yadi ap holi ke mauke par vyavsay, vivah, najar badha se mukti, apsi rishton ki anaban ko samapt karna chahte hain ya dhan-sampada, jivan men karobar men saflta, achchi naukri aur santan prapti karna chahte hain to ap bhi holi tyohar ke suavasar ka labh uthate hue apne jivan ki sabhi pareshaniyon ka nivaran kar sukh-shanti se jivan yapan kar sakte hain. yahan die ja rahe holi ke totke behad asan aur labhdayak hain, in totkon ko ap is holi par jarur karke dekhane aur iska labh uthayen. in totkon ke bare men jankari niche di gai hai-
dhan vriddhi ke totke
- holi ki rat chandrama ke uday hone ke bad apne ghar ki chat par jahan se chand najar ae, vahan khare ho jaen. fir chandrama ka smaran karte hue chandi ki plet men sukhe chuhare tatha kuch makhane rakhakar shuddh ghi ke dipak ke sath dhup evan agarabatti arpit karen. ab dudh se chandrama ko aghrya den. aghrya ke bad safed mithai tatha kesar mishrit sabudane ki khir arpit karen. chandrama se samriddhi puja karen. dibbi ke sath hi holika ki sat bar parikrama lagayen aur fir is dibbi ko ghar par lakar dhan ke sath rakh den. apke pas paise rukne lagenge tatha dhan ki kabhi kami nahin hogi.
- holika dahan ke dusre din ki bachi rakh ko kisi lal rumal men bandh len aur use apni tijori ya pars men rakh len. is totke se apko fayda milega. dhan ka vyarth kharch band ho jayega.
- holi ke din mukhya dvar par gulal chidken aur us par dvimukhi dipak jalaen. dipak jalate samay dhanhani se bachav ki kamna karen. jab dipak bujh jae to use holi ki agni men dal den. yah kriya shraddhapurvak karen, dhan hani se bachav hoga.
- ghar ke pratyek sadasya ko holika dahan men ghi men bhigoi hui do laung, ek batasha aur ek pan ka patta avashya charhana chahie aur holi ki gyarah parikrama karte hue holi men sukhe nariyal ki ahuti deni chahie. isse sukh-samriddhi barhti hai, kasht dur hote hain.
- die gae rin vapsi ke lie jis jagah holi ka dahan ho raha ho, vahan par ek anar ki lakri par us admi ka nam likhakar uske upar hara gulal dalakar holika men dal den aur dhan vapas pane ki holika mata se prarthana karen. apka dhan atishighra vapas mil jaega.
- holika dahan ki sham apko apne ghar ke mukhya dvar par gulab chirakakar ate ka do mukhi dipak banakar jalana chahie. is dipak ko jalane se arthik hani dur ho jati hai.
- holi ke pahle parne vale shanivar ko ek per dhunrh len jahan chamgadar nivas karte hon. us per ki dali ko suryoday se purva tor len, ratri men pujan ke kuch samay bad us tahni ke patton ko torakar apni gaddi ya tijori ke niche rakhen. vyavsay men khub vriddhi hogi aur dhan prapti hogi.
- holi ki rat purva disha ki or munh karke, asan lagakar, sat kauriyane v ek chote shankh ko masur ki dal ki dheri par sthapit kar len. iske pashchat munge ya fir tulsi ki mala lekar die gae mantra ka 1dh3dh5 mala jap karen. mantra- un gan ganptye namah. jap sanpann hone par samast samagri ko kisi nirjan sthan par gaddha khodakar daba den. aisa karne se nishchit hi apki daridrata ka nash hoga.
- ghar athva pratishthan ki koi bhi ek kil le jakar jis sthan par holi jalni ho, vahan ki mitti men daba den. agle din us kil ko nikalakar mukhya-dvar ke bahar ki mitti men daba den. is upay se apke nivas athva pratishthan men kisi prakar ki nakaratmak shakti ka pravesh nahin hoga, n hi kisi prakar ka arthik sankat ap par aega.
vyapar men saflta ke upay
- holika dahan ke dusre din ekakshi nariyal ko lal kapre men gehun ke asan par sthapit karen aur sindur ka tilak karen. ab munge ki mala se niche likhe mantra ka jap karen. 21 mala jap hone par is potli ko dukan men aise sthan par tang den, jahan grahkon ki najar is par parti rahe. isse vyapar men saflta milne ke yog ban sakte hain. mantra- un shrin shrin shrin param siddhi vyapar vriddhi namah.
