ajakal ki is tej raftar yug men har vyakti jald se jald safal v sanpann ho jana chahta hai jiske lie vah achchi shiksha prapt kar bari se bari naukri v ajivika karna chahta hai. parantu is pratispardhatmak yug men keval achchi shiksha ka hona hi avashyak nahin hota balki pariksha men achche ank prapt karna bhi jaruri hota hai. yahan kuch sulabh aur sahaj upayon v totkon ka vivaran prastut hai jinhen apna kar koi chatra achche ank prapt kar sakta hai.
- pariksha dene jate samay yadi chatra ko raste men kisi per ka paÿaa girta dikhai de, to use jamin par girne se pahle hi pakar kar apni jeb ya baig men rakh le, us din ki pariksha achchi hogi.
- jo vishay kathin lagta ho uski pustak men ganesh ji ka chitra tatha durva ke 11 patra rakhen. manglvar ko us pustak ko lakri ki chaiki par lal vastra bichakar sthapit karen tatha thora sa gangajal chirak kar kunkum, pushp, dhup, dipadi se yathasanbhav uski puja karen tatha kisi bhi khadya padarth se bhog lagaen. fir is pustak ko apne takie ke niche rakh den. jab is pustak ka adhyayan karna ho, to use purn shraddha ke sath mathe se lagaen aur adhyayan ke bad punah takie ke niche rakh den. aisa pariksha ane tak nitya karen, ashatit labh milega.
- sarasvati yantra ka jal se abhishek kar gandh, pushp, ful, dhup, dip adi se uski puja karke shukla paksh men guruvar ya purnima ko apne ghar par sthapit karen tatha 41 din tak ‘¬ ain mahasarasvatyai namah.’ mantra ka 21 bar jap karen tatha sarasvati chalisa ka path karen.
- parikshaon ke samay mitha dahi niyamit rup se len, parantu dhyan rakhen ki pratidin ise lene ke samay men parivartan karte rahna hai arthat yadi pahle din subah ath baje liya ho, to agle din 9 baje len. is kriya ko roj ek ghanta age barhate rahen, ishvar ki kripa prapt hogi.
- guru pushya yog ke budhvar ko ganesh ji mandir men sindur dan karen tatha unhen laddu ka bhog laga kar prasad banten.
- adhyayan yathasanbhav brahm muhurt men purvabhimukh ya uÿarabhimukh hokar hi karen.
- svar shastra ke anusar jab dayan svar (surya) chal raha ho, tab kathin vishay parhen. pariksha men jate samay jo svar chal raha ho, usi ke anurup pair pahle bahar nikalen. pariksha kaksh men bhi svar ke anurup hi pair barha kar pravesh karen.
- smaran shakti ko prabal karne hetu brahmi aur shankhpushpi ka sevan karen tatha kapur v fitkri hamesha sath rakhen.
- man ki ekagrata hetu panchmesh (panchven bhav ka svami grah) ka itra parikshaon ke dinon men sunghen aur lagaen. grahon ke itra ka vivaran niche ki talika men prastut hai.
pariksha ke samay var ke anurup kie jane vale upay
- somvar: shivling par pan ka patta charhakar jaen.
- manglvar: hanuman ji ko gur aur chane ka bhog lagakar aur prasad khakar jaen.
- budhvar: dhaniya chabakar jaen.
- guruvar: kesar ka tilak karen aur pili sarson lekar jaen.
- shukravar: devi ko khir ka bhog lagakar aur prasad khakar jaen.
- shanivar: rai ke dane rakhakar jaen.
rashi ke anurup totke
mesh v vrishchik: donon rashiyon ka svami mangal hai atah manglvar ko dudh v jal se shivling ka abhishek kar masur ki dal, gur v gulab ke ful (1 ya 8) charhakar prarthana karen aur gay ko gur khilaen. fir svayan ek tukra gur khakar pariksha dene jaen.
vrish v tula: shukravar ko safed gay ko jau khilaen, shukra v sarasvati stotra ka japakar mishri khakar pariksha dene jaen.
mithun v kanya: budhvar ko budh v ganesh stotra ka jap karen, sabut mung dan karen aur hara rumal sath lekar pariksha dene jaen.
karka: somvar ko rudrabhishek kar shivashtak ya chandra stotra ka path kar aur darpan men chehra dekhakar pariksha dene jaen.
sinh: ravivar ko surya ko roli mishrit jal ka aghrya den aur surya stotra ka pathakar gur khakar jaen.
dhanu v min: guruvar ko mandir men pili vastuen (chane ki dal, pile fal v ful, haldi, kesar adi) dan karen, gay v ghore ko chane ki dal khilaen aur ‘¬ namo bhagvte vasudevay namah’ mantra ka jap kar tatha pila rumal lekar pariksha dene jaen.
makar v kunbh: shanivar ko shani mandir men shani ki vastuen (urad, loha, til, kale vastra, nile ful adi) dan kar shani stotra ka path karen aur adarak ka tukra lekar pariksha dene jaen.
in upayon ke atirikt guru yantra dharan karne se bhi pariksha men guruon ka ashirvad milta hai tatha achche ank prapt hote hain. yah yantra gale men tabij ki tarah dharan karna chahie.
vishesh: sabhi samagri shuddh, asli v pramanik honi chahie.