. shani saurmandal ka guru ke bad dusra sabse bada grah hai. guru shani se 20 pratishat bada hai. prithvi saurmandal men panchvan sabse bada grah hai. . shani saurmandal ke nangi ankhon se dekhe ja sakne vale panch grahon men se ek hai. . shani ka ring sistam bahut bada hai aur lagabhag 175000 mil tak faila hua hai. itni duri tay karne hetu agar prithvi se chalna aranbh karan to chandrama tak ki adhi duri tay ho jaegi. . kabhi-kabhi shani ke ring gayab ho jate hain. vastav men gayab nahin hote parantu dur jate hue pratit hote hain. shani ki dhuri prithvi ki tarah tedhi hai. islie shani ke ring prithvi ki tarah tedhi hai islie shani ke ring pratyek 14 varshiya antral ke bad gayab ho jate hain. . shani surya ke charon or apni parikrama puri karne men 30 varsh ka samay leta hai. kai bar shani ke ring puri khubsurti se spasht dikhai padte hain aur kabhi lagabhag purnataya gayab. aisa 2008-09 men hua tha aur ab punah 2024-25 men yah ghatna punravritt hogi. . vaigyanik kayas lagate hain ki shani ke ring 50 miliyan varshon pashchat purnataya gayab ho jaenge. shani ke gurutvakarshan bal ke karan ya to ye shani ke andar sama jaenge ya antriksh men vightit ho jaenge. . shani ke 62 chandrama hain. guru ke sarvadhik 67 chandrama ke bad shani ka dusra nanbar hai inmen se kuch ek jaise taitan adi vishalkay hain. taitan saurmandal ka dusra sabse bada chandrama hai. parantu kuch ek bahut chote v keval kuch hi kilomitar ke kshetra men faile hue hain. . khagolshastriyon ne haliya anusandhan dvara anuman lagaya ki shani apni dhuri par ghumne men 10 ghante v 32 minat ka samay leta hai. . shani ki surya se duri us duri se doguni hai jitni surya se guru ki hai. - vaigyanikon ka anuman hai ki shani ka tapman lagbhg-350 degree f hai. prithvi par rikard kiya gaya nyunatam tapman-129 degree f hai. - surya ki paridhi men 1600 prithviyan sama sakti hain. . prithvi par ek varsh 365.256 dinon ka hota hai v shani ka ek varsh 10,759.22 dinon ka hota hai. - prithvi par ek din 24 ghanton ka aur shani grah par ek din 10 ghante 39 minat ka hota hai. . shani grah par chalne vale tufan mahinon ya varshon tak chal sakte hain. varsh 2004 men shani par ane vale ‘‘draigan starma’’ namak tufan men bhari bijli kadki thi jo prithvi par kadkne vali bijli se 1000 guna adhik shaktishali thi.
Kya aapko lekh pasand aaya?
Subscribe