is ank se ham ‘grih sajja evan vastu-feng shui’ shirshakantargat ek naye stanbh ki shuruat kar rahe hain jismen ham apko apne ghar men sakaratmak urja ke nirman evan unke kriyanvayan ke vastu-fengshui par adharit nayab tarike bataenge jo ki shat-pratishat svayansiddh hain. isse margadarshan lekar tatha ghar men unka anupalan karke ap apne lie saflta, sukh, shanti, samriddhi evan sauhardapurn sanbandh ka marg prashast kar sakte hain. isi kadi ka pahla mahatvapurn alekh apke samne prastut hai. malum kijie apna kua nambar aur kholie kamyabi ke darvaje .... feng shui men bahut sari avdharnaen prachlit hain jinmen se ek hai et mainsan. et mainsan ki avdharna ke anusar hammen se pratyek vyakti ka ek ati mahatvapurn nanbar hota hai jisse hamare jivan ki dasha-disha nirdharit hoti hai. is nanbar ko feng shui men kua nambar ki sangya di gai hai. kua nambar ka nirdharan hamari janm tithi ke adhar par hota hai. kua nambar ki ganna karne ke uprant hamen pata chalta hai ki kaun si dishaen evan rang hamare lie saubhagyashali hain tatha agar ham un dishaon evan rangon ko mahatva pradan kar apni jivan shaili ko usi ke anurup dhalen to aisa karna hamare jivan men asim saflta ka marg prashast kar sakta hai. isi prakar kua nambar ke anusar hamare lie kuch nakaratmak dishaen hongi jinka tyag karna hamare sukhi-jivan ke lie ati avashyak hai. kua nambar ki ganna kua nambar ki ganna janmatithi ke adhar par ki jati hai, halanki purushon evan mahilaon ke lie ganna ki vidhi men thodi bhinnata hai. man lijie ki ap ek purush hain tatha apki janmatithi 15 farvri 1967 hai. apke kua nambar ki ganna nimn prakar se hogi: charan 1: apne janmavarsh ke antim do ankon ko joden tatha yadi punah do ank bane to use jodakar ekal ank men parivartit karen. udahrn: yahan janmavarsh 1967 hai. atah antim do ank arthat 6+7 = 13, ise ekal ank men parivartit karne par bana ank = 1+3 = 4 charan 2: charan 1 men jo ank prapt hua hai use 10 men se ghata den. jo ank prapt hoga vahi apka kua nambar hai. is udaharan men kua nambar = 10-4 = 6 dhyatavya: ab prashn yahan yah uthta hai ki yadi janm varsh ke antim do ankon se hi kua nambar ki ganna ho jati hai to puri janmatithi ki kya avashyakta hai. uttar hai han iski avashyakta hai. yadi apka janm kisi bhi varsh ke 4 farvri ya uske uprant hua hai to yah niyam hubhu lagu hoga. kintu yadi janm 4 farvri ke purva hua hai to ganna ke pashchat ismen 1 aur jodna hoga. man lijie ki isi udaharan men janm tithi 5 janvri 1967 hota to aisi sthiti men kua ank ki ganna karne ke uprant 1 aur jodna padta. atah yadi janm 4 farvri ke purva ka hoga to kua ank ki ganna ke pashchat usmen 1 aur jodna hoga. mahilaon ke kua nambar ki ganna ab man lijie ki ap ek mahila hain tatha apki bhi janmatithi 15 farvri 1967 hi hai. mahila hone ke karan apke kua nambar ki ganna nimn prakar se ki jaegi. charan 1: apne janmavarsh ke antim do ankon ko jodakar use ekal ank men parivartit karen. udaharan 6+7= 13; 1+3 = 4 charan 2: jo ank charan 1 men prapt hua usmen 5 aur jod den. udaharan - 4+5 = 9. is prakar prapt ank 9 apka kua nambar hua. dhyatavya: mahilaon ke lie bhi niyam vahi hai. yadi apka janm 4 farvri se pahle hua ho to ganna men prapt hue kua nambar men 1 aur jod den. shubh athva ashubh dishaen kua ankon ko do vibhagon men vibhajit kiya gaya hai. ve hain purvi samuh evan pashchimi samuh. purvi samuh: purvi samuh ke antargat ank 1, 3, 4, evan 9 ko rakha gaya hai. jin vyaktiyon ke kua nambar purvi samuh ke antargat uparyukt ankon men se ek hai, unke kua nambaron ke lie shubh evan ashubh dishaen nimn prakar se hongi jinka sahi tarah se anupalan karne par jivan men ichchit fal ki prapti ho sakti hai tatha saflta kadam chum sakti hai. kua nambar 1 shubh dishaen dakshin-purva - sarvashreshth purva - uttam dakshin - madhyam uttar - samanya ashubh dishaen: dakshin-pashchim - atyant ashubh uttara-purva - ashubh uttara-pashchim - ashubh pashchim - ashubh saubhagyashali rang-kala evan gahra nila kua nambar 