dipavli par kiye jane vale vishesh upay v mantra dati rajeshvar maharaj lakshmi ki kripa ho tab hi vyakti jivan ke bhautik sukhon ki prapti kar sakta hai, unhen bhog sakta hai. lakshmi ki kripa ho to jatak ka har duahkh dur ho jata hai. mata lakshmi ko prasann karne ke lie bhala dipavli se achcha aur uttam avasar kya ho sakta hai.
atah dipavli ke shubh avasar par v dipavli ki ratri men pratyek vyakti ko lakshmi ko prasann karne ka bharasak prayas karna chahie. purn shraddha se unki aradhna karni chahie. dipavli ki ratri men takriban derh se do baje tak ke samay ko mahanisha kahte hain, is samay ki sadhna ka vishesh mahatva hai, isi samay men lakshmi ki aradhna karne se akshay dhan-dhanya ki prapti hoti hai. atah yah samay lakshmi prapti ki drishti se ati uttam hai.
book laxmi puja online
lakshmi prapti ka mantra :
1. un hrin shrin klin mahalakshmi mamgrihe agachch agachch hrin namah. is mantra ko dipavli ki ratri men kunkum ya ashtagandh se thali par likhen, vyapari log bahi khate men likhen tatha usi ratri ko 12000 mantra ka jap karen, fir nitya ek mala ka jap karne se jatak ko pure varsh dhan-daulat v riddhi-siddhi ki prapti hoti hai.
2. dipavli ki ratri men naha-dhokar pavitra hokar svachch vastra dharan karen, fir apne puja sthan men jakar safed rang ke asan par baithakar, lakri ki choti chaiki par lal vastra bichakar gyarah kamal ke pushp ya gulab ke pushp man lakshmi ke age rakhen, inke sath dhatu ya sfatik ke shri yantra ko rakhen, panchamrit evan gangajal se snan karayen fir kesar ka tilak lagaen tatha dhup-dip evan sugandhit agarabatti jalakar man lakshmi ka nimn mantra se pujan karen. un shrin hrin shrin kamle kamlalye prasid prasid shri hrin shrin un mahalakshmyai namah .. 11 mala, fir ek chammach khir v kamalagatte ki ahuti den. iske pashchat pratidin ek mala ka jap karen. is prayog ko karne se mahine bhar ke pashchat hi ap par mata lakshmi ki kripa hone lagti hai.
3. lakshmi ke sthayi nivas hetu dipavli ki ratri men lakshmi pujan ke bad chandi ki ek choti si dhakkan vali dibiya len ya anya dhatu ki bhi le sakte hain, ismen upar tak nagkeshar tatha shahad bharakar band karke ratri men hi apne galle ya tijori men rakh den, fir agli dipavli tak rakhe rahne den. pratyek dipavli ko is dibiya ko badal len aur purani vali ko jal men pravahit kar den, is prayog se apke galle, tijori men kabhi koi kami nahin rahegi, lakshmi sthayi rup se apke yahan vas karanegi.
4. vyapar vriddhi ka amogh mantra shri shukle mahashukle, kamaladal nivase shri mahalakshmi namo namah. lakshmi mai, satya ki savai, age mai karo bhalai, n karo to sat samudra ki duhai, riddhi-siddhi khavogi to nau nath chairasi ki duhai. dipavli ki ratri men ekant sthan men snan kar shuddh asan par baithakar, man lakshmi ki pratima, dhup-dip, pushp charhakar, 10,000 mantra japen. fir nitya dukan, faiktri men subah sham 21-21 bar japen to nishchit rup se vyapar barhega v roji khulegi.
book shani shanti puja for diwali
5. dhan-dhanya v yashavarddhak mantra mansah kammakutin vachah satyamshi mahin. pashunan rupmantrasya mayi shri shraytan yashah.. dipavli ki ratri men 11000 mantra jap kar siddh kar len, fir nitya ek mala ka jap karne se jatak ke dhan-dhanya v yash men vriddhi hoti hai.
6. kaise karen lakshmi pujan dipavli ki ratri men snan karke shuddh v saf vastra pahanakar, achaman aur pranayam karke daen hath men jal lekar, kunkum, akshat tatha pushp lekar sankalp karen, aj param mangal ko dene vale kartik mas ki amavasya ko main (apna nam bolen), gotra bolane, chir lakshmi ki prapti ke lie niti purvak arthoparjan karte hue sabhi kashton ko dur karne, apni abhilasha ki purti ke lie, arogya tatha ayushya ki vriddhi ke sath rajya, vyapar, udyog adi men labh mile islie ganpti, navagrah, mahakali tatha mahasarasvati ka shraddha bhav se pujan karta hun.
iske bad hath men li hui samagri dharti par chor den. tilak lagayen tatha kalava bandhen, ganpti bhagvan ka pujan karen, unhen snan karvakar janeu, vastra, kalava kunkum, kesar, akshat, gulab, abir adi charhakar gur tatha laddu ka naivedya arpit karen, fir ganpti ka dhyan karen. un ganptye namah ek dantay vidyamhe vakratunday dhimhi tanno danti prachodyat. fir navagrah ka dhyan karen - brahmamurari tripurantakari bhanu shashi bhumi suto. vudhashch gurushch shukra shani rahu ketvah sarva grahaah shanti kara bhavantu.
mahalakshmi pujan ke lie lakshmi ganesh vale chandi ke sikke ko thali men rakhen, ahvan ke lie akshat arpan karen, jal se tin bar aghrya den, snan karayen, fir dudh, dahi, ghi, shakkar tatha shahad se snan karakar punah shuddh jal se snan karayen.
kalava, kesar, kunkum akshat, pushp mala, gulal, abir, mehandi, haldi, kamalagatte, kamal pushp, fal, mishtann arpan karke 108 bar ek ek nam bolakar akshat charhayen. un animera namah un mahimre namah. un garimre namah . un laghimera namah . un prakamye namah . un ishitaro namah. un vashitaro namah. iske bad mishtann prasad svarup vitaran karke pan, supari ilaychi, fal charhayen aur prarthana karen-
namastestu mahamaye shripithe sur pujite.
shankh, chakra, gada haste mahalakshmi namostute..
apne ghar, karya sthal, dukan adi ke kalam, hathiyar, bahikhate, dayri adi nitya prayah prayog hone vale anya sadhnon men kalava bandhen tatha un par pushp, akshat tatha kunkum arpan karke bolane - un mahakalikaye namah. ant men arti, pushpanjli arpit karke, apne parijnon ko pranam karen, unka ashirvad len, chandi ke is sikke ko lal kapre men lapetakar apne puja sthan athva tijori men rakh den. ap sabko dipavli ki hardik shubhkamnae.n
jivan men jarurat hai jyotishiya margadarshan ki? abhi bat karen fyuchar point jyotishiyon se!