dhan lakshmi prapti ke totkon men dhan lakshmi prapti mantron ka mahatva sarvadhik hai. islie is lekh men diye gaye dhan lakshmi prapti ke totkon men mantra v iske jap ki vidhi ko samjhaya gaya hai.
akasmik dhan prapti prayog:
ap yadi akasmik dhan prapt karna chahte hain to yah upay ap budhvar ko praranbh kar sakte hain. budhvar ki ratri uttarabhimukh hokar, pile vastra dharan kar aur pile asan par baithakar lakshmi ji ka chitra apne sammukh rakhen. fir siyar singi ko kisi tanbe ke patra men rakhen tatha kesar ka tilak karen aur til/ deshi ghi ka dipak prajjvalit kar dikhaen, dhup dikhaen shvet ful mala arpit karen tatha safed khoe ke laddu ya barfi ka bhog lagaen. taduprant sfatik ki mala se nimn mantra ka jap 21 mala karen.
mantra - un hrin hrin hrin svarnavti mam grihe agachch agachch hrin hrin hrin un namah.
yah prayog tin dinon tak karen. ab us siyarsingi ko ek dibbi men band kar puja-grih/kaish-baks ya tijori men rakh len.
vyapar vriddhi ke lie:
yadi ap vyapari hain athva vyapar praranbh karna chahte hain, to apko apne vyapar men vriddhi tatha sthai ay v labh ke lie yah prayog avashya karna chahie. iska prayog ap vyapar men ane vali samast badhaon ko dur karne aur vyapar vriddhi ke shrot barhane hetu avashya prayog karen. yah tis dinon ka prayog hai tatha ise shukla paksh ke budhvar ko praranbh kar sakte hain.
dainik kriya se nivrit hokar pratahkal suryoday se purva pile vastra dharan kar v pile asan par baithakar kankavti yantra ko chandi ke patra men rakhakar kesar ka tilak karen, dhup-dip samne rakhen, safed ful tatha safed mithai arpit karen tatha sfatik ki abhimantrit mala dvara nimn mantra ka jap gyarah mala karen. yah ek ati shaktishali mantra hai.
un draridrya vinashini ashtalakshmi kankavti siddhi dehi dehi namah.
yah jap kam se kam tis dinon tak karen, tatpashchat yantra ko apne vyapar sthal men sthapit kar den tatha pratidin dhup-dip-ful-mala charhakar ek mala jap avashya karen. vyapar men vriddhi hogi tatha chamatkari labh hoga tatha nirantar unnati hoti rahegi.
akhand lakshmi prapti prayog:
yah prayog sadhna matra tin din ki hai, is sadhna se apko apne jivan ke sabhi prakar ke bhautik sukh prapt honge. apki sabhi kamnaon jaise achcha svasthya, patni-sukh, dhan-sampatti, svayan ka makan, santan-sukh, bhagyoday, vyapar vriddhi, naukri men unnati adi ki purti hogi.
shuklapaksh ke kisi bhi budhvar ko yah sadhna praranbh ki ja sakti hai. akhand lakshmi-yantra ko sthapit kar sarvapratham yadi sanbhav ho to ganga jal ya pavitra jal se snan karen aur fir kesar tilak lagaen, safed ful-mala arpit kar shuddh deshi ghi ka dipak tatha dhup dikhaen tatha khoe ki mithai (safed) ka bhog lagaen. taduprant sfatik ki mala se nimn mantra ka jap gyarah mala karen.
un hrin asht lakshmyai namah.
tin dinon ki sadhna ke pashchat yantra ko puja-sthal athva apni tijori men rakhen. apko ashcharyajanak saflta prapt hogi tatha lakshmi ji akhandit rup se apke yahan nivas karengi.
dhan lakshmi prapti ke uprokt totke apke lie kalyankari hon.