3 shubh dishaen: dakshin - sarvashreshth uttar - uttam dakshin-purva - madhyam purva - samanya ashubh dishaen: pashchim - atyant ashubh uttara-pashchim - ashubh uttara-purva - ashubh dakshin-pashchim - ashubh saubhagyashali rang- hara kua nambar 4 shubh dishaen: uttar - sarvashreshth dakshin - uttam purva - madhyam dakshin-purva - samanya ashubh dishaen: uttara-purva - atyant ashubh dakshin-pashchim - ashubh pashchim - ashubh uttar - pashchim saubhagyashali rang- gahra hara kua nambar 9 ank - 9 shubh dishaen: purva - sarvashreshth dakshin-purva - uttam uttar - madhyam dakshin - samanya ashubh dishaen: uttara-pashchim - atyant ashubh pashchim - ashubh dakshin-pashchim - ashubh uttara-purva - ashubh saubhagyashali rang-lal evan baingni pashchimi samuh: pashchimi samuh ke antargat ank 2, 5, 6, evan 8 ko rakha gaya hai. pashchimi samuh ke antargat kua nambaron ke lie shubh evan ashubh dishaen tatha saubhagyashali rang nimn prakar se honge: kua nambar 2 shubh dishaen: uttara-purva - sarvashreshth pashchim - uttam uttara-pashchim - madhyam dakshin- pashchim - samanya ashubh dishaen: atyant ashubh dakshin-purva - ashubh dakshin - ashubh purva - ashubh saubhagyashali rang- bhura, pila evan tain (pila bhura) kua nambar 5 kua nambar 5 ke lie shubh tatha ashubh dishaon ka karakatva purush evan mahila ke lie alg-alag hota hai. purush ke lie shubh dishaen: uttara-purva - sarvashreshth pashchim - uttam uttara-pashchim - madhyam dakshin - pashchim samanya purush ke lie ashubh dishaen: uttar - atyant ashubh dakshin-purva - ashubh dakshin - ashubh purva - ashubh saubhagyashali rang-halka pila, biskuti evan pila mahila ke lie shubh dishaen: dakshin-pashchim - sarvashreshth uttara-pashchim - uttam pashchim - madhyam uttara-purva - samanya mahila ke lie ashubh dishaen: dakshin-purva - atyant ashubh uttar - ashubh purva - ashubh dakshin-pashchim - ashubh saubhagyashali rang- halka pila, biskuti evan pila kua nambar 6 shubh dishaen: pashchim - sarvashreshth uttara-purva - uttam dakshin-pashchim - madhyam uttara-pashchim - samanya ashubh dishaen: dakshin - atyant ashubh purva - ashubh uttar - ashubh dakshin-purva - ashubh saubhagyashali rang- sunhla, chandi, shvet (safed) evan kansya. kua nambar 7 shubh dishaen: uttara-pashchim - sarvashreshth dakshin-pashchim - uttam uttara-purva - madhyamri pashchim - samanya ashubh dishaen: purva - atyant ashubh dakshin - ashubh dakshin - purva - ashubh uttar - ashubh saubhagyashali rang-sunhla, chandi, shvet (safed) evan kansya kua nambar 8 shubh dishaen: dakshin-pashchim - sarvashreshth uttara-pashchim - uttam pashchim - madhyam uttara-purva - samanya ashubh dishaen: dakshin-purva - atyant ashubh uttar - ashubh purva - ashubh dakshin - ashubh saubhagyashali rang-bhura, pila evan tain (halka bhura) kua ank ke anusar dishaon ka shubhatva evan ashubhatva avrohi kram men samjha jana chahie. jo shubh disha sabse pahle hai vah us vyakti ke lie atishreshth disha hogi tatha niche ki anya dishaon ka shubhatva kramshah thoda kam hota jaega. isi prakar se ashubh dishaon ke mamle men vichar karna avashyak hai. ab prashn yah uthta hai ki ek hi parivar men anek log rahte hain to unke kua ank bhi alg-alag honge. is prakar unke shubh tatha ashubh dishaon men bhi bhinnata hogi to ghar ke har chij ka sanyojan kaise kiya jay. aisi sthiti men ghar ke pradhan vyakti ko jo ajivika kamata hai use tarjih di jani chahie tatha living eriya, uske bedrum adi ka sanyojan us anusar kiya jana chahie. anya sadasya apne bedrum men apne kua ank ke anurup vyavastha kar sakte hain. pati-patni ke kua ank alag hone par donon ke lie jo upyukt shubh disha ho uska chayan kar sanyojan karen. feng shui men kua ank ko badi ahmiyat pradan ki jati hai tatha yadi iske anusar shubh dishaan ka nirdharan kar karya sanpadit kiya jata hai to yah ashatit saflta ka marg prashast karta hai. atah ise ajmakar dekhen evan apna jivan sukhi evan behatar banaen.
Kya aapko lekh pasand aaya?
Subscribe