dipavli ka samanya parichay lakshmi puja ke utsav ke rup men hai. samudra manthan ke samay 14 ratn nikle the, jinmen pahle ratn lakshmi arthat ‘shri’ ke prakat hone ki antarkatha vala prasang dipavli ka pramukh sandarbh hai. pauranik mahatva ke sath yah ek vyavharik sachchai bhi hai ki lakshmi ki prasannata sabhi ke lie abhisht hai. dhan vaibhav har kisi ko chahie. islie usi adhishthatri shakti ki puja-aradhna ke lie dipavli ka mahaparva vyapak rup se prachlit hai. prachlit manyataon ke anusar is mahaparva par raghuvanshi bhagvan shri ram ki ravan par vijay ke bad ayodhya agaman par nagrikon ne dipavli ko alok parva ke rup men manaya. tabhi se yah dip mahotsav rashtra ke vijay parva ke rup men manaya jata hai. dipavli apne andar prakash ka aisa ujiyara dharan kar ati hai, jiske prabhav se aniti, atank aur atyachar ka ant hota hai aur maryada,niti aur satya ki pratishtha hoti hai. bhagvan shri ram ki janmabhumi v rajya ayodhya men tha, islie dipavli ka mahaparva uttarapradesh, visheshakar ayodhya men, bare hi harshollas ke sath manaya jata hai. pauranik katha hai ki dipavli ke ek din pahle arthat chaturdashi ke din bhagvan shri krishn ne narkasur ka vadh kiya tha. us rakshas ne hajarane kulin striyon ko bandi bana liya tha. vah unse dasi ki tarah vyavhar karta tha. uske atank se prithvi ke samast shur aur samrat kanpte the.
pratik ki drishti se narkasur ahan aur vasna ka udaharan hai. ye pravrittiyan kitna bhi atank macha len, anttah parabhut hoti hi hain. jab inka darun ant hota hai, to koi ansu bahane vala nahin hota. bhagvan shri krishn ke janmasthan mathura evan vrindavan ki dipavli log bare hi harshollas ke sath manate hain. bhagvan shri krishn ka rajya bharat ke pashchim men sthit dvarika men tha jo gujrat rajya men parta hai. islie gujrat men bhi dipavli ka parva dhumdham se manaya jata hai. bharatavarsh ke vyapari isi din dhan ki devi lakshmi ji ka ahvan karte hue bahi khate ki shuruat karte hain. lakshmi pujan ka samay sthir lagn men nirdharit kiya jata hai. vrish, sinh, vrishchik aur kunbh ye char sthir lagn hain. dipavli ke samay ratri men vrish aur sinh lagn parta hai vrish lagn sandhya ke kuch uprant parta hai evan sinh lagn madhyaratri ke as-pas. vrish ki apeksha sinh adhik prabhavshali lagn hai. lekin ashtam aur dvadash bhavon ki shuddhi par dhyan dena chahie arthat grahon ki sthiti ke anusar ashtam ya dvadash bhav men koi papi grah sthit n rahe. vahi lagn apekshakrit adhik upyukt mana jata hai. yadi donon lagn shuddh hane, to kisi bhi vyakti ko sinh lagn men lakshmi ki puja karni chaihae. yadi vrish lagn shuddh ho evan sinh lagn ashuddh, to vrish lagn men hi lakshmi pujan karna thik hota hai. yadi donon lagn ashuddh hon, to sinh lagn men puja karni chahie.
