har manushya ki janmapatri men koi n koi grah kamjor aur kuch grah bali hote hain aur inke anusar hi jatak ke bhagya men parivartan ata rahta hai. ashubh grahon ko shubh banana ya shubh grahon ko aur adhik shubh banane ki manushya ki sarvada cheshta rahi hai. iske lie manushya anek upay karte hain, jaise mantra jap, dan, aushdhi snan, ratn dharan, dhatu evan yantra dharan, dev darshan adi. ratn dharan ek mahatvapurn evan asrdar upay hai. kab kaun sa ratn kaise dharan karen, is vishay ki charcha is ank men vistrit rup se ki ja rahi hai. sar men, kisi ratn dharan karne ke lie nimn sutron ka dhyan rakhna chahie:
ratn kaun se hain aur kaise kam karte hain
surya se le kar ketu tak nav grahon ke lie nau mul ratn hain-surya ke lie manik, chandra ka moti, mangal ka munga, budh ka panna, guru ka pukhraj, shukra ka hira, shani ka nilam, rahu ka gomed evan ketu ka lahsuniya. ye ratn in grahon se a rahi kirnon ko atmasat karnen men saksham hain evan grahon se a rahi kirnon ke sath anunad (resonance) sthapit kar hamare sharir men kirnon ke pravah ko barhate hain. uparatn saste hote hai evan unka anunad ratnon ke anunad ke najdik hi hota hai, lekin usi baranbarta (frequency) par nahin. atah uparatn bhi kuch had tak vahi kam karte hain, jo ratn karte hain. lekin anunad thik se n hone ke karan inka asar das pratishat se adhik nahin hota. atah mul ratn hi dharan karne chahie.
ratn ko kaise parkhane
ratn ko ankhon se dekh kar hi jana ja sakta hai ki usmen koi darar to nahin hai. ratn ka paradarshi hona evan usmen chamak hona uski kism ko darshate hain. uska katav ek kon men hona bhi avashyak hai. yadi katav thik nahin hoga, to ratn rashmiyon ko ekatrit karne men saksham nahin rahega.
kya ratn prabhavshali rahega
grah kaisi rashi men sthit hai, yah nirdharit karta hai ki kaun sa upay fal dega. jaise yadi grah vayu rashi men sthit ho, to mantrochcharan, katha, puja adi siddh honge. grah agni rashi men ho, to yagya, vrat adi, jal rashi men dan, pani men bahana, aushdhi snan adi evan prithvi tatva men ratn, yantra, dhatu dharan evan dev darshan adi. yadi janmapatri men yogkarak grah nirbal ho, to ratn dharan, yantra dharan evan mantra dvara upchar karna chahie.
yadi marak grah bali ho, to use vastu baha kar ya dan se nirbal banana chahie, anyatha mantrochcharan evan dev darshan dva ara karak men parivartit karna chahie. aise men ratn dharan karne se grah ka marak tatva aur ubhrega. yadi yogkarak grah bali ho, ya marak grah nirbal ho, to kisi upay ki avashyakta nahin hai.
kaun se grah ka ratn dharan kar
ratn grah ko bali karne ke lie pahnaya jata hai. kisi grah se sanbandhit pira harne ke lie, anyatha jis grah ki dasha ya anrtadasha chal rahi ho, us grah ka ratn dharan karna chahie. lekin yah avashyak hai ki vah grah jatak ki kundli men yogkarak ho, marak n ho. ashtamesh yadi lagnesh n ho, to sarvada tyajya hi hai. yogkarak grah yadi nirbal ho, to ratn avashya dharan karna chahie.
kya ratn hamare lie shubh hai
yah jan lena param avashyak hai ki ratn hamen shubh fal dega, ya de raha hai. vishesh rup se nilam ko ap parakh kar hi pahnen. kai bar nag vishesh men kuch truti hone ke karan kasht jhelne parte hain. nilam men yadi kuch lalapan ho, to vah khuni nilam kahlata hai aur durghatana karva sakta hai. atah ratn ko parkhne ke lie apne hath par bandh len. yadi ap sfurti mahsus karte hain, to ratn thik hai, anyatha dusra nag dekh len. yadi do-tin nag dekhne par bhi thik nahin lagta, to vah ratn apko thik fal nahin dega.
