hastarekha dvara kundli milan  

hastarekha dvara kundli milan bhauri lal kala vivah svarg men nirdharit kie jate hain, ham keval yahan prithvi par unhen sanpann karte hain. fir melapak ki avashyakta kyon? hamare man men utpann hone vala pratyek bhav ya vichar param pita parmatma ki ichcha se hi utpann hota hai. atah melapak ka vichar ya bhav bhi unhin svargadhipti parmatma ki ichcha se utpann hua tatha usi prerna se hamne ‘melapk’ ka prayog kiya. kintu parinam parmatma par hi nirbhar rahta hai. melapak se tatparya var v kanya ki kundliyon ke sangopag vishleshan ke adhar par donon ke gun doshon ka fal kathan karna hai. vivah samajik jivan ka mahatvapurn parav hai. solah sanskaron men se 15 van sanskar vivah hai. vaivahik jivan ki khushiyan jivan bhar sath rahne vale do vyaktiyon ke parasparik talmel par purnatah nirbhar karti hain atah melapak mahatvapurn hi nahin apitu anivarya v apriharya bhi hai. hast rekhaon dvara melapak ka adhyayan karte samay mukhyatah 5 baton ka dhyan rakha jata hai- 1. sanvad 2. vahya vyaktitva 3. atmik milan 4. yaun melapak 5. samanubhuti bhav iske atirikt jivan ke sukh evan samriddhi ke paksh, viprit paristhitiyon men dhairya, paraspar prem bhav adi ka vichar bhi kiya jata hai. parinay sutra men bandhne se purva hath dvara kundli milan milan men anguthe ka mahatva: anguthe ka nichla athva tisra por, jivan rekha dvara jise vishesh akar diya jata hai, shukra parvat ko utkrisht banane men vishesh bhumika nibhata hai. shukra parvat ka purn rup se ubhra hona grihasth jivan ke safal hone ka suchak hai, atah is par vishesh rup se dhyan dena chahie. ka) sudrirh anguthe se santulit jivan ka anuman lagaya jata hai. kha) angutha sidha, sudaul tatha lanba ho aur uske poron ki lanbai bhi barabar ho (anupat 2ah3 ka ho to sarvashreshtha) to vyakti buddhiman hota hai aur apni bat ya apne nirnay par adig rahta hai. vah samay ka sadupyog karta hai v samay ke mahatva ko samjhta hai. samajik bandhan aise vyakti ke vicharon ko prabhavit nahin karte. vah apne kam ke prati pura imandar hota hai. aur svayan apne jivan ko safal banata hai. ga) kanya ka angutha sundar ho aur sundrta ke sath-sath lachila ho, to vah nai paristhitiyon men apne ap ko dhal lene men saksham hoti hai. vah apni vakptuta se dusron ka man jit leti hai. yadi angutha chota aur uska pahla por mota ya mans ho, to vyakti jiddi tatha ganda svabhav ka hota hai. yadi vivah rekha gahri ho v lalima lie ho aur mastishk rekha par shani parvat ke niche yadi kala bindu ho to yah lakshan pati ki sthiti men patni ke lie aur patni ki sthiti men pati ke lie pranghatak hoti hai. yadi vivah rekha dhire-dhire hriday rekha ki or jhukti hai to jivan sathi ka svasthya kharab hota hai. yadi jivan rekha ka udagam do sthan se ho aur fir vah ek hokar chale to pati-patni ke bich algav hota hai. yadi bayen hath men vivah rekha, hriday rekha ko katti jhukti hui shukra parvat par pahunchti ho to talak hone ki sanbhavna rahti (yadi bayane hath men ho to) hai. yadi yah lakshan donon hathon men ho to talak nishchit rup se hota hai. yadi vivah rekha se ek hast melapak sarni angutha sidha aur sudaul ho aur uske por saman hon. vivah rekha dosh rahit ho. guru parvat par kraes (ga) ya tara (’) ho. budh parvat purn rup se viksit ho. shukra kshetra purn rup se viksit hona chahie. hath bhari ho aur ungliyan sudrirh ganth se yukt hon. tarjani lanbi ho mangal rekha spasht v dosh rahit ho. kanishthika sidhi ho aur anamika ke tisre por se choti v nukili nahin ho. hriday rekha guru v shani ke madhya se aranbh ho. lachilapan hone ke sath sundar bhi ho aur uska dusra por lanba ho. vivah rekha spasht, sundar, sidhi, patli v dosh rahit ho. guru parvat purn viksit ho aur us par (ga) ya (’) chihn hona chahie. shukra kshetra bhi viksit ho. mastishk rekha mangal ko sparsh karti ho v lanbi ho. hath mulayam v naram ho. tarjani v anamika saman ho. yadi bhagya rekha chandra kshetra se aranbh ho to shubh hoti hai. mangal rekha spasht v dosh rahit ho. var kanya shakha niche ki taraf akar surya rekha ko katti ho to jivan sathi ko svasthya sanbandhi samasyaon ka samna karna parta hai. dhyan dene yogya baten yadi vivah rekha se ek shakha nikalakar upar ki or surya parvat par jati ho to shubh hoti hai. iske atirikt yaun melapak, arthik paksh, samaj men samman, svasthya paksh, santan paksh adi ka vishleshan bhi hastarekhaon ke adhar par kiya jata hai. sath hi ye rekhaen ay ki sthiti bhi batati hain. is prakar hastarekhaon ke adhar par melapak ka vishesh mahatva hai is vidhi se kundliyon ka milan kar var aur kanya ke vaivahik jivan ko sukhamay banane ke upay batae ja sakte hain.