kyon?  

prashna: bhojan ki thali ko hath kyon jodte hain? uttara: sanatni hindu log ann ko brahm (parmatma) ki kripa samajhakar, bhojan ka abhivadan karte huye uski upasna karte hain. yah unki nitya-naimittik upasna hai. prashna: bhojan ko bhagvan ke bhog kyon lagate hain? uttara: nastik log kahte hain ki jab ann brahm hai to bhojan ko bhagvan ke bhog kyon lagate hain. shastrakar kahte hain- ann vishta, jalan mutran, yad vishnor niveditam. -brahm vaivart puran, brahmakhand, 27/6 vishnubhgvan ko bhog n laga ann vishta ke saman aur jal mutra ke tulya hai. ishvar ke prati kritagyata gyapit karne ke lie ki uski kripa se ap aur ham jivit hain, aur yah anna-jal hamen mila hai. atah jaisa bhi bhojan mile isko prempurvak bhagvan ka prasad samajhakar svikar karna chahiye. bhartiya sanskriti men bhojan karna matra pet bharne ka karya nahin. jab bhi bhukh lage jaisa bhi bhojan mile, bina niyam ke kha lena pashuon ka karya hai. hamare yahan bhojan karna bhi ishvar upasna ke tulya pavitra karya hai. ishvar ko juthi vastu ka, apvitra vastu ka bhog nahin lagta. bhojan kya, hamare yahan ann v jal ki upyeagita bhi parkhi jati hai. kaha bhi hai: jaisa khaye ann, vaisa hove man jaisa pio pani, vaisi hove vani. prashna: tamrapatra men bhojan ka nishedh kyon? uttara: tamrapatra keval devpujan men kam ata hai fir tamra patra men jal ke atirikt anya padarth shighra hi vikrit ho jate hain. prashna: jute pahanakar bhojan kyon nahin karen? uttara: chamda vaise bhi durgandhapurn parmanuon se bani ek apvitra vastu hai. juton ke talon men nana prakar ki gandgi, kichad, mal, aur durgandhapurn vastuen lagi hoti hain. bhartiya sanskriti men bhojan karna ek pavitra karya hai. bhojan ek ishvariya upasna tulya shuchi karya hone se usmen juton ka sansarg dharmik evan vaigyanik donon hi drishti se nindaniya hai. prashna: bhojan karke chalna kyon chahiye? uttara: shastron men likha hai - ‘bhojnante shatpdan gachchet’ bhojan khakar kam-se-kam sau kadam chalna chahiye. is par kuch kutarkiyon ne uparyukt shanka uthai. ayurved evan aj ka daektar bhi yahi kahta hai ki bhojan karke baithe rahne se sharir sthul ho jata hai aur pet badh jata hai. bhojan karke tatkal so jane se anek rog utpann hote hain, bhojan karke daudne se maut ka khatra hai atah bhojan ke bad jara-si-chahlkdmi svasthyavardhan karti hai. prashna: din men kyon n soyen ? uttara: shastrakaron ne kaha hai - ‘divasvapan ch varjayet’ arthat din men nahin sona chahiye. ayurved bhi kahta hai ki din ki nidra ayu ko kam karti hai. grishm ritu ke apvad ko chodakar kisi bhi ritu men bal, vriddh v tarun ko din men nahin sona chahiye. ayurved men likha hai ki din men sone se ‘pratishyam’ jukam ho jata hai. vah chirasthai hokar ‘kas’ rog ko utpann karta hai. kas rog age chalakar ‘shvans’ rog men parivartit ho jata hai jisse fefde kharab ho jate hain tatha vyakti ko kshayarog ho jata hai.