kitne vajan ka nag pahn
nag ka vajan sharir ke vajan evan grah ki nirbalata ke anupat men hona chahie. yadi grah ati kshin hai, to adhik vajan ka nag pahnna chahie. prayah savaya vajan hi shubh mana jata hai evan paun ashubh. mahilaon ko sava tin ratti se sava panch ratti tak evan purushon ko sava panch ratti se sava ath ratti tak ke nag pahnne chahien. hira ek apvad hai. yah kam vajan evan kai tukron men bhi ho sakta hai.
kya ratn ka sharir ko chuna avashyak hai
ratn ka sharir se chuna ati avashyak hai, keval hire ko chor kar, jo pratibinb (reflection) se kam karta hai, n ki apavartan (refraction) se. ratn ka kon bhi sam hona chahie, jo anguli ko chue. laekat adi men bhi ratn isi prakar chute hue jarvane chahie. lekin anguli rashmiyon ko atmasat karne men adhik saksham hoti hai. laeket men kam se kam dugune vajan ka ratn hone se utna asar hoga, jitna anguthi men. atah ratn ko anguthi men pahnna hi shreshth hai.
kis dhatu men ratn jarvaen
svarn ratn ke lie uttam dhatu hai. sabhi nau grahon ke lie svarn ka upyog shubh hai. hire ke lie pletinam atyuttam hai. nilam tatha gomed ke lie anya dhatu mishrit chaidah kairat ka sona uttam hai. moti ke lie chandi istemal ki ja sakti hai. munge ke lie tanbe ki bajay tanba mishrit svarn atyuttam hai. manik, panna, pukhraj tatha lahsuniya bais kairat sone men pahnen.
ratn kis anguli evan hath men pahnen
purush ko ratn dahine hath men evan stri ko bayen hath men dharan karna chahie. yadi vyakti vishesh bayen hath se kam karta hai ya koi stri purush ki bhanti kam-kaj karti hai, to bhi stri ko bayen evan purush ko dayane hath men hi ratn dharan karna chahie. choti anguli men hira evan panna, anamika men manik, moti, munga tatha lahsuniya, bich ki anguli men nilam tatha gomed evan tarjani men pukhraj pahnna uttam hai. hira anamika evan bich ki anguli men pahna ja sakta hai. panna anamika men tatha lahsuniya choti anguli men bhi pahne ja sakte hain.
ratn kab tatha kaise dharan karen
ratn ko dharan karne ke lie avashyak hai ki pahli bar pahnte samay shubh muhurt ho evan chandra bali ho, samay, var evan nakshatra ratn ke anukul hon. aise samay men ratn ko ganga jal evan panchamrit men dho kar dhup, dip dikhakar, grah ke mantrochcharan sahit dharan karna chahie. is prakar ratn ka shubh fal adhik hota hai evan ashubh fal men nyunta ati hai. manik ravivar, moti somvar, munga manglvar, panna tatha lahsuniya budhvar, pukhraj guruvar, hira shukravar, nilam aur gomed shanivar ko dharan karne chahie. sabhi ratn pratah, nilam suryast se pahle evan gomed suryast ke bad dharan karna shreshth hai.
ratn kab tak pahnen: koi bhi ratn tin sal tak hi purnataya fal dene men saksham hai. keval hira purn kal tak pure fal deta hai. atah avashyak hai ki tin varsh bad ham ratn badal len, ya us ratn ko utar kar rakh den evan kuch sal bad dobara pahnen, ya ratn kisi aur ko de den. yadi apka vanchit karya ho gaya ho, ya dasha badal gayi ho, to bhi ratn utar dena chahie.
kis ratn ke sath kya n pahnen
manik, moti, munga, pukhraj ke sath nilam tatha gomed nahin pahnna chahie. hira, panna aur lahsuniya ke sath anya koi bhi ratn dharan karne men dosh nahin hai. lekin hire ke sath manikya, moti evan pukhraj ko parakh kar hi pahnna chahie.
ratn kaise utaren
am taur par log ratn ko utarne ke lie samay adi par dhyan nahin dete hain. aisa nahanin karna chahie. ratn ko uske var ke din hi utar kar rakhna chahie. utar kar use ganga jal men dho kar surakshit sthan par rakhen evan uske bad us grah ki vastuon ka dan karen.
ratn shakun
yadi ratn kho jae, ya chori ho jae, to samjhen ki grah ke dosh khatm hue. yadi ratn men darar par jae, to samjhen ki grah bahut prabhavshali hai. uski shanti bhi karvaen. yadi ratn ka rang fika pare, to grah ka asar shant hua samjhen.