adhikansh vyaparigan dipavli ki ratri men sinh lagn ke antargat hi lakshmi puja kiya karte hain. panjab pradesh, hariyana, rajasthan, gujrat ityadi rajyon men dipavli dhumdham se manai jati hai. in rajyon men dipavli ke avasar par log dip to jalate hi hain, sath hi sath samuhik rup se nritya bhi karte hain- rajasthan men rajasthani nritya hota hai to gujrat men gujrati nritya. saundarya evan samriddhi ki pratik ‘shri’ arthat lakshmi ka pujan apne rashtra ki sarvadhik shreshth sanskritik paranpra hai. jyoti parva dipavli to isilie prasiddh hai. vaidik kal se lekar vartaman kal tak lakshmi ka svarup atyant vyapak raha hai. rigved ki richaon men ‘shri’ ka varnan samriddhi evan saundarya ke rup men anek bar hua hai. atharvaved men rishi, prithvi sukt men ‘shri’ ki prarthana karte hue kahte hain ‘‘shriya man dhehi’’ arthat mujhe ‘‘shri’’ ki sanprapti ho. shri sukt men ‘shri’ ka avahan jatvedas ke sath hua hai. ‘jatvedomavh’ jatvedas agni ka nam hai. agni ki tejasvita tatha shri ki tejasvita men bhi samya hai. vishnu puran men lakshmi ki abhivyakti do rupon men ki gai hai- shri rup aur lakshmi rup. donon svarupon men bhinnata hai. dona hi rupon men ye bhagvan vishnu ki patniyan hain. shridevi ko kahin-kahin bhu devi bhi kahte hain. isi tarah lakshmi ke do svarup hain. sachchidanandmyi lakshmi shri narayan ke hriday men vas karti hain. dusra rup hai bhautik ya prakritik sanpatti ki adhishthatri devi ka.
yahi shridevi ya bhudevi hain. sab sanpattiyon ki adhishthatri shridevi shuddh satvamyi hain. inke pas lobh, moh, kam, krodh aur ahankar adi doshon ka pravesh nahin hai. yah svarg men svarg lakshmi, rajaon ke pas rajalakshmi, manushyon ke grih men grihalakshmi, vyapariyon ke pas vanijyalakshmi tatha yuddh vijetaon ke pas vijayalakshmi ke rup men rahti hain. shastrakaron ne lakshmi ke ath svarupon ka varnan kiya hai. ye sabhi svarup, adyalakshmi, vidyalakshmi, saubhagyalakshmi, amritalakshmi, kamalakshmi, satyalakshmi, bhogalakshmi evan yogalakshmi ke nam se prasiddh hain. patipranachinmayi lakshmi sabhi pativrataon ki shiromni hain. bhrigu putri ke rup men avtar lene ke karan inhen bhargavi kahte hain. samudra manthan ke samay ye hi kshir sagar se prakat hui thin, islie inka nam kshirodtnya hua. ye shri vidya ki adhishthatri devi hain. tantrokt nil sarasvati ki pith shaktiyon men inka bhi ullekh hua hai. dipavli ke rup men vikhyat adhunik mahaparva svasthya chetna jagane ke sath shuru hota hai. trayodshi ka pahla din dhanvantri jayanti ke rup men manaya jata hai. log ise dhanteras bhi kahte hain aur pahle din ka sanbandh dhan vaibhav se jorte hain. dhanvantri jayanti ka sanbodhan ghis-pitakar dhanteras ke rup men prachlit ho gaya. vastutah yah arogya ke devta dhanvantri ka avataran divas hai.
manyata hai ki samudra manthan ke samay jo 14 ratn nikle the unmen pahla ratn ‘shri’ arthat lakshmi thin evan kramanusar dhanvantri ayurved aur amrit lekar prakat hue the. samudra manthan ka prayojan pura hua manakar dev aur asur donon teji se lapke the. in dinon dhanvantri jayanti, chikitsa vyavsay se jure logon tak hi simit rah gai hai. prachlit kram ke anusar yam ke nimitt ek dip jalakar dhanteras manai jati hai aur daridra ko madhyaratri ke bad bhor men sup bajakar arthat sup ko thok-thok kar bhagaya jata hai. yah pratha jharkhand, bihar, uttarapradesh, dilli, gujrat, rajasthan adi rajyon men prachlit hai. hindi bhashi kshetron men sabhyata aur sanskritik samya hone ke karan dipavli manane ke tarike men fark nahi hai lekin uttar bharat evan dakshin bharat men dipavli mahaparva manane ke taur tarikon men kuch fark a jata hai kyonki dakshin bharat men dravir jati ki sanskriti se mili-juli sabhyata hai jabki uttar bharat men aisi bat nahin hai. madhyapradesh, jharkhand, asam, meghalay, manipur, tripura ityadi rajyon men adivasiyon ki sankhya adhik hai. islie adivasi bahul kshetron men dipdan to kiya jata hai lekin adivasi log- striyan evan purush donon - milakar mandir par nritya karte hain. dhanteras ke samay yam ke nimitt jo diya jalaya jata hai, vah ghar ke mukhya dvar par rakha jata hai.
