaya?
Subscribe