varsh 2013 men bharat surya men shani v surya men budh dasha ke prabhav men rahega. surya, shani v budh sabhi bharat ki kundli ke tisre bhav men sthit hain. surya chaturthesh hokar svayan se dvadash yani tisre bhav men hai jo desh se bahar adhik saflta darsha rahe hain aur shani navmesh-dashmesh hokar ast avastha men svayan shashth v saptam men sthit hain jo karyon men pratiyogita dvara saflta evan videsh sanbandhi vyapar se labh darsha raha hai (sarkar ef di ai lagu kar hi chuki surya raja v sarkar ka pratinidhitva karta hai jo desh chalate hain. shani raja ko sahyog karne vale logon, naukron, amajan yani praja ke bare men batata hai. vahin budh desh men prabuddhajan v vyaparik gharanon ke vishay men jankari deta hai. spasht hai ki jab raja dvara chalaye ja rahe niyam ya faisle janta athva praja ko pasand nahin ate hain to vah uska virodh karne lagti hai jaisa ki bharat men in dinon ho hi raha hai.
janta sarkar ka virodh to kar rahi hai par purn rup se nahin aur na hi svayan kuch kar pane ki sthiti men hai. surya ki dasha 2009 se aranbh hui, surya ka nakshatra budh hai jo surya sang tisre bhav men hi hai. isi bhav men chandra ke hone se bhi bharat ki soch v man hamesha apne paros, parakram, sahas, videsh yatra, raksha v virta adi par hi kendrit rahta hai (chandra desh ki soch v man ka pratinidhitva karta hai). lagn desh ki janta ko batata hai, jahan rahu ka hona ham bhartvasiyon ko hamesha ek prakar se bhramit rakhta hai. yahin lagn ka rahu ham sabko bhrasht acharan men lipt bhi karta hai (jab sarkar chalane vale yadi bhrasht honge to sanpurn janta bhi ismen shamil ho hi jaegi). bharat ki kundli men shani v shukra ast avastha men hain jo ki bhagyesh v lagnesh bhi hai
jisse yah pata chalta hai ki bharat ki janta (lagnesh) supt avastha men hai ise jagae jane ki jarurat hai. vartaman men shani jo ki janta ya majdur varg ka pratinidhitva karte hain apni uchch rashi men bharat ki kundli ke chathe bhav se gochar kar rahe hain jo ki shatruta, pratiyogita se sanbandhit bhav hai. islie janta vartaman men sarkar se shatruta ka bhav rakhe hue hai. vahin chaturth bhav v kundli men janta karak surya svayan se 12ven hone se bharat ki janta nijta (svayan) men rahti hai (tisra bhav nijta ka bhi hota hai). janta ko apni dal roti ki chinta jyada rahti hai n ki desh ki tarakki ki, apne-apne sukh-dukh men rahne ke karan hamari janta ko is bat se koi fark nahin parta hai
ki desh men kiski v kaisi sarkar chal rahi hai. yah surya men shani dasha ka hi prabhav hai ki sarkar dvara kie gae ghotale din pratidin pakar men a rahe hain (shani dashmesh bhi hai) isi dasha ke prabhav men abhi aur bhi bahut se virodh ke svar samne aenge. iske bad surya men budh ki dasha lagabhag ek varsh ke lie aegi jo ki sarkar ke lie bhari musibat la sakti hai. karan surya budh ke tatha budh shani ke nakshatra men hai jiske prabhav se janta men josh v urja ka sanchar hoga aur janta sarkar se uske kie karyon ka hisab mangegi.
sanbhvtah isse desh men ek nayi kranti ka janm hoga, budh panchmesh hai tatha pancham bhav par shani v mangal ka prabhav hai jo ki desh ki buddhi ka bhav hone se tatha dashanath ki uchch rashi hone se janta ke sath anya parhe likhe varg v vyaparik varg bhi sarkar ki galat nitiyon ka virodh kar javab mangega jisse sarkar ko apni chavi bachana mushkil ho jaega. jahan tak rajnitik partiyon ka saval hai to kangres sarkar har prakar se apne karyakal ko pura kar hi legi bhale hi iske lie use kaise hi achche ya bure kadam uthane paren. sanbhvtah yah kangresi bhi jante hain ki agle karyakal men unhen shayad hi janta dobara mauka pradan kare. bhajpa ki kundli ki bat karen to unke shirsh neta ka badlav ho sakta hai.
