holi v holika dahan ka muhurta- pradosh vyapini grahya purnima falguni sada. tasya bhadramukhan tyaktva pujya hola nishamukhe.. iti nard-vachnat pradakashavyapinityuktam. arthat sada falgun mas ki purnima ko pradoshavyapini grahan karen. jyotirnibandh men kaha gaya hai ki pratipda chaturdashi aur bhadra men jo holika ke din puja karta hai vah ek varsh tak us desh aur nagar ko ashcharya se dahan karta hai. pratham din pradosh ke samay bhadra ho aur dusre din suryast se pahle purnima samapt hoti ho to bhadra ke samapt hone ki pratiksha karke suryoday hone se purva holi ka dahan karna chahiye. yadi pahle din pradosh n ho aur ho to bhi ratri bhar bhadra rahe. suryoday hone se pahle n utre aur dusre din suryast se pahle hi purnima samapt hoti ho to aise avasar men pahle din bhadra ho to bhi uske puchch men holika dahan kar dena chahie.
yadi pahle din ratri bhar bhadra rahe aur dusre din pradosh ke samay purnima ka uttararddh ho to bhi us samay yadi chandra grahan ho to aise avasar men pahle din bhadra ho tab bhi suryast ke piche holi jala deni chahie. yadi dusre din pradosh ke samay purnima ho aur bhadra usse pahle utrne vali ho kintu chandra grahan ho to uske shuddh hone ke piche snan-danadi kar ke holika dahan karni chahiye. yadi falgun do ho, malmas ho to shuddh mas arthat dusre falgun ki purnima ko holika dahan karna chahie. holi pujan vichar- holi ki puja rahasyapurn hai. ismen holi dhundha prinad to mukhya hai hi iske atirikt is din navanneshti yagya bhi sanpann hota hai. is paranpra se dharmadhvaj rajaon ke yahan maghi purnima ke prabhat men puri samant aur sabhya manushya gaje-baje sahit nagar se bahar van men ja kar shakh sahit vriksh late hain aur usko gandh-akshatadi se puja kar nagar ya ganv se bahar pashchim disha men aropit karke sthit kar dete hain.
janta men yah holidand, holi ka danda ya prinad ke nam se prasidva hai. holika dahan ke sthan ko jal chirak kar shuddh karke usmen sukhi lakri aur sukhe uple dalen, fir holi ke samip jakar shubhasan par purva ya uttar mukh hokar baithane aur tin pradakshina karke prarthana karen aur shital jal chirken. fir khera khanda ko holi men dalen tatha jau, gehun ki bali aur chane ke jhar ko holi ki jvala se senken. holi ki agni tatha bhasm lekar ghar ayen. vahan akar vas sthan men gobar se chaika laga annadi ki sthapna karen.
baje-gaje sahit hasya shabd uchcharen aur gur ke bane pakvan balkon ko khane ke liye den. is se dhundha ke dosh shant ho jate hain aur sukh-shanti milti hai. holi ki rakh se labh-ap yadi kisi bhi grah ki pira bhog rahe hane to holika dahan ke samay deshi ghi men bhigo kar do laung, ek batasha aur ek pan ka patta arpit karna chahie. agle din holi ki rakh lakar apne sharir par tel ki tarah laga len aur ek ghante bad halke garam pani se snan kar len, ap grah pira se mukt ho jayenge. iske atirikt ap kisi jadu-tone se pirit hain to yahi kriya karne se bhi mukt ho jayenge.
2- yadi kisi bachche ya bade ko jaldi-jaldi najar lagti ho to isi rakh ko tanbe ke tabij men bhar kar tabij ko kale dhage men bandh kar gale men pahan len, najar lagne se mukt ho jayanege.
3 - yadi ap kisi se koi karya karvana chahte hain to tin gomti chakra uska nam lekar holi men arpit karen. agle din holi ki rakh lakar uske mukhya dvar par chor ayen ya chaurahe par dal ayen, vah apka kam turant kar dega. holi dahan bela holi parva sanatan dharmavlanbiyon ke lie vishesh harshollas ka parva hai. yah parva bhartiya sanskriti men dharmik mahatva ke sath-sath samajik rup se samta tatha ekrupta ka pratik bhi hai. holi dahan se ath din purva holashtak praranbh hota hai.
is samay men shubh manglik karyon ko karne ka nishedh hota hai. is bar holashtak 5 march se praranbh hokar holika dahan ke din 12 march tak rahega. chaturdashi, pratipda evan bhadra ke samay holika dahan nishiddh hai. is bar bhadra pratahkal men hi samapt ho jayegi atah suryast ke bad 12 march purnima ko pradosh kal men holika dahan hoga tatha dusre din 13 march ko holi (dhulandi) manayi jaegi.