kamna ki jati hai ki vah dip akal mrityu ke pravesh ko rok sake. aisa vivek jagae jo svasthya, shakti aur shanti de. yam ki bahan yamuna nadi jin kshetron men bahti hai, un kshetron men yah vishesh puja ka din bhi hai. us din shraddhalu yamuna men yam ko manane ki bhavna se snan karte hain. dipavli mahaparva ka pahla dip jalakar shuru hue mahotsav ka ek ang naye baratan kharidna bhi hai taki lakshmi pujan ke lie bhog, prasad apne ghar men hi naye baratan men ban saken. chatudarshi ke din bhagvan shri krishn ne narkasur ka vadh to kiya hi tha, isi din hanuman ji ka janm bhi hua tha. hindi bhashi kshetron men dipavli ke din gharaunda banane ki bhi paranpra hai. usmen kai prakar ke anaj mitti ke bartnon men rakhe jate hain. iske piche yahi bhavna hai ki pratyek vyakti ka apna ghar ho aur vah anaj se bhara rahe. jab varsha kal bitta hai aur dharti hari bhari hoti hai, nai fasal ki shuruat sare dukh daridray ko dur fatkarne lagti hai. log isi khushi men bare hi anandpurvak dipavli manate hain. adhyatmik drishtikon se dipavli bandhan mukti ka din hai. vyakti ke andar agyanrup andhkar ka samrajya hai. dipak ko atm jyoti ka pratik bhi mana jata hai. atah dip jalane ka tatparya hai- apne antar ko gyan ke prakash se bhar lena, jisse hriday aur man jagmga uthe. is din chaturdik tamas men jyoti ki abha failti evan bikhrti hai.
andhkar se satat prakash ki or barhte rahna hi is mahaparva ki prerna hai. vaidik purush sukt se puranon tak, lakshmi parmeshvar ko aishvarya shakti ke rup men svikrit hain. is sanbandh men mahatvapurn tathya yah hai ki lakshmi keval bahri vastu nahin hai, yah vastutah atmavibhuti hai jo is rup men sare praniyon ke andar vidyaman hai, parantu jo apni atm jyoti ko prakashit kar pata hai, vahi isse yatharth rup men labhanvit ho pata hai. maharshi markandey bhi ise bahya vastu n batakar antrik tatva ki sangya dete hain. manav ke abhyantar men jo sarvabhaum shakti vidyaman hai. vahi bahya sanpatti ka arjana-visarjan karti rahti hai tabhi to lakshmi kamal par asin hain. kamal vivek ka pratik hai, pank se utpann hokar bhi pank rahit, svachch, pavan, sugandhit hai. sanpatti tabhi varenya hai jab vah pavitrata par adharit ho. bihar, jharkhand, uttarapradesh, uttaranchal, gujrat, rajasthan, panjab, hariyana, kashmir, himachal pradesh ityadi rajyon men dipavli mahaparva ke din madhya ratri men, prayah sinh lagn men lakshmi ki puja archana karte hain. in rajyon men gharon men gharaunda banane ke atirikt rangoli banate hain jo vyakti vishesh ki kalakriti ka bodh karate hain. uttaranchal men to vishesh rup se pure ghar-angan men mahilaen geru ka lep kar uske upar besvar (chaval ka ata) se lakshmi ke charan chihn banati hain aur unke upar mitti ke diye jalati hain.
