mesh rashi- rang vali holi ke brahm muhurt men jahan holi jali thi vahan ki sat chutki rakh, sat tanbe ke ched vale sikke len aur inhen lal kapre men bandhakar apne vyaparik pratishthan ke mukhya dvar par tang den ya is samagri ko apni tijori men rakh den.
isse apke dhan sanbandhi kashton ka nivaran hoga. vrish rashi- dhulanaidi ke din pratahkal men safed kapre men 11 chutki holika dahan ki rakh aur ek chandi ka sikka bandhakar, is samagri ko apni tijori men rakh den. ap dekhenge ki apke vyapar ki sari samasyaon ka nivaran hoga.
mithun rashi - holika dahan ke agle din, suryoday ke samay hare kapre men 3 chutki holika dahan ki rakh, 3 hare hakik ke patthar bandhakar apne vyaparik kendra ke mukhya dvar par bandh den ya is samagri ko apni tijori men rakh den. shighra hi apki karobari samasyaon ka nivaran hoga.
kark rashi - rang vali holi ke pratahkal men safed kapre (reshmi) men holika dahan ki 7 chutki rakh, 7 gomti chakra bandhakar apni dukan, apne vyapar sthal ya ghar ke mukhya dvar par latka den athva apni tijori men rakh den. yah totka karne par mahalakshmi ki ap par kripa avashya hogi.
sinh rashi- holi pujan ke agle din subah ke samay sunhre kapre men 5 chutki holika dahan ki rakh, tanbe ke patra par khuda hua surya yantra aur panch tanbe ke purane sikke bandhakar jahan dhan rakhte hain, vahan rakh ene par apki sabhi vyavsayik pratikultaon ka shaman hoga. ek bat ka dhyan avashya rakhen, surya yantra ki dhup, dip aur ful se avashya puja karen.
kanya rashi - vasantotsav (dhulaindi) ki pratahkal men hare kapre men 11 chutki holika dahan ki rakh, 11 (fita) hara dhaga, ched vale tanbe ke sat sikke bandh kar apni dukan ya vyaparik pratishthan ke mukhya dvar par tang den athva apni tijori men rakh len. yah totka karne ke bad chamatkarik rup se apke karobar men vriddhi hogi.
tula rashi - krim rang ke kapre men 7 chutki holika dahan ki rakh aur 7 pili kauriyan bandhakar apni tijori men rakh den. isse ay aur vyapar men labh hoga.
vrishchik rashi-lal kapre men 17 chutki holika dahan ki rakh, 1 lal munga bandhakar apni tijori men rakh den. karobar sambandhit sari samasya ka nivaran hoga.
dhanu rashi -pile kapre men 9 chutki holika dahan ki rakh evan 11 pili kauriyan bandhakar apni tijori men rakh len. is upay se apko vyaparik kashton se chutkara mil jaega.
makar rashi-nile kapre men 11 chutki rakh, 11 choti lohe ki kil bandhakar ghar ya vyaparik sanstha ke mukhya dvar par latka den. is totke ke prabhav se apko jivan ke har kshetra men uttam saflta prapt hogi.
kumbh rashi -kale kapre men 11 chutki holika dahan ki rakh, 7 kajal ki dibbi bandhakar karobari pratishthan ke mukhya dvar par latka den. upay se apko vyaparik kshetra men manovanchit saflta milegi.
min rashi -pile kapre men 7 chutki holika dahan ki rakh, tanbe ke 7 sikke aur 11 pili kauri bandhakar ghar, dukan, vyaparik pratishthan ke mukhya dvar par latka den. apko sari vyavsayik piraon se chutkara milega.