kisi varishth neta ki mrityu bhi sanbhav hai (sarhesati ka prabhav). parantu 2013 se 2014 tak sitare unke paksh men dikhte hain jo unhen desh ki janta ka bharosa jitne ka avasar pradan kar sakte hain. sanbhvtah mai 2013 ke bad bhajpa ka ek naya rang hi dekhne ko milega. guru v shani parti ko avashya hi koi bara pad prapt karva sakte hain. aie ab kuch mahatvapurn vyaktiyon hetu 2013 kaisa rahega yah dekhte hain -
1. manmohan sinh ji ki kundli men dekhen to rashi par shani prabhav tatha dasha ke anusar unke svasthya se sanbandhit kasht ubhar sakte hain. samy-samay par un par mansik dabav rah sakta hai. sanbhvtah rahul gandhi ke kisi shirsh pad par ane se vah alg-thalag par sakte hain tatha rajniti se sannyas lene ki bhi soch sakte hain.
2. soniya gandhi ji ki grah sthiti dekhen to unki is samay ketu ki mahadsha chal rahi hai. ketu mangal ki rashi men hai v mangal chathe bhav men hai jo ki unke svasthya visheshakar pet se sanbandhit koi kasht darsha raha hai. ketu ka rashi parivartan unke lie koi n koi pareshani avashya khari karega. shayad koi sarjari bhi karva sakta hai. vahin putra rahul ke karan bhi koi mansik chinta ho sakti hai. lagn par shani v mangal ka gochriya prabhav kisi n kisi vivad men la sakta hai.
3. lal krishn advani ji ki kundli ke grah gochar se unke kad men barhottari hoti rahi hai parantu vah sakriya rajniti se svayan ko dur hi rakhenge aisa pratit hota hai. unke netritva men bhajpa bari v majbut parti banakar ubhregi. rajniti se unke sannyas lene ki is varsh sanbhavna nahin dikhti hai. parti ke adhar stanbh ke rup men ve kam karte rahenge.
4. nitin gadkri ji ki kundli men shani ka janmakalin rahu se gochar unko kisi prakar ki parivarik pareshaniyon men dal sakta hai. bhagyesh ka lagn par prabhav unhen har prakar se surakshit rakhega, vahin shani guru ka pancham bhav par prabhav unki santan se sanbandhit koi khabar achchi ya buri is varsh suna sakta hai.
5. rahul gandhi ke is varsh grah gochar unko mata sanbandhi kasht bata rahe hain. sarhesati ke prabhav men ve a hi chuke hain. shani v guru ka (mai 2013 ke bad) saptam bhav par prabhav is varsh unhen koi mahatvapurn pad prapt karva sakta hai. shayad is varsh ve vivah bhi kar len to koi ashcharya nahin hoga. is pure varsh unhen apni mata soniya gandhiji ka svasthya chinta men dal sakta hai.
6. amir khan 2013 puri tarah se amir khan ka varsh kahen to koi atishyokti nahin hogi. varsh ke aranbh men unki film dhum 3 baelivud men unka sikka majbut karegi. sanbhvtah unhen is varsh koi bara puraskar bhi mile. guru shani ke prabhav se vishva parivesh men unki nayi pahchan banegi. samaj se sanbandhit karya is varsh bhi karte rahenge. kisi bare vyavsayik anubandh se unhen koi bara labh hota dikhta hai.
7. salman khan 2012 ki tarah is varsh bhi unka jalva barkrar rahega. parantu kisi n kisi vivad se bhi unka jarur samna hoga, aisa grah gochar darsha rahe hain. koi bara sauda ya bari gari is varsh le sakte hain. kisi videshi film men kam karne ka avasar mil sakta hai. is varsh filmon ke alava apni dariyadili v dosti ke lie jane jaenge. svayan film nirman ke kshetra men hath ajma sakte hain.