log gharon evan apni-apni dukanon ke samne kele ke vriksh kat kar garte hain aur unmen bans ke fatthe ityadi lagakar dip jalate hain. kuch log akashdip, (kandil) banate hain aur uske bich men bijli ka balb laga dete hain. bachche fuljhriyan patakhe adi bajaron se kharidte hain. pratyek ghar men mithaiyan banti hain. jo ganesh ji ko evan lakshmi ji ko prasad ke rup men mithai charhai jati hain. pratyek ghar ki safai evan putai bhi hoti hai. khirkiyon, darvajon ki rang, evan varnish ityadi se putai hoti hai jisse purane bhavan bhi naye pratit hote hain. makanon ki umra barh jati hai. dipavli ki ratri men log apne gharon men puri rat prakash jalakar rakhte hain, kuch log ratri jagaran bhi karte hain. aisi manyata hai ki dipavli ki ratri men lakshmi ji bhraman karti hain aur gharon ke darvaje ko khula rakhne se lakshmi ka agaman hoga. hindi bhashi kshetra men jahan lakshmi ki puja ki jati hai, dipavli ke din chandi ka sikka kharidte hain. amir log gahna ityadi kharidte hain. pashchim bangal men dipavli ki madhyaratri men log kali ki puja archana karte hain. asam, manipur, nagalaind tripura ityadi purvi rajyon men bhi kali ki puja ki jati hai. dipavli ki madhya ratri tantra sadhna ke lie sabse upyukt mani jati hai. islie asam men sthit kamakhya devi ke mandir men kafi sankhya men log dipavli ki madhya ratri men tantra sadhna karte hain.
book shani shanti puja for diwali
dipavli mahaparva karmathata evan jagrukta ka sandesh deta hai. rat bhar jagakar pratiksha karne ka arth hai jagruk rahte hue purusharth karna. udyami, prayatnashil aur purusharthi vyakti par hi lakshmi prasann hoti hain. dipavli mahaparva ki ratri shobha dekhne par parilok ki kalpana sakar ho uthti hai. lakshmi aur kali ek dusre ki paryay hanai. kamakhya men sati ka kamakshetra girne se kamakhya shakti pith bana. paranpragat bhasha men asam ko kamrup pradesh ke rup men jana jata hai. yahan dipavli mahaparva ke avasar par tantrik log ratri ke samay vishesh rup se shakti sadhna men jute rahte hain. yah jagrat shakti pith hai. kalka puran ke anusar kamakhya ka mandir narkasur dvara nirmit hai. dipavli, vaise to pure bharatavarsh men saman rup se manai jati hai, fir bhi sthanbhed se kuch anchlik visheshtaen dekhne ko milti hain. lakshmipuja, dip jalana, mithaiyan bantna, khil-batase bantna, patakhe, fuljhriyan, kandil adi to dipavli men samanya rup se shamil hote hi hain parantu kuch anchlik sandarbhon men vishesh rup se dipavli ke manae jane ka ullekh karna uchit hoga. panjab: duniya men sabse alishan dipavli panjab ke amritasar gurudvare men manai jati hai. iske piche bahut purana itihas hai. sikhon ke chathe guru hargovind ji maharaj ko mugal badshah ne ajadi ka farman sunaya. parantu unke sath 52 bandi bhi bahar a gae.
aurangjeb hairan rah gaya. vah khud bhi guru ji ke sath amritasar ki taraf chal para. bahut sari aurten bhi unke sath thin, jo bistar uthae chal rahi thin. karib 10 kilo mitar pahle guru har govind ji ke mukh se nikla ‘‘rajaiyan rab rajaiyan’’. itna kahte hi rajaiyan apne ap amritasar gurudvare pahunch gain. sabse pahle ve nankana sahab lahaur pahunche. jakar bole hamara ek chor hai, vah hamen de do. arthat chandra chor jisne panchvin patashahi ke sir par ret dali thi. jab use pakra gaya to usne kaha main nahin mera favra chor hai kyonki kam khatm hone ke bad bhi ismen ret bach gai jo galti se panchvane guruji ke sir par par gai hogi. guruji ne use kshama kiya aur sabhi amritasar gurudvare pahunche. unhen dekh pura amritasar jagmga utha. har taraf dip hi dip jalae gae. mithaiyan banti gain. atishbaji ke lie amritasar duniya men nanbar ek hai. duniya ki sabse mashhur dipavli amritasar ki dipavli hai. gurudvare ko aise sajaya jata hai, mano akash se sare tare utar kar usmen a sama gae hon. atishbaji men bhi amritasar avval hai. panjab evan anya rajyon men bhi din men log khariddari karte hain. makanon ki putai ki jati hai. dipmala sajai jati hai. lakshmi puja ki jati hai. ghar men sabhi log baithakar lakshmi ki puja karte hain. log bajaron se tarh-tarah ki mithaiyan v patakhe kharidte hain. dipavli ke parva ko bachche, bare, burhe sabhi mil kar manate hain. is din log ek dusre ke ghar mithaiyan bantte hain. log nae-nae kapre pahnte hain. rat ke samay charon or sirf patakhon ki hi ganuj sunai deti hai. akash bhi dikhai nahin deta. charon taraf rang birangi roshniyan dekhne ko milti hain. bajar men kai-kai tarah ke patakhe dekhne ko milte hain. ganvon ke log bhi dipavli dhum dham se manate hain. is din kai log dua bhi karte hain.
