ajakal ke bhautikvadi jivan men vivah evan vaivahik jivan ek samasya ke rup men dekha ja raha hai. koi vivah n hone se pareshan hai, koi vaivahik jivan men klesh v tanav ke karan pareshan hai. is lekh men aise hi kuch tathya janne ka prayas kiya gaya hai jisse vaivahik jivan dukhamay ho jata hai
athva nasht ho jata hai. is lekh men lagabhag 200 kundliyon ka adhyayan kar kuch is prakar ke tathya pae gae.
1. jab bhi lagn, lagnesh, saptam, saptamesh vakri grah se sanbandhit hote hain vaivahik sukh men pareshani avashya hoti hai.
2. shukra grah jab vakri grah ke prabhav men hota hai tab bhi vaivahik jivan samanya nahin rahta hai.
3. lagn, saptam men yadi vakri grah ka prabhav ho to jatak vishesh ka vivah nahin hota athva sanbandh vichched ho jata hai. aie ab kuch kundliyon ka adhyayan karte hain:-
1. 10.7.1935: mesh lagn ki is patrika ke jatak ko uski patni vivah ke 7 mah bad chorakar chali gai tatha apne antim samay men inke anya dharm ki stri se sanbandh bane. inki patrika men shukra par shani(v) ki drishti hai tatha guru(v) saptam bhav men hai.
2. 26.7.1941: vrishabh lagn men janme is jatak ki vakri grah v vivah sukh dae. kishor ghildiyal, dilli bhartiya jyotish men vivah saptam bhav se dekha jata hai. saptam bhav jahan jivan sathi hetu dekha jata hai vahin uske svami ki sthiti, uska lagnesh ke sath sanbandh aur in sabse upar shukra (bhogkark) grah ki sthiti ka akalan sahi prakar se kiya jae to vaivahik jivan ka purn astitva jana ja sakta hai. patni inhen chorakar chali gai tatha inhen use apne vetan men se hissa dena para. patrika men saptamesh mangal rahu-ketu aksh par hai.
3. 29.12.1942: mithun lagn men janme abhineta rajesh khanna ki patrika men lagn men guru vakri hokar sthit hai. inke vaivahik jivan ke vishay men sab jante hi hain.
4. 19.11.1917: kark lagn men janmi shrimti indira gandhi ka vaivahik jivan prem vivah hone ke bad bhi vivadit v alp hi raha, shukra, rahu-ketu aksh men hai.
5. 21.7.1952: sinh lagn men janmi is jatika ka vivah matra 10 ghante bad hi iske gharvalon ne tor diya jab unhen pata chala ki iska pati gunga v bahra hai. iski patrika men lagnesh surya v yogkarak shukra donon rahu-ketu aksh men hai.
6. 5.1.1913: ko kanya lagn men janmi is jatika ka pati vivah ke 4 varsh bad gujar gaya jab yah matra chaidah varsh ki thi. bal vivah hone ke karan inhonne apni sasural bhi nahin dekhi thi. inki patrika men shukra (yogkark) vakri shani dvara drisht hai tatha rahu-ketu aksh par bhi hai.
7. 28.5.1939: tula lagn men janmi is jatika ko vivah ke do mah bad matra 17 varsh ki ayu men talak de diya gaya. patrika men lagnesh shukra ketu sang hai tatha rahu-ketu aksh par bhi hai.
8. 23.11.1926: vrishchik lagn men janme shri puttaparthi sainbaba ne sannyas ki vajah se vivah nahin kiya. patrika men lagnesh mangal vakri avastha men hai tatha lagn men budh vakri hokar sthit bhi hai.
9. 23.11.1975: dhanu lagn men janmi is jatika ko do varsh bad talak de diya gaya. patrika men mangal vakri avastha men saptam bhav men sthit hai.
10. 3.8.1944: makar lagn men janme is jatak ko hriday men sujan ke chalte patni hote hue bhi vaivahik sukh se vanchit rahna para. inki patrika men shukra saptam bhav men rahu sang sthit hai jisne stri sukh men grahan ka karya kiya.
11. 13.7.1838: kunbh lagn men janme is riyasti raja ne santan prapti hetu 6 vivah kie parantu napunskta ke chalte santan nahin hui. patrika men lagnesh shani vakri hokar shukra par drishti de raha hai.
