shabar mantron ka prayog saral v karagar hota hai. shabar mantron ka prabhav turant faldayak hota hai. inhen siddh karne men praranbh men kuch kathinai hoti hai tatha holi jaise vishesh muhurt ki avashyakta hoti hai parantu inke prabhav ki tulna men yah mehanat adhik nahin hoti. shabar mantron ki khasiyat yah hai ki inhen vidvan hi nahin apitu anaparh ya kam parhe likhe bhi asani se siddh kar sakte hain. ganvon, kasbon men kam parhe-likhe v anaparh ojhaon, tantrikon ko shabar mantron se logon ka upchar karte hue dekha ja sakta hai. yahan tak ki kai ganvon men am admi ko koi ek shabar mantra siddh kar, usse logon ka upchar karte hue dekha gaya hai aur in logon ki prasiddhi dur-dur ke ganvon men hui. atah yah kahna anuchit nahin hoga ki kaliyug men shabar mantron ka prayog jyada safltadayak mana jata hai. shabar mantron ki sadhna kisi bhi jati, varn, ayu ke stri, purushon dvara ki ja sakti hai. inhen siddh karne ke lie kisi prakar ka bandhan nahin hai. atah is holi par inhen siddh kar ap bhi inka labh utha sakte hain aur apne vyapar, kam-dhandhe men apratyashit vriddhi kar sakte hain. siddh karne se purva yah bhi dhyan rakhen ki apni siddhi par apko purn vishvas hona chahie, tabhi jakar mantra sada ke lie apka paltu ban sakega.
prayog 1: yah prayog karne se vyapar tivrata se barhega, dukan ki achanak se bikri barhegi, dhan ki barakat ke naye raste khulenge. vidhi: holi ke shubh divas par matra 21 mala nimnalikhit mantra ko japne se yah siddh ho jata hai. fir kisi bhi ravivar ko apni dukan ya vyapar sthal par jayen (yadi kam dhandha nahin hai to apne ghar par hi karen). fir ek hath men thore se kale urad le len, fir 21 bar nimn mantra parhakar, kale urad par funk marakar dukan ya vyapar sthal ke charon or bikher den. fir agle din somvar ko un kale urdon ko sametakar kisi chairahe par bina kisi se bole, toke, dal aen. fir svayan pragti ka anubhav karen. mantra: bhanvar vir ! tu chela mera. khol dukan kaha kar mera. uthe jo dandi, bike jo mal bhanvar ki sau nahin jae.
prayog 2: is mantra ki siddhi vyapar men ashcharyajanak rup se vriddhi karti hai. holi ke din mantra ka 21 mala jap apne vyapar sthal ya ghar par karen. mantra jap ke bad gay ke ghi, durva aur pushp se 108 ahutiyan den. bas fir vyapar ki pragti ka anand len. mantra: kuber tvan dhanashish, grihe te kamla sthita, ta devi prashmanshu tvan pad grihe te namo namah.
prayog 3. panchopchar pujan ke bad holi ke din 21 mala jap karen. jap uttarabhimukh hokar karen to behatar hoga. iske bad mantra ko nitya ek bar yad karen ya ek mala jap karen. jap kamalagatte ki mala se karen to behatar hoga. aisa karne ke bad ap apne vyapar men ashcharyajanak vriddhi ka samavesh paenge. lakshmi ki ap par vishesh kripa rahegi. mantra: un hrin klin kraun om ghantakarn mahavir ! lakshmin puram puram sukh saubhagyan kuru kuru svaha.
prayog 4: nimnalikhit mantra ka holi ke din 21 mala jap karke is mantra ko siddh kar len, fir pratidin karyasthal, vyapar sthal, dukan par, ya daftar par 21 bar mantra ka jap karen aur vyapar ki barhottari ka anubhav karen. mantra: ae devi dakshini ! tin varn ki lakshmi. ge lakshmi brahma ke matra. riddh siddh hamare hath. av lakshmi kar jap, janm janm ke har pap. ann purane annapurn, ghrit purave mahesh. nileshvar ke neunta dinha. das pave panch driya hoy jay. dohai siddh purush kaha, lakshmi kaha.
prayog 5: aj ke arth pradhan samay men har vyakti arthik rup se behad sanpannata pana chahta hai. nimnalikhit mantra arthik rup se bhi sudrirh karta hai, vyapar sudrirh karta hai, nirantar vyapar pragti ki or agrasar rahta hai. pratah kal holi ke din snan ke bad nimnalikhit mantra ko 4’’g 4’’ ke kagaj par banaen ya bhojapatra par banaen. banane ke bad is yantra ko surya darshan karaen aur man hi man ‘‘un ghriniah suryay namah mantra, ‘ ka jap karte rahen. fir puja sthan men baithakar yantra ko apne sammukh patte par sthapit karke ‘‘un lakshmi naraynay namah’’ mantra ka 108 bar jap karen, pratyek mantra ke sath yantra par haldi, kunkum laga apni pasand ka pushp charhaen. yantra ki dipak v agarabatti se arti karen. iske bad uprokt yantra ke pratyek khane men bari-bari se anamika anguli rakhakar nimnalikhit nau nathon ka uchchakaran karen:
1) un chaitanya machindra nathay namah.
2) un chaitanya gorakshu nathay namah.
3) un chaitanya adavarg nathay namah.
4) un chaitanya devan nathay namah.
5) un chaitanya kanif nathay namah.
6) un chaitanya min nathay namah.
7) un chaitanya bhatrihri nathay namah.
8) un chaitanya jalandhar nathay namah.
9) un chaitanya gahini nathay namah. ab yah karne ke bad yantra ko freming karvakar vyapar sthal, dukan adi men latka den. dhandhe v vyavsay ki sabhi dikkaten samapt ho, lakshmi ka nirantar agaman hoga.