mastishk rekha evan apka vyaktitva  

mastishk rekha evan apka vyaktitva en. pi. thareja hidu hastarekha shastra men mastishk rekha ko dhan aur matri rekha kaha jata hai. is rekha se jatak ki sanyam kshamata, man ki ekagrata ki shakti tatha manovritti ka vishleshan kiya jata hai. ham jante hain ki hamare bhavishya ko sanvarne men hamare man ki bhumika aham hoti hai. manushya ki sharir rachna sugthit ho sakti hai, par yadi manovritti thik n ho to sharir sucharu rup se kam nahin kar sakta. manobal majbut ho to vyakti jivan men parivartan la sakta hai. vyakti ka bhavishya uski manodsha par nirbhar karta hai. fir mastishk rekha ke vishleshan se mastishk ki shakti ki gunavatta aur pariman ka nirdharan kiya ja sakta hai. mastishk rekha hriday rekha ke niche hoti hai-kamovesh samanantar. yah rekha tarjani v anguthe ke lagabhag bich se shuru hoti hai. is rekha ki sthiti men kisi tarah ki garbri se vyakti ki asvabhavik pravritti ka pata chalta hai. samanyatah yah rekha tarjani ke niche se shuru hoti hai- jivan rekha se juri ya fir isse kuch dur. yah jivan rekha ke bhitar kisi sthan se bhi shuru ho sakti hai. is rekha ki tin alg-alag avasthitiyan is prakar hain: mangal ke nichle parvat par jivan rekha ke andar uthti hui. mastishk tatha jivan rekhaen karibi se ek dusre se juri hoti hain. mastishk rekha jivan rekha se hatakar shuru hoti hai. jin logon ki mastishk rekha mangal ke nichle parvat par jivan rekha ke bhitar se ubhrti hai ve mangal dvara sanchalit hote hain. ve vivadapriya hote hain aur unka svabhav jhagralu hota hai. yadi mastishk rekha sidhi barhakar mangal ke upri parvat se upar tatha budh ke parvat ke niche tak jati ho to ukt gun aur bhi ugra hote hain. mastishk rekha ka nichla sira upar hriday rekha ki taraf murta ho to vyakti ka svabhav jhagralu aur chirchira hoga. vah hatyara bhi ho sakta hai. kintu yadi mastishk rekha ka nichla sira niche chandra parvat ki taraf jata ho to vyakti men atmavishleshan ki bhavna hoti hai, faltah uske svabhav men ugrata apekshakrit kam hoti hai. jin logon ki mastishk rekha apne udgam sthal se nikal kar jivan rekha se karibi se jurti ho aur halki si duri par vilin ho jati ho, ve satark, sajag, sharmile tatha darpok hote hain. ve svayan koi nirnay nahin le sakte, hamesha apne mata pita aur baron ke nirdeshon ke anusar chalte hain. jivan se jure mamlon ke prati nirnay lene men jis atmavishvas ki jarurat hoti hai uska unmen abhav hota hai. unke mata pita aur baron ka margadarshan yadi vardan siddh ho sakta hai to uske badhak hone ki sanbhavna bhi rahti hai. jivan rekha se thori dur sthit tisri prakar ki mastishk rekha vale l a e g atmavishvasi v drirhnishchayi hote hain. unhen ishvar se antajrnyan ka vardan mila hota hai. yadi mastishk v bhagya rekhaon ke bich ka sthan sankirn ho to vyakti ka atmavishvas aur nirnay kshamata kuch kamjor hoti hai. yadi yah bhag bahut chaira ho to vyakti prabal nirnay kshamata ka svami hota hai, kintu uske svabhav men laprvahi hoti hai. faltah vah apne karyon ke achche bure parinamon par adhik dhyan nahin deta. mastishk rekha ki aranbh se ant tak ki tin sthitiyan hoti hain. pahli ek se dusre sire tak sidhi. aisi rekha vyakti ke nitant vyavharik hone ka sanket deti hai. uski gun-dosh vivechan ki kshamata majbut hoti hai aur vah santulit v samjhdar hota hai. is tarah ki mastishk rekha vale log jivan ke jis kisi bhi kshetra men hote hain unmen sangathan ki kshamata prabal hoti hai. is sthiti ki mastishk rekha striyan bhi uttam sangathan kshamata v karya kaushal ki svamini tatha udyamshil hoti hain. apni dusri sthiti men mastishk rekha apne antim sire se upar ki or thora murti hai ya uski koi shakha upar ki or jati hai. aisi rekha vale log prabal mansik shakti aur arjanashil svabhav ke svami hote hain. mastishk rekha ki disha hatheli ke chaturbhuj (hriday tatha mastishk rekhaon ke bich ka bhag) par apna prabhav dalti hai. yadi yah chaturbhuj samatal v sugthit ho, n sankirn aur n jyada chairi ho aur mastishk rekha bhi samatal ho to jatak ki gun dosh vivechan kshamata santulit hoti hai. yadi mastishk rekha hriday rekha ke karib se hokar gujre jisse chaturbhuj sankirn hota ho to jatak dame ka rogi hota hai. sankirn chaturbhuj vale logon ki mansikta sankirn hoti hai aur ve dusron par apna dhan kharch karna nahin chahte. mastishk rekha se ayu ki sanbhavit sima ka pata bhi chalta hai. jivan rekha, hriday rekha jisse hriday ki karyapranali ka pata chalta hai, aur mastishk rekha ye tin pramukh