12. 5.9.1967: min lagn men janme is kraim branch ke inspektar ka apni patni se talak ka kes chal raha tha tatha anya stri se sanbandh the jiski inhonne hatya kar svayan bhi atmahatya kar li thi. inki patrika men shani vakri hokar lagn men hai tatha yogkarak shukra bhi vakri hai. uprokt sabhi kundliyan pradarshit ki gai hain anya udaharan is prakar se hain:
13. 26.7.1939, 00.50, lakhnau: mesh lagn pahli patni ke gujrne ke bad dusra vivah kiya lagnesh vakri hai tatha rahu-ketu aksh bhi hai.
14. 13.11.1902, 17.30, merth: mesh lagn patni chorakar nimn stri sang rahne lage. shukra rahu sang saptam bhav men hai.
15. 2.10.1951, 19.40, hapur: mesh lagn, ayu men 17 varsh bara pati hone se vaicharik matbhed ke karan 1 varsh bad mayke men rahne lagi, patrika men saptamesh shukra rahu-ketu aksh men hai.
16. 10.2.1936, 3.30, banars: vrishchik lagn men janmi is jatika ne pati ke katu vyavhar ke chalte atmahatya kar li thi inki patrika men shukra rahu-ketu aksh par hai.
17. 9.3.1969, 19.00, dilli: kanya lagn men janmi is jatika ka do mah men talak ho gaya patrika men rahu ketu ke alava lagn men vakri guru hai.
18. 23.2.1952, 9.20, ilahabad: min lagn men janmi is jatak ka dusre varsh talak hua. vakri shani saptam bhav men hai.
19. 10.12.1989, 12.35, agra: kunbh lagn men janmi is jatika ne apne se 15 varsh bare vyakti se vivah kiya jisse iske pita ne iske pati par yaun shoshan ka arop laga use jel karva di, iski patrika men shukra rahu-ketu aksh par hai.
20. 14.5.1955, 9.00, jammu: mithun lagn men janmi is jatika ka pati vivah ke 3 varsh bad gujar gaya. inki patrika men rahu-ketu aksh ke atirikt vakri shani ki saptam bhav par drishti bhi hai.
21. 12.1.1967, 8.50, merth: makar lagn, vivah nahin hua saptam bhav men vakri guru hai.
22. 29.7.1933, 7.00, gajiyabad: kark lagn vivah nahin hua. saptamesh vakri hokar saptam bhav men hi hai.
23. 4.1.1965, 3.30, merth: tula lagn ek varsh men talak hua saptam bhav men vakri guru hai.
24. 11.7.1895, 12.20, dilli: kanya lagn men janme is jatak ka vivah nahin hua tha. patrika men lagnesh budh vakri hai tatha shukra bhi ketu sang hai.
25. 12.8.1932, 10.20, faridabad: kanya lagn men janmi is jatika ka pati napunskta ke chalte sanbandh banane men asamarth tha. inki patrika men lagnesh budh vakri hai tatha saptamesh guru rahu-ketu aksh men hai.
26. 14.4.1937, 19.10, dilli: tula lagn men janmi is jatika men 37 varsh ki ayu men bari umra ke vidhur se vivah kiya. dampatya sukh nam matra raha. patrika men shukra vakri hokar saptam bhav men hai.
27. 5.3.1924, 10.03, haidrabad: mesh lagn men janme is jatak ne antarjatiya prem vivah kiya jisse iske gharvalon ne ise patni samet ghar se bedakhal kar diya. patrika men shani vakri hokar saptam bhav men hai.
28. 5.11.1986, 12.00, haidrabad: makar lagn men janmi saniya mirja ne jab prem vivah kiya tab inke pati ke purva vivah hone ke karan achcha khasa vivad hua inki patrika men shukra vakri hai.
29. 12.10.1977, 6.00, chapra: kanya lagn men janmi is jatika ka antarjatiya prem vivah asafal raha. lagn v shukra rahu-ketu ke aksh men hai.
30. 12.5.1976, 18.30, agra: tula lagn. talak hua. lagnesh shukra rahu-ketu aksh men hai.