- vyapar ki pareshani ko dur karne ke lie ap holika dahan ke bad ek jata vala nariyal mandir ya holika men charhaen.
- apne vyapar ki giravat ko rokne ke lie ap holi ke din pile kapre men kali haldi, 11 gomti chakra aur ek sikka chandi ka kale kapre men bandhakar, holi ki 11 bar parikrama karke 108 bar ‘un mahalakshmyai namah’ mantra ka jap karte hue holi ki agni men pravahit kar den isse apke vyapar men vriddhi hone lagegi.
- holi ke din gulal ke ek khule paiket men ek moti shankh aur chandi ka ek sikka rakhakar use nae lal kapre men lal mauli se bandhakar tijori men rakhen, vyavsay men labh hoga.
- holi ki rat ko ‘un mahalakshmyai namah’ mantra ka gyarah hajar bar jap karne se vyapar men labh hota hai.
- vyapar men pareshani a rahi hai to holika dahan ke bad ek nariyal mandir men charhaen ya us nariyal ko holika dahan vale sthan par bhi charha sakte hain. nakaratmakata ke nash ke upay - jab holi jal jae, tab holika ki thori-si agni le aen. fir apne ghar ke agney kon (purva dakshin) men us agni ko tanbe ya mitti ke patra men rakhen aur nikat sarson ke tel ka dipak jala den. is upay se ghar ki sari nakaratmak urja jalakar samapt ho jaegi.
- ap holi ke din ek kale rang ka kapra len aur usmen kali haldi ko bandh den. iske bad is kapde ko apne sir ke upar se sat bar var len aur is kapde ko sham ke samay holika dahan men dal den. ghar ka parivesh sakaratmak ho jaega aur sabhi pareshaniyon se mukti mil jayegi.
- parivar ka svasthya sukh banae rakhne ke lie ap holika dahan ke din parivar ke sabhi sadasyon ke pair ke anguthe se lekar hath ko sir se upar pura uncha karke kachcha sut nap kar holi men dalen. holi ki vibhuti yani bhasm (rakh) ghar jarur layen. purush is bhasm ko mastak par aur mahila apne gale men lagaen isse svasthya sukh bana rahega.
shighra vivah ke upay
- holi ke din subah ek sabut pan par sabut supari evan haldi ki ganth shivling par charhaen tatha piche palte bagair apne ghar a jaen. yahi prayog agle din bhi karen. jaldi hi apke vivah ke yog ban sakte hain.
vaivahik sukh prapti ke upay
- ghar ke bich men ek chaikor tukra saf kar ke usmen asan laga kar kamdev ka pujan karen. isse vaivahik jivan sukhamay rahega.
- holi ke din 5-5 ratti ke 5 motiyon ka breslet pahnen. iske atirikt har purnima ko chandi ke patra men kachcha dudh dalakar chandrama ko aghrya den, pati-patni ke apsi sanbandhon men madhurta ayegi.
- jis din holika ka dahan kiya jata hai us din ap holika dahan men ata aur jau charhaen. is upay se ghar ke klesh mit jate hain.
grahon ki shanti ke lie upay
- holi ki rat uttar disha men bajot (patie) par safed kapra bichakar usapar mung, chane ki dal, chaval, gehun, masur, kale urad evan til ki dheri banaen. ab us par navagrah yantra sthapit karen. us par kesar ka tilak karen, ghi ka dipak lagaen evan niche likhe mantra ka jap karen. jap sfatik ki mala se karen. jap pura hone par yantra ko puja sthan par sthapit karen, grah anukul hone lagenge. brahma murari stripurantakari bhanu shashi bhumi-suto budhashch. gurushch shukra shani rahu ketvah sarve graha shanti kara bhavantu..
anya upay
- yadi mehanat ke bad bhi bachchon ke kam ank a rahen hon to ap apne bachche ke hathon se pan, nariyal aur supari ko holika dahan vali jagah par dan kar den. is upay se jarur labh milega.
- vastu dosh se mukti pane ke lie holika dahan ke agle din sarvapratham uthakar snan kar svachch hokar apne ishtadev ko gulal arpit karen aur apne isht dev ka nivas sthan ishan kon men rakh kar pujan karen. yah upay karne se grah dosh, vastu dosh samapt ho jata hai aur ghar men shanti, sukh-suvidha dhaneshvari ki varsha hoti hai.
aise bachen totkon se
- holika dahan vale din safed khadya padarthon ke sevan se bachna chahiye. utar aur totke ka prayog sir par jaldi hota hai, islie sir ko topi adi se dhanke rahen.