janvri lagnesh guru vakri hai aur guru saptam men hai. satta parivartan hoga vayu, jal aur agni tatva ke grah lagn men hain. bajar bhav men teji, videshi mamlon men sudhar nahin hoga. desh men uthl-puthal machi rahegi. farvri shukra vakri hai. desh ki sanpatti ko 5/9 ke yog ban raha hai. mitra ke ghar men bhi hani, bajar men kuch sthirta ayegi. rajasva men sudhar nahin ayega. taiks vasuli aur sheyron men bhi kamjori ayegi. bainkon ka kam ke badhne ki sanbhavna ayegi. kendriya bajat bekar hoga. 5 farvri ko mangal tula man ane se rahu-shani ke sath hone se arthik aur rajnaitik sankat ayega. yah mas desh ki janta ke liye sangharshamay hoga. uttar bharat men mausam kafi kharab rahega. mahangai aur badhegi. parvatiya kshetron men bhari himpat hoga am admi ko pareshani hogi. march surya-guru trikon men hone se arthik sankat men kami ayegi. paksha-vipaksh ke neta takrar adhik karenge. apradh badh sakte hain. mangal vakri hokar kanya rashi men ane se satta paksh men bal ayega. sarkari khajane men kami ayegi. bimari failne ka duryog ban raha hai. mangal vakri ho jane se sheyar bajar men shuruat men teji ayegi jismen bainkon ke sheyron men teji ayegi. aprail mas ke aranbh men shasak varg manmani karega. desh men mahangai badhegi. bhukanp uttara-purva men ane ki sanbhavna hai. pakistan bharat ko tang karega aur chin bhi bharat ki bhumi par kabja kar sakta hai. mah men uttararddh men bajar bhav sthir rahega. sona chandi men uchal ayega. anaj men sthirta rahegi. kuch mahatvapurn vyaktiyon ki achanak mrityu hogi. uttara-pradesh, panjab, bihar men andhi ke sath chiten bhi pad sakte hain. mai mas ke purvarddh men netaon ke viruddh asantosh, yatayat sadhnon men asuraksha, uttararddh men shanti ho sakti he. rel-yatra aur dur sanchar men bhi sudhar ayega. sarvajnik sthanon men atankvadi durghatana ke yog hain. sarvajnik sanpattiyon ka nuksan hoga. mahangai nahin rukegi. mas ki shuruat men khadya padarth mahange honge. sona chandi men mandi ayegi. bajar uncha nicha hota rahega. tel padarthon men teji ayegi. manusun der se ayega. jun jun: sinema jagat men naya mod ayega. khel kud men saflta, videshi vyapar men vriddhi hogi. prakritik apdaon ka samna karna padega. yatayat sadhan asantoshajanak rahenge. shramiko ki mang badhegi. yah samay janta ke liye samanya rahega. sona chandi ke staek karne valon ko bhavishya men labh milega. mah ke tisre saptah men shukra ke prabhav se bajar men chadhav ayega. yah teji jyada din nahin rahegi. uttararddh men garmi ka prakop badhega. 22 jun ko surya adrra nakshatra men pravesh karega. bharat men pratham varsha achchi hogi. julai satta parivartan ke bad desh ki arthik sthiti men visfot hoga. jamakhori badhegi. jisse mahangai nahin rukegi. prakritik upadrav uttara-purva, pashchim bhagan men ha sakta hai. sarrafa bajar men narmi ayegi. khadya, fal, sabjiyon men teji ayegi. pashchimottar bharat men prabal varsha hogi. mangal ke prabhavi hone se lal vastuon men teji ayegi. ganmanya vyaktiyon ke man samman men vriddhi hogi. chaval, gehun, tel, ghi men teji. rui-sut kapas men mandi, tilahan dalahan ke bhavon men teji. kuch deshon se apsi tanav badhne se jhagde honge. desh men asthirta failegi. agast rel-yatayat men kuch sudhar ayega. parantu sarkari kharchon men kami