rekhaen hain jinke adhar par ayu sima ka anuman kiya jata hai. yadi jivan tatha ayu rekhaen choti hon to ayu in donon ke dvara nirdharit samay tak chalegi. sidhi hatheli ke par jati mastishk rekha is bat ka sanket deti hai ki vyakti ki mansik shakti prabal hai. yadi kisi ki hriday rekha choti ya mastishk rekha ki lanbai ke barabar ho to vah nishthur aur svarthi hota hai. sidhi mastishk rekha vale vyakti men vyavharlta prabal hoti hai. kintu yadi yah niche ki or jhuki ho to vyavharikta ka sarvatha abhav hota hai. vyakti kalpanalok men vicharan karta hai. jis vyakti ki mastishk rekha chandra parvat ki or jhuki hui ho vah atyant kalpanashil hota hai. uski kalpanashakti bahut majbut hoti hai, jiski badaulat vah yash aur nam arjit kar sakta hai. gahri aur sugthit vali mastishk rekha uttam samjhi jati hai. yadi yah kuch dur tak isi avastha men ho aur fir lanbai men kuch dur tak patli aur tab janjirnuma ho to yah is bat ka sanket hai ki vyakti ka mastishk shuru men bhala changa raha hoga, fir iske patla hone par kamjor aur janjirnuma hone par vikrit ho gaya hoga. samanya avastha men mastishk rekha sidhi hatheli ke par jati hai ya fir niche ki or jhuki hoti hai. iska upar hriday ki rekha ki taraf jana shubh nahin hota. yadi yah shani parvat ki or jae to bure prabhavon men vriddhi hoti hai aur isse achanak maut bhi ho sakti hai. yadi shani parvat par iske sire par koi kraes, bindu ya tara ho to akasmik mrityu nishchit hai. kintu ise anya lakshanon se bhi nishchit kar lena chahie. shani parvat par mastishk rekha guchchedar ho to vyakti ke lakvagrast hone ki sanbhavna rahti hai. yadi yah upar ki or jakar hriday rekha men lay ho jati ho to vyakti ka khud par niyantran nahin rah jata aur us par sanveg tatha vasna prabhavi ho jate hain. aisi mastishk rekha vale vyakti men pashvikta pai jati hai. uska shukra (kam vasna ka svami) parvat bara tatha lal hota hai. uska mangal ka parvat bhi gol tatha lal hota hai. apni kamvasna ki tripti ke lie vah apradh tak kar sakta hai. mastishk rekha sidhi ho, to vyakti men vyavharptuta pai jati hai kintu yadi jhuki ho to vah kalpanashil hota hai. rekha jhuki hui ho aur chandra parvat par jati ho tatha tara, kraes, dvip ya bindu jaise ashubh chihnon se prabhavit ho to iske prabhav ashubh hote hain. halki jhuki aur ant men kante se yukt mastishk rekha shubh hoti hai. aisi rekha se yukt logon men vyavharikta v kalpanashilta donon pai jati hain. ve bahumukhi pratibha vale tatha kamyab hote hain. kantedar mastishk rekha ashubh hoti hai. is sthiti ki rekha jiske hath men hoti hai uske vichar men dohrapan hota hai. vah jhutha bhi ho sakta hai. kintu kuch hathon men mastishk rekha ant men tin sugthit shakhaon men banti hoti hai jinmen ek budh parvat ki or jati hai, bich ki mangal parvat ki or tatha tisri chandra parvat ki or jhuki hui hoti hai. aisi rekha atyant labhdayak hoti hai aisi rekha vale log jivan ke sabhi kshetron men safal hote hain. prabal mastishk rekha se mastishk ke sochne aur karya karne ki kshamata ka pata chalta hai. aisi rekha vale log bharosemand hote hain aur apni buddhimatta ke karan dusron ke prabhav men nahin ate. yadi hath bara, mastishk rekha patli ya choti tatha anya rekhaen bari hon to vyakti ko mansik uttejna ki sthiti se bachna chahie kyonki adhik dabav parne se mastishk men kharabi a sakti hai aur parinamtah lakva ho sakta hai. vishleshan donon hi hathon ki rekhaon ka karna chahie anyatha falakathan trutipurn ho sakta hai. yadi bayen hath ki mastishk rekha kamjor aur dayen hath ki gahri ho to mastishk bali hoga. mastishk rekha ko choti choti rekhaen katti hon to vyakti siradard se pirit ho sakta hai. yah rekha patli aur use katne vali rekhaen gahri hon to vyakti ko mastishk jvar ho sakta hai. bayen hath ki mastishk rekha sabal aur dayen hath ki durbal ho to vyakti ka dimag kamjor hota hai, aur aisi sthiti men dimag se adhik kam lena ghatak ho sakta hai. yah rekha uthli aur chairi ho to yah shakti men kami aur vyakti ke hathadharmi hone ka lakshan hai. vyakti lobhi hota hai aur dusron ke prabhav men shighra a jata hai. dimag ki sthirta ke lie mastishk rekha ka samatal hona jaruri hai. yah kuch dur patli, fir moti aur fir patli ho, to vyakti ka dimag sthir nahin hota - uske vicharon men badlav ate rahte hain. yadi gahri ho to vyakti utsah aur josh se bhara hota hai, kintu patli hone par usmen nirasha a jati hai. choti rekhaen yadi mastishk rekha se upar uthi hon to shubh aur niche giri hon to ashubh hoti hain.