prachin bhartiya rishi-maharshiyon ko jari-butiyon ka purn gyan tha. yah durlabh vidya samudra manthan ke samay dhanvantari ke sath paida hui. ye vanaspatiyan rog mukti to karti hain hi, inka vidhi-vidhan se prayog karen to tantrik labh bhi chamatkari dhang se liya ja sakta hai jisse manav jivan men samasyaon se turant mukti milti hai. uttarakhand sadiyon se jari-butiyon ke lie vikhyat raha hai. ramchritmanas men lakshman murcha ko dur karne ke lie ramabhakt hanuman dvara sanjivni dron parvat se le jayi gai mani jati hai. uttaranchal men anek durlabh jari-butiyan bhi pai jati rahi hain jo paranprik kal se ayurvedik chikitsa ka adhar rahi hai
jinki khyati eshiya aur yurop ke anek deshon men fail rahi hai. chyavan, charak, sushrut, kashyap aur jiv adi anek rishi-muniyon v vaidyon ne jis ayurvedik paddhati ko jari-butiyon ke mishran se jivndayi banaya uska adhar uttarakhand hi raha hai. kaha jata hai ki himalay kshetra men lagabhag alaukik chamatkari 800 jari-butiyan pai jati rahi hain, jinmen se aj anek durlabh jari butiyan luptapray ho chuki hain. vanaspati jagat men anekanek jari-butiyan bhari pari hain. hamare purvajon ne unke divya gyan ke adhar par unmen se kai jari-butiyon ko khoja tatha unka vistrit ullekh bhi hamare ayurved shastron v anya granthon ke madhyam se ullekhit kiya hai.
unhin prachin durlabh chamatkari vanaspatiyon men se kuch santandayi jari-butiyon ka varnan is lekh men kiya ja raha hai:
1. lakshmana kathita putradavashyan lakshmana munipungvai. lakshmanark tu ya sevedvandhyapi labhtesutam.. lakshmana madhura shita strivandhyatva vinashini. rasaynkri balya tridoshshmni para.. arthat-hamare rishi-maharshi tatha ayurvedacharyon ne divya chamatkari jari-buti lakshmana ko putra dene vali kaha hai. lakshmana ke ark ko agar banjh bhi sevan karti hai to putra hota hai. lakshmana kand madhur, shital, stri ke banjhapan ko nash karke rasayan v balkarak hai. lakshmana bel patra ke jaisi hoti hai. iske patton par khun ki sani lal-lal choti-choti bunden hoti hain. lakshmana aur putra janni ye do lakshmana ke sanskrit nam hain. iske alava bhi apne-apne rajya v sthan vishesh ki kshetriya bhashaon men nagapatri, putrada, putrakanda, nagini, aur nagputri ke nam se jana jata hai. ek ayurved shastra ke prachin granth men lakshmana ke lie ullekh prapt hota hai aur yah bhi ullekhit hai ki lakshmana bahut kam milti hai tatha is divya chamatkari vanaspati lakshmana ki upalabdhi us granth men himalay ki barfili pahariyon v unche paharane men batai gai hai. sharad ritu men lakshmana men fal-ful ate hain. kartik mas men shanivar ke din sayan kal ke samay snan adi se nivritt hokar khair ki lakri ki char khilen uske charon or garakar dhup-dip evan naivedya se puja karke nimantran de ayen fir pushya, hast, ya mul nakshatra men lakshmana ko ukhar layane aur piche n dekhen. putra dene vali is lakshmana ki jar ko dudh men pisakar us dravya padarth ko pi len. jiske putra n hota ho to putra hoga aur banjhapan se mukti milegi tatha yadi putra hokar mar jata hai to nahin marega aur putriyan adhik hoti hon to iske prabhav se putra ratn ki prapti hogi.
2.shivlingi ritu snan karke chaithe din shivlingi ka ek fal nigal lene se banjh ke bhi putra hota hai ismen koi shanka ya sanshay nahin hai. banjhapan ke shrap se jujh rahi striyon ki god men balak khel rahe hain, unka ghar hara-bhara ho gaya hai. ayurved ke ‘‘vaidyaratna’’ men likha hai- ‘‘shivlingi falmekmritvante yavla gilti. bandhyapi putraratnan labhte sanatra kichint nasandehah.. arthat - ayurved ke granth vaidyaratn men sanskrit shabdavli ke antargat shivlingi ke kai namollekh kiye gaye hanai- shivlingi, ligini, bahuputri, ishvari, shivamallika, chitrakla, aur lingasambhuta adi kai namon se bahucharchit hai. bangali bhasha men ise shivlingini, marhti tatha pashchimi laitin bhasha men ise brayoniya lesiniyosa ke nam se jana jata hai. yah svad men charpri garam aur badbudar hoti hai. yah shivlingi sarvasiddhi datri, tantrik vashikaran men aur pare ko bandhne vali hain, iski bel chalti hai. iske fal niche gol aur chote ber ke saman hote hain. falon ke upar safed chitra hote hain is karan se iska ek nam chitrakla bhi hai. falon men se bij niklte hain. unki akriti bhi shivling ke saman hoti hai islie shivlingi kahi gai hai aur iske patton ka akar arand ke saman hota hai. atah pushya ya anya shubh nakshatra yog men ritusnan karke chaithe din shivlingi ka ek fal nigal lene se banjh ke bhi putra hota hai tatha yadi santan hokar mar jata hai to shivlingi ka fal unke lie kavach hai.
3. nagkeshar nagkeshar aur jira in donon ko deshi gay ke ghi men agar koi stri ritusnan karke chaithe din bad lagatar tin din tak piti hai to garbh dharan ho jata hai. bhaishajratnavli ayurved granth men kaha gaya hai - ‘‘nagkeshar sanyuktamulen ghritanpakvan payonvitam. arthat- nagkeshar aur jira ko ri tusnan karke chaithe din bad lagatar tin din tak ghi ke sath piti rahen aur sahvas karen to nishchit taur par banjh stri bhi putravti hoti hai. ismen koi sanshay nahin hai.