nahin hogi. charitrik patan, desh ki sakh men kami, rajnetaon ko kathinaiyon ka samna karna padega. desh men sudhar a sakta hai parantu apsi mel n hone ke karan parivartan arthat sudhar ruk jayega. sankramak rog failne ki sanbhavna. hatyaon ki ghatnayen adhik hongi. uttar disha men kafi prakop ayega. gehun- jau- chana, sona, chandi, tanba, pital men teji ayegi. satte men teji, rasile padarth tej honge. sabhi dhatuen tej hanegi. meva bhi tej hoga. vatavaran men pradushan badhne se svasthya ki samasya badhegi. praja men kalah ki pravritti badhegi. sitanbar dusre desh vale bharat ke prati kutniti ki prakriya apnayenge. desh ki antrik sthiti thik nahin rahegi. mantrigan videshon men adhik bhraman karenge. sattapaksh sashakt hokar ubhrega. janm dar men kami, achche mausam se kisanon men santosh ayega. purvi-pashchimi kshetron men videshi ghus paith badhne ki sanbhavna. shramik asantosh ubhrega jo bad men shant ho jayega. sheyron men teji ayegi. adhikansh vastuon ke bhav tej honge. rasile padarth saste heange. surya ki kanya sankranti hone se bajar men teji ayegi. mas ke purvarddh men adhikansh grah nirbal rashiyon men hone ke karan varsha men avrodh utpann hoga. masant men mausam saf ho jayega. anaj ka sangrah karna labhdayak rahega. aktubar is mahine desh ki antrik sthiti thik rahegi. grahon ke anukul prabhav se shanti rahegi. jamakhori par niyantran aur adhik majbuti se desh men mahangai kam rahegi. mausam anukul rahega. dharm ka prachar adhik hoga. vayu sena men badhottari hogi. vyaparik shakti samanya rahegi. satta paksh majbut hoga aur prastav pas karne men soch-vichar karke hi nirnay lena padega. surya tula sankranti men hone ke karan anajon men teji ayegi. loha-tanba mahanga hoga. purvottar men adhik varsha ka yog hai jisse khadi fasal ko kafi nuksan hoga. sona chandi tej hoga. chay kafi mahange honge. samudrittiya pradeshan men vayu veg ke sath varsha hogi. navanbar rajnaitik partiyan apni mahatvakanksha purti ke liye grih kalah karenge. janta ko netaon ke galat karyon se is mah anek samasyaon ka samna karna padega. sarvajnik sthanon men tod-fod se sanpatti ka bahut nuksan hoga. is samay sabhi dalon ka kursi prem spasht dikhai dega. achche mausam se krishi utpadan men vriddhi, shani-rahu ke rashi parivartan se vipaksh kamjor rahega. surya ki vrishchik sankranti ke karan vastuon men sthirta aur teji samapt hogi. rasile padarthon men mandi, loha-dhatuon men mandi. anek sthanon men badal honge. bunda bandi hogi. dilli, rajasthan, himachal pradesh men vayu veg ke sath ola vrishti hogi. satta-paksh aur janta ka man mutav hoga. dudh ghi mahanga hoga. disanbar mas ki shuruat men sattapaksh apni manmani dikhayega. shani-rahu ki drishti desh ki sanpatti par padegi jisse danga fasad, agni kand aur arajkta hone ki sanbhavna hai. yatayat ke sadhnon men asuraksha rahegi. sarvajnik sanpatti ka nuksan ho sakta hai. sainya pradarshan hoga. mandi rahegi. sangrah karne valon ko labh milega rogon men vriddhi hogi. loha dhatuen tej hongi. niveshkon ko labh milega. yah mahina prakritik prakop ka karak hai. netaon ke viruddh jan asantosh jagrit hoga. sona-chandi tej honge- rasile padarth saste honge. atah yah varsh koi vishesh achcha prabhav nahin dega.
Kya aapko lekh pasand aaya?
Subscribe