shakuno men koi na koi vishesh shakti hoti hai jo manushyon ko savdhan karne ke lie tatha shubhashubh fal pradan karne hetu purva suchna deti hai. shakun vishay par vibhinn vyaktiyon ke vibhinn vichar hote hain kisi ke lie ‘shakun’ aisa parinam suchak hai jo nikat bhavishya men hone vala hai. kisi ke lie shakun daiviya prerna ya kripa hai jo shubhashubh fal ke rup men prapt hoti hai. anek vidvan ‘shakun’ ko ang vidya ka ek hissa mante hain jo manav jivan ko pakshiyon ki gatividhiyon ko adhar banakar falakathan kar apna kalyan karne ki prerna dete hain.
shakun ka arth pakshi hota hai jisse pata chalta hai ki yah vidya manav ne pakshiyon ki gatividhiyon se dekhakar tatha anubhav ki kasauti par kas kar apne bhavi jivan hetu apnai. shakun ka vaigyanik adhar shakunon ka adhar jyotish ke sath-sath vaigyanik bhi raha hai. jo shubh siddh hone par labhdayak tatha ashubh hone par savdhan karne vala bhi hai. pakshiyon ki vishesh gatividhiyon ko nishchit samay par karte dekh vigyan ne samay ke sath is par shodhakar nae-nae vishyon par kam kiya jisse manushya jivan ki bahut si kathinaiyon v pareshaniyon ka ant bhi hua, jaise mor pakshi ka nachna aj bhi barsat agaman ki suchna de deta hai aur ise vigyan bhi manta hai.
bhukanp adi ane se pahle sanp-bichchu adi apne bil se bahar akar idhr-udhar daurne lagte hain. shakunon ki sarthakata aj ke yug men kuch buddhijivi shakun vigyan par vishvas n kar inhen vyarth ka manovikar batate hain vahin kuch log inhen sarthak tatha vyarth donon hi paripekshya men ginte hain. jo vyakti anubhav prapt kar leete hain (jaise billi ke rasta kat jane par ichchit karya ka na hona) vo shakunon ke prati vishvasi ho jate hain jisse aj ke yug men bhi in shakunon ki sarthakata bani hui hai. iske viprit jab kabhi kisi manushya ko koi shakun ashubhafal pradan karta hai to shakunon ki vishvasniyata par sandeh ho jata hai.
udaharan hetu yadi kisi ki chat par kaua bolne lage to yah mehman ke agaman ki suchna mana jata hai. parantu yadi us vyakti ki koi kimti vastu us din kho jae to vah kauae ke is kaenv-kanv ko hi uska karan manengen. aise men shakun vichar viprit drishtikon ko darshaega. is prakar aise kai vivaran ho sakte hain jinse yah samjha v mana jata hai ki shakuno men koi na koi vishesh shakti hoti hai jo manushyon ko savdhan karne ke lie tatha shubhashubh fal pradan karne hetu purva suchna deti hai.