hariyana: hariyana ke ganv men log dipavli kuch alag hi dhang se manate hain. dipavli ke kuch din pahle log apni gharon ki putai karvate hain. dipavli ke din ghar ki ek divar par ahoi mata ki pratima banai jati hai, jis par ghar ke pratyek admi ka nam likha jata hai. pujan se pahle lakshmi mata ka chitra rakha jata hai. uske age khil, batase, khilaune rakhe jate hain v unke upar ghi dala jata hai. uske bad use jalaya jata hai taki lakshmi prasann hon. tatpashchat sare angan men momabattiyon v dipkon ki roshni ki jati hai. pratyek ghar se char dipak harek chairahe par rakhe jate hain, jise tona mana jata hai. fir ek dusre ke ghar mithaiyan banti jati hain v uske bad patakhe chalae jate hain. hariyana ke shahron ki dipavli men ek anokha rivaj aj bhi prachlit hai. us din aurten kisi bhi chote akele bachche ko dekhakar uski guddi se bal ukhar leti hain. yah bhi jadu-tone ka ek rup hai.
book laxmi puja online
kolkata: yahi ek matra aisi jagah hai jahan dipavli ke din lakshmi pujan nahin hota. yahan durga pujan se do din bad lakshmipuja hoti hai v dipavli ki ratri men kali puja hoti hai. ghar ki sajavat, v putai ki jati hai. dipavli to anya rajyon ke saman hi manai jati hai, parantu lakshmi puja nahin hoti. ghar ke angan men vishesh rangoli banai jati hai. angan men hi tulsi ki puja bhi ki jati hai. shesh sabhi karya ek jaise hi hote hanai.
bihar: bihar ki dipavli bhi ek saman hi hai. yahan lakshmi puja ka khas mahatva hai. sabhi ghar ke log ikðe baithakar karte hain. ghar ki sajavat v mithaiyan banti jati hain, dipak jalaen jate hain aur patakhe chalae jate hain sath hi nae kapre pahnne ka rivaj bhi hai. is din ghar ka bara apne se chote ko koi chij dhan svarup deta hai jaise gay, bhains, bachra adi. angan men rangoli bhi hoti hai.
nepal: nepal ki dipavli apne ap men ek anokhi dipavli hai. pahle ghar men safedi ki putai ki jati hai, fir use sajaya jata hai. angan men rangoli banai jati hai. sabhi parivar ke log nae kapre pahnte hain. ve apne rishtedaron ko bhojan par bulate hain. ghar men vishesh prakar ke bhojan banae jate hain. pujan men lakshmi, kaue, kutte v anya devi devtaon ki puja hoti hai. ghar men charon taraf dipmala jalai jati hai. aisa pratit hota hai jaise pure akash ke tare dharti par utar ae hon.
vishesh: uttar pradesh ke jila lakhnpur men dipavli ke din lakshmi pujan havan karke kiya jata hai jimsen lakshmi ji ke mantron ka uchcharan kiya jata hai. ise lakshmi havan kaha jata hai. kuch anchlik vibhinnataon ke bavjud dipavli pure desh men harshollas ke sath manai jati hai. bachchon ka to yah vishesh priya parva hai kyonki bachchon ko patakhe aur mithaiyan bahut pasand hoti hain. andhkar ko dur karne ka prayas, sthir lagn men lakshmi ki puja, saf-safai aur dhan ko barhane ke lie udyam karna is parva ka mukhya uddeshya hai. yah bara hi priya parva hai tatha sthanbhed se bhi iske manane men koi jyada fark nahin hota.
jivan men jarurat hai jyotishiya margadarshan ki? abhi bat karen fyuchar point jyotishiyon se!