kaun banega amerika ka rashtrapti? acharya umadhar bahuguna amerika ke navanbar 2012 ke asann rashtrapti chunav men barak obama evan mit raumni ke bich kante ki takkar hai. sanpurn vishva taktki lagae baitha hai is chunav par aur vishleshak bhi apne sarvekshan se kisi spasht natije par pahunchne men nakamyab rahe hain. aie dekhen jyotishiya drishtikon se ki kiski kundli men kitna hai dam aur kaun ban sakta hai amerika ka rashtrapti? merika ke rashtrapti manniya shri barak husain obama ka karyakal janvri 2013 men samapt ho jaega. jaise-jaise 06 navanbar ka din samip a raha hai, vaise-vaise n keval sanyukt rajya amerika men varan sanpurn vishva ke logon ki jigyasa barhti ja rahi hai ki kya barak obama fir dubara amerika ke rashtrapti ban jayenge ya mit raumni amerika ke saÿaavan (57) ven rashtrapti honge? vartaman men ek dhruviya vishva rajniti men yah pad atyant mahatvapurn ho gaya hai, is pad par asin vyakti n keval sanyukt rajya amerika ka bhagya vidhata ya niyanta hota hai, balki vah vishva shanti, sadbhavna, vaishvik star par rashtron ke samuhik muddon, nyay, parasparik vivadon ko (vito) adhikarpurn tarikon se prabhavit karne ki kshamata rakhta hai. islie is chunav par vishva ke rashtradhyakshon ki bhi najar hai. kya samay se pahle bhi iski sahi jankari jyotishiya grah nakshatron dvara di ja sakti hai, aie dekhen- mit raumni ka janm 12 march 1947 ko d.ts thavtvnlabh d.aiai.bbh. naimjjaie nai. men vrish lagn men hua tha. lagnesh shukra bhagya sthan men sthit hone se dhanvan, putravan, sammanit sabhi bhautik sukhon se paripurn karte hain, vyakti apne jivan men apni mehanat se man-samman, apar dhan-sampati arjit karta hai. dhanesh panchmesh budh rajya men yogkari ban gaya hai isi yog ke karan mit raumni ne khub dhan, man-samman kamaya. aise vyakti hamesha bare parivar vale hote hanai. kark rashi ka shani bhagya sthan ko purn drishti se dekh raha hai jo inhen bahut hi bhagyashali bana raha hai, isi ne unhen apni mehanat, lagn tatha drirhta se pahle karorpti fir arbpti banaya. is shani ne hi inhen kushal vyavasthapak evan yojnakar bhi banaya, islie ye vyavasthit udyogpti bane. chaturthesh surya rajyabhav men dvitiyesh panchmesh budh, mangal ke sath ek parashri yog bana raha hai jisne inhen bara udyogpti banaya tatha mainejmaint ki barik se barik jankariyan din, lagnesh shashthesh shukra ne bhagyasthan men dhan-sampaÿia nam, samman evan yash diya. saptamesh vyayesh mangal dasham men achcha hai lekin yah vyayesh hone se tatha shukra shashthesh hone se, brihaspati labhesh hone se inhin grahon ke karan manniya shri mit raumni amerika jaise shakti sanpann rashtra ke rashtrapti nahin ban sakte hain. ye grah yog inhen jan samarthan nahin milne denge. chandrama, vrishchik rashi men janta ka sahyog evan achchi chavi nahin banne dega, brihaspati bhi achcha nahin hai jis vajah se ve amerika jaise shaktishali rashtra ka rashtrapti nahin ban sakenge. lagnesh shukra bhagya bhav men apar dhan-sampati, lokapriyata deta hai. shani ke ghar men ravi kamjor hai aur is samay vinshoÿari dasha men san 2014 tak surya ki dasha men budh ke antar men 08 disanbar 2012 tak brihaspati ka pratyantar rahega jo inhen jitne nahin dega, arthat barak obama hi jitenge. manniya barak obama ji ka lagnesh shukra bhagya sthan men sthit hone se vyakti naitikvan, sanskari prasiddh evan lokapriya hota hai. lagnesh shukra ke ek or chandrama tatha dusri or budh, surya sthit hain. chandrama se dvitiya shukra sthit hai, yah grah yog inhen vishva vikhyat lokapriya vyakti banata hai. inka dvitiyesh saptamesh mangal labh bhav men rahu ke sath sthit hai jo inhen samy-samay par labh ya saflta dilata rahta hai. parakramesh shashthesh brihaspati apni nich rashi men sthit hai, jo ki viprit rajyog karak ban gaya hai, brihaspati shani ke sath nich bhang rajyog bhi chaturth sthan men bana raha hai. yahan par do rajyogon ka ek sath srijan ho gaya hai jo barak obama ko dusri bar amerika ka rashtrapti banayenge. chandrama rajyesh hokar ashtam men achcha nahin hai, yah lokapriyata men kami lata hai, bhagyesh budh labhesh surya ke sath parashri rajyogon men viprit rajyog evan nich bhang rajyogon ka ek sath nirman kar rahe hain, inhin rajyogon ke karan hi ve pahle ek achche vakta, adhivakta, kanun ke gyata, adhyapak, lekhak, sanpadak ke rup men prasiddhi pa chuke hanai aur ab ek bar fir amerika jaise rashtra ke rashtrapti banenge. atah obama hi amerika ke saÿaavan (57) ven rashtrapti honge.
Kya aapko lekh pasand aaya?
Subscribe