31. 11.5.1985, 16.00, mathura: kanya lagn. talak hua. lagnesh budh rahu sang hai.
32. 22.12.1974, 1100, dilli: kunbh lagn. talak hua. lagnesh shain vakri hokar shukra ko dekh raha hai.
33. 11.1.1971, 2.25, kalakatta: tula lagn. mukdma chal raha hai. saptam men vakri shani hai.
34. 7.9.1980, 8.30, haridvar: kanya lagn. talak hua. shukra rahu sang hai.
35. 15.10.1965, 6.30, dilli: kanya lagn. talak hua. shukra rahu-ketu aksh men hai.
36. 21.10.1955, 22.30, dilli: mithun lagn. tin din men alag hue. lagnesh budh vakri hai.
37. 7.10.1965, 18.45, dilli: mesh lagn. talak hua. shukra rahu-ketu aksh par vakri shani se drisht hai.
38. 27.1.1958, 7.00, gajiyabad: makar lagn. do vivah hue. shukra lagn men vakri hai.
39. 23.11.1970, 7.10, agra: vrishchik lagn ki is stri ka 42 varsh tak vivah nahin hua. saptamesh shukra vakri hai.
40. 24.8.1969, 5.00, dehradun: kark lagn. vivah nahin hua hai. saptamesh shani vakri hai.
41. 26.7.1972, 12.10, lakhnau: tula lagn vivah nahin hua hai. vakri guru ki saptam bhav par drishti tatha saptamesh mangal vakri budh ke sang sthit hai.
42. 26.7.1972, 4.00, merth: mithun lagn ki stri, vivah 42 varsh tak nahin. lagnesh-saptamesh donon vakri hanai tatha saptamesh saptam men hi hai.
43. 26.12.1956, 19.30, dilli: kark lagn men janme is jatak ki pahli patni gujar gai tatha inhonne dusra vivah kiya. inki patrika men shani (saptamesh) v shukra rahu ke sath hai.
44. 1.11.1935, 6.10, banars: tula lagn men janme is jatak ki pahli patni gujar gai. inhonne char varsh bad dusra vivah kiya. inki patrika men vakri shani ki saptam bhav v shukra par drishti hai.
45. 16.10.1952, 6.25, puna: kanya lagn ke is jatak ke bhi do vivah hue. saptamesh guru vakri hai.
46. 7.11.1976, 19.50 kalakatta: vrishabh lagn men janmi is jatika ne prem vivah kiya parantu inke pati ne inhen char mah bad parivarik dabav ke karan chor diya. inka guru lagn men vakri hai.
47. 23.2.1981, 19.40, raypur: mithun lagn men janmi is stri ka talak ho gaya, patrika men lagnesh-saptamesh donon vakri hain.
48. 23.10.1962, 1.00, hugli: kark lagn men janme is jatak ki patni se anya vyakti ka sabandh rahe. jis karan inhonne use chor diya. inki patrika men guru (vakri) ashtam bhav men hai tatha shani saptamesh ketu ke sath hai.
49. 9.10.1976, 1.10, mumbai: kark lagn men janmi yah jatika apne vidyarthi jivan men kisi anya ke sath liv in rileshnship men rahi. bad men pita ne jabaradasti kisi anya se vivah karvaya parantu inhonne pati ko chor diya. inki patrika men guru(vakri) ki saptam bhav par drishti hai tatha shukra rahu sang hai.
50. 31.5.1970, 13.10, dilli: sinh lagn men janme is jatak ka vivah 1998 men hua. sharirik akshamata ke karan jatak vivah sanbandh banane men asamarth tha. patni tin mah bad mayke chali gai tatha usne in par dahej sanbandhi mukdma kar diya. mamla vicharadhin chal raha hai. inki patrika men rahu-ketu aksh ke atirikt guru (va) ki saptam bhav par drishti hai.
nishkarsha: is prakar yah spasht hota hai ki vivah ke avyvon lagna-lagnesh, saptama-saptamesh v karak shukra par vakri grahon ka prabhav vaivahik jivan men ashubhta avashya pradan karta hai. yah bhi dhyan rakha jana chahie ki vivah vichched hone ke aur bhi kai karan ho sakte hain parantu unmen se ek karan vakri grahon ka prabhav avashya ho sakta hai.