8. shahrukh khan is varsh ek nae avtar men jane jaenge. yash chopra ki charchit film ke lie sabhi puraskar is varsh apni jholi men dal lenge aisa dikhta hai. is varsh filmon se adhik avardon ke lie jane jaenge. is varsh apni kisi mahatvakankshi yojna par kam kar sakte hain. khel se sanbandhit kisi bare saude men utar sakte hain. atyadhik vyastata ke chalte koi purana rog fir se ubhar sakta hai.
9. amitabh bachchan lagn se navam shani unhen dada bana hi chuka hai. mai 2013 se guru ka unke lagn se pancham bhav men gochar unke putra abhishek ke lie koi n koi sukhad samachar laega. svayan unke lie yah samay kisi bari labhkari yojna ka hoga, ho sakta hai is varsh amitabh koi naya karya ya vyavsay aranbh karen. bhartiya sinema men unke amulya yogdan ke lie unhen koi vishesh puraskar mil sakta hai. pradarshit filmen koi ullekhniya saflta prapt nahin kar paegi.
10. mahendra sinh dhoni - dhoni 2010 se nirantar sangharsh hi karte a rahe hain. jab se ledi lak unse jura hai unhonne vyavsayik drishti se to bahut saflta payi hai parantu khel men unka pradarshan jyada achcha nahin raha hai. 2010 men vivah ke bad unhonne ab tak koi bhi bari pari nahin kheli hai n hi koi shatak hi unke balle se nikla hai parantu jab tim barhiya khel rahi ho to in baton par kisi ka dhyan nahin jata hai. 2012-13 men unki asli pariksha hogi jab inglaind, aestreliya jaisi timon se bharat khelega. rashi se navm-dasham guru unhen jahan kathin paristhitiyon men dalega vahin maidan ke bahar unhen bhumi ka labh bhi dilaega. dhoni avashya hi koi jamin jaydad kharidenge. shani ki sarhesati navanbar 2014 tak rahegi jisse unki patni ki sehat men pareshani, amdni men vriddhi ho sakti hai v tim dvara labh mil sakta hai. mangal ke pancham, saptam v navam gochar se santan sanbandhi samachar, koi dhamakedar pari tatha koi bara nirnay (sanbhvtah kisi ek prarup ki kaptani chor sakte hain) le sakte hain. atah yah varsh mila jula rahega.
11. sachin tendulakar - sachin ki grah dasha ke anusar dekhen to is varsh vo sannyas le sakte hain, sanbhvtah madhya sal men ye aisa karen. un par sarhesati praranbh ho chuki hai (sthan parivartan kar hi chuke hain) shani ki janmakalin surya par drishti koi naya karya karvati hai. ho sakta hai sachin in do salon men koi nayi bhumika nibhate najar aen. shani ke prabhav se unki man ko bhi koi pareshani ho sakti hai. guru ka navm-dasham gochar ghar par koi nirman karya karva sakta hai, santan se sanbandhit koi sukhad samachar prapt kar sakte hain. rashi se tisre, panchven v chathe mangal koi n koi rikard avashya unke nam karvaega. tinon bare grahon ke prabhav se unhen koi bara puraskar prapt ho sakta hai. vahin kisi chot ka samna bhi unhen karna parega jis karan kuch din khel se bahar rahna par sakta hai. atah yah varsh upalabdhiyon bhara rahega.
12. harabhajan sinh- unki rashi se shani ka prabhav hat gaya hai. unhen tim men dobara sthan mil jaega aur ve saflta ke sath vapsi karenge. bhagyesh shani ka svayan se navam gochar koi akasmik saflta (haitrik ya balle se koi behtrin pari) unse karva sakta hai. shani v mangal ka ekadash v dusre bhav men drishtigat prabhav hona unhen koi bara dhan labh karvaega. vahin guru ka mai mah men lagn pravesh vivah karva sakta hai. usse pahle lagnesh ke pirit hone se kisi n kisi vivad men bhi ulajh sakte hain. badnami bhi ho sakti hai. kul milakar yah varsh rahat bhara, sarahniya pradarshan karvane vala v vivah karvane vala ho sakta hai. ta