ganesh ji ke mantra ka smaran kar ke yatra praranbh karne se yatra nirvighn evan labhaprad hoti hai. shakun vichar karna bhi safal yatra ka rahasya mana gaya hai. jab ham kisi bhi yatra ko praranbh karte hain, to jo bhi vyakti, vastu, jiv hamare sammukh hote hain, ve shakun kahlate hain, jaise kisi stri ka dikhna, kisi ka chinkna, janavar dikhna adi kai shubhashubh shakun hote hain.
yatra men hathi, ghora, brahman, jal se bhara hua bartan, dahi, nevla, putravti stri, shrringar kiye hue stri, kanya,sarsane adi shubh shakun mane gaye hain. biral (billi) yuddh, athva jhagra, vidhva stri, bandhya stri, chamra, sanyasi,lakriyan, chink, bure shabd adi yatra ke samay ashubh shakun mane gaye hain. yatra men pahla apshkun ho, to 11 shvasle kar, dusra apshkun ho, to 16 shvas le kar jaen aur tisra apshkun ho, to kabhi n jaen. ek kos dur jane par shubh-ashubh shakunon ka fal nahin hota hai.
yatraon ko do bhagon men vibhajit kiya ja sakta hai:
laghu yatra aur dirgh yatra. laghu yatraen unhen kahte hain, jo yatraen sau yojan (1200 kimi.) se kam hon tatha dirgh yatra isse adhik duri ki yatra mani gayi hai. laghu yatra matra hora evan rahu kal ka vichar kar ke aranbh ki ja sakti hai.
laghu yatra
suryoday se suryast tak ke dinman ko 8 bhagon men vibhajit kar rahu dvara pratinidhitch kiye gaye lagabhag derh ghante ke samay ko rahu kal kahte hain. vibhinn varon men rahu kal ka samay talika men dekhen (shuddh rahu kal ke lie patrika men dekhen) rahu kal men kisi shubh karya ke lie niklna varjit hai. jis disha men yatra karni ho, us disha ke svami grah ki hora men yatra karna shubh mana gaya hai.
hora nikalne ki vidhi is prakar hai:
suryoday se ek ghanta paryant usi din ki hora hoti hai. tatpashchat ek ghante tak us var se var ki hora hoti hai. isi kram men suryoday se le kar agle din ke suryoday tak chaibis hora mani gayi hain.
rahu kal
| somvar |
manglvar |
budhvar |
guruvar |
shukravar |
shanivar |
ravivar |
| 7.30 9.00 |
15.00 16.30 |
12.00 13.30 |
13.30 15.00 |
10-30 12-00 |
9-00 10-30 |
16-30 18-00 |
dirgh yatra
dirgh yatra men yogini, kal rahu, gochar, dikshul, chandrama, bhadra evan samay shul ka vichar kiya jata hai. yatra ke samay yogini ka sammukh, athva dahine bhag men hona ashubh mana gaya hai. kal rahu ka bhi sammukh evan dahine hona ashubh mana gaya hai. chandrama ka nivas mesh, sinh evan dhanu rashiyon ki purva disha men hota hai. vrish, kanya aur makar ke chandrama ka nivas dakshin disha men hota hai. mithun, tula aur kunbh ke chandrama ka nivas pashchim disha men hota hai. kark, vrishchik, min rashi ke chandra ka nivas uttar disha men hota hai. yatra ke samay chandrama sammukh, athva dahine bhag men achcha fal deta hai.
| disha |
chandrama ka vas |
dishashul |
samay shul |
| purva disha |
mesh, sinh, dhanu |
som, shani |
pratah kal |
| dakshin disha |
vrish, kanya, makr |
guru |
madhyahna |
| pashchim disha |
mithun, tula, kunbh |
ravi, shukra |
sandhya kal |
| uttar disha |
kark, vrishchik, min |
budh, mangl |
ardh ratri |
| disha |
yogini vas |
kalrahu vas |
disha |
yogini vas |
kalrahu vas |
| purva disha |
1, 9 tithi |
shanivar |
pashchim |
6, 14 |
manglvar |
| agni kon |
3,11 |
shukravar |
vayavya kon |
7, purnima |
somvar |
| dakshin |
5, 13 |
guruvar |
uttar disha |
2, 10 |
ravivar |
| nairritya kon |
4, 12 |
budhvar |
ishan kon |
8, amavasya |
- |
sammukhe arth labhay dakshine sukh sanpda. prishthato marnan chaiv vame chandre dhanakshayah..
arthat, chandrama sammukh ho, to dhan labh, dayen sukh-sanpatti, piche ho, to maran evan bayane dhan hani deta hai.
gochar men chandrama yatri ki rashi se chaturth, ashtam evan dvadash hone se kharab fal deta hai tatha ashtam chandrama men yatra varjit hai. yatra men tino purva nakshatron ki pratham 16 ghariyan, kritika ki pratham 21 ghariyan, magha ki 11 ghadiyan, bharni ki 7 ghariyan, svati, vishakha, jyeshtha, ashlesha, in nakshatron ki 14 ghariyan nishiddh mani gayi hain. dikshul men yatra karne se hani hoti hai tatha durghatana ka bhay bana rahta hai. atah lanbi yatra dikshul men nahin ki jati hai. bhadra men bhi yatra ashubh fal deti hai. yatra men samay shul par bhi vichar kiya jata hai.
purva disha ki yatra pratah kal nahin karni chahie. dakshin disha ki yatra madhyahn men, pashchim disha ki yatra sandhya kal men, uttar disha ki yatra madhya ratri men karne se viprit parinam milte hanai. atah samay shul men yatra karna varjit hai. yatra praranbh karne se purva ravivar ko ghrityukt padarth khana chahien. somvar ko chandan ka lep laga kar yatra karni chahie. manglvar ko gur kha kar yatra karni chahie. budhvar ko kala til, guruvar ko dahi, athva dahi se bana padarth, shukravar ko ghi athva ghi se nirmit padarth, shanivar ko til se nirmit padarth kha kar yatra karne se yatra ke anek dosh nasht hote hain aur yatra safal hoti hai.