manav sharir ke angon ki rachna vigyan ke anusar koshikaon se hoti hai jo svayan banti v nasht hoti rahti hain. jab kisi bhi karan se in koshikaon men koi kami adi ati hai tab ye koshikaen sucharu rup se nasht n hokar asamanya ya aniyantrit hokar sharir ke kisi bhi bhag men ganth ka rup le leti hain. in ganthon men ek vishesh protin ke banne se anya svasth koshikaen apna karya sucharu rup se nahin kar pati hain jisse ye ganthe failne lagti hain aur kuch hi samay men ghatak rup le leti hain. in ganthon ka hona hi kainsar kahlata hai.
sharir ke jis hisse men yah ganth hoti hai use us hisse ka kainsar kaha jata hai jaise yadi ganth mukh men hoti hai to mukh ka kainsar, stan men ho to stan kainsar adi. prastut lekh men stan kainsar ke vishay men jyotishiya drishtikon rakhne ka prayas kiya gaya hai. stan kainsar aj pure vishva men mahilaon men pai jane vali ganbhir v khatrnak bimariyon men se ek bari bimari ka rup leta ja raha hai. iske hone ke kai karan ho sakte hain parantu lekh men sirf jyotishiya karan hi samjhane ka prayas kiya gaya hai.
is jyotishiya shodh men karib 200 kundaliyon ka adhyayan kiya gaya jismen paya gaya ki kundali men nimn tatvon ke prabhavi hone se stan kainsar ho sakta hai-
bhav:- lagn, chaturth, shashth grahah- guru, budh, chandra, lagnesh, shashthesh, chaturthesh
lagn bhavah- yah bhav svayan ka athva jatk-jatika vishesh ka hota hai.
jab tak yah bhav pirit n ho (kisi bhi prakar se) tab tak jatak ko athva uske sharir ko kuch bhi achcha ya bura prabhav mil nahin sakta.
chaturth bhavah- yah bhav chati athva vaksh sthal (mahilaon) ka pratinidhitva karta hai chunki stan kainsar ko isi bhav se dekha jata hai islie iska adhyayan v is bhav ki sthiti ko avashya dekha jana chahie. shashth bhavah- yah bhav rog bhav bhi kahlata hai.
brihat parashar hora shastra ke 18 ven adhyay ke shlok 12,13 men kaha gaya hai ki is bhav arthat rog sthan men pap grah ho tatha shashthesh pap grah yukt ho to jatak rogi hoga aur yadi is bhav men shani rahu ho to dirghakalin rogi hoga.
grahah- guru grah ka kisi bhi rup men pirit balhin v ashubh prabhav men hona is rog ki kundaliyon men paya gaya. guru grah poshkta v vriddhi ka karak mana jata hai tatha yah hamare sharir men metabaelijm ka karak bhi hota hai jisse harmons prabhavit hote hain jinke purn prabhav se kainsar ho sakta hai.
budhah- chamri ka karak yah grah koshikaon ke vibhinn avrnon ka niyantran karta hai jinke kshatigrast hone se yah rog hota hai vahi sabse pahle chamri par is rog ke lakshan ubhar athva ganth (visheshakar stan athva vakshasthal par) dikhayi dete hain islie yah grah purn rup se pap prabhav, ashubhavastha athva balhin hona chahie.
chandrah- chandra grah kalpurush ki kundali men chaturth bhav ka svami v karak donon hota hai is chandrama se hamare man, tarlta, sharir men jalatatva adi ka adhyayan kiya jata hai. mahilaon men ise unke masik dharm v vaksh pradesh (dudh pradata) ke anusar bhi dekha jata hai. is chandra ka kisi bhi prakar se pirit, balhin v ashubh hona is rog hetu avashyak