enjal tairo-enjal chikitsa evan tairo ka adbhut sangam ravindar sinh lagabhag 300 varshon se tairo bhavishya janne evan jivan ke rahasyon ko prakat karne ka saksham sadhan raha hai. shuruat se tairo keval visheshagyaon evan is kala men parangat vishisht vyaktiyon tak simit raha hai. jahan tairo ki bhavishyavani karne ke lie upyuktata aur satikta par koi sandeh nahin hai vahin par tairo par bane kuch chitron ka hamare man par bhay paida karna bhi svabhavik hai. jab se enjal chikitsa prachalan men ai hai, uske sath hi enjal kard dek bhi prachlit hui hai. enjal evan tairo dek men ek mukhya antar yah hai ki enjal kard dek par samanyatah enjal, pariyon, devi-devtaon ityadi ke chitra hote hain aur tairo dek par manav evan manav jivan se sanbandhit chitra hote hain. ismen manav dvara nirmit hathiyaron jaise talvar ityadi ke chitra bhi hote hain. enjal kard par kai sandesh bhi hote hain jo us kard ke mukhya sandesh par prakash dalte hain. dorin varch enjal chikitsa kshetra men ek jana mana nam hai jinhonne raidli vailantain namak tairo visheshagya ke sath milakar enjal tairo ki rachna ki hai jo tairo evan enjal chikitsa ka ek adbhut sangam hai. tairo ne anginat logon ke jivan ko prabhavit kiya hai evan unhen shanti, santvana evan shakti pradan ki hai. tairo ke sath kam karna ek gyani vyakti se salah lene ke saman hai jo apki shaktiyon evan kamiyon ko saman drishti se dekhta hai aur bhavishya ke bare men sabhi jankari deta hai. enjal tairo kard dek ne tairo ke sabhi mahatvapurn pahluon ko yathavat banaye rakha hai aur keval sakaratmak, saumya, shant evan shitlta pradan karne vale shabdon evan chitron ka prayog kiya hai. is nivan dek men manushya ki bhavnaon ki samuchi shrinkhla ko banaye rakha hai parantu paranprik tairo ke bhaypurn chitron evan shabdon ka sakaratmak rupantar kiya hai taki ve bhaybhit karne ke sthan par prerit evan alokit karen. naye enjal tairo ke chitra evan sandesh paranprik tairo prayog karne valon ke lie aprichit avashya honge parantu sabhi kardon ke sandesh satik, sakaratmak evan prerna srot hain. is dek men paranprik dek ke mul arthon ko banaye rakhte hue unhane saral banane ka bhi prayatn kiya gaya hai. enjal kard dek ki visheshtaen: enjal kard dek men paranprik tairo dek ki bhanti 78 kard hain. mukhya arkana men 22 kard hain jinhen 15 arkenjal dvara pradarshit kiya gaya hai. yah arkenjal is kard ki visheshta se mel khate hain. mukhya arkana ke kardon ki suchi nimnalikhit hai- 1. drimar (spapnadrashta)-arkenjal maitatran 2. maijishiyan (jadugr)-arkenjal rejiyal 3. hai pristes (maha pujarin)-arkenjal hainiyal 4. enpres (samragyai)-arkenjal grebriyal 5. enprar (samrat)-arkenjal maikal 6. yuniti (ekta)-arkenjal sandalafan 7. lavars (premi jora)-arkenjal rafiyal 8. chairiyat (rath)-arkenjal maitatran 9. jastis (nyay)-arkenjal ragual 10. harmit (vairagi)-arkenjal reziyal 11. vhil (chakra)-arkenjal maikal 12. strenth (shakti)-arkenjal ariyal 13. avekning (jagriti)-arkenjal gebriyal 14. rilij (nirgamana)-arkenjal azrayil 15. bailens (santuln)-arkenjal zaidkiyal 16. igo (aham)-arkenjal jofiyal 17. laif eksapiriyans (jivan anubhv)-arkenjal shemual 18. star (tara)-arkenjal jofiyal 19. mun (chandra)-arkenjal hainiyal 20. san (surya)-arkenjal yuriyal 21. rinyual (navinikrn)-arkenjal jairimiyal 22. valrd (sansar)-arkenjal maikal enjal kard dek ke srijanakartaon ke anusar mul tairo dek men jastis (nyay) athvan kard tha evan strenth (shakti) gyarhvan kard tha parantu redar vet dek men is kram ko badal diya gaya. is badlav ke karan gyat nahin hain aur isne mukhya arkana ki jivan dhara ke kram ko bhang kar diya. enjal kard dek ne is mul kram ko punasrthapit kiya hai. ap yah bhi payenge ki devil (shaitan) kard ko badalakar igo (aham) kar diya gaya hai aur tavar (minar) kard ko badalakar laif eksapiriyans (jivan anubhv) kar diya gaya hai. laghu arkana: laghu arkana men char rang hote hain jo char tatvon kea darshate hain. enjal tairo men nimnalikhit vastuon dvara char tatvon ko darshaya gaya hai. prithvi - pariyan vayu - yunikarn (pauranik jantu jo ghore jaisa hota hai aur uske sir par ek sing hota hai). jal - matsya kanya agni - draigan (sarp daitya) enjal tairo dek men har tatva ke kard ko bhinn rang men darshaya gaya hai. is dek ke kardon ke rang is prakar hain. prithvi - hara vayu - raeyal blu (gahra nila) jal - nila agni - bargandi (gahra jamuni) mukhya arkana - raeyal parpal (jamuni) enjal kard dek ka upyog kaise karen? dorin varch ke anusar ap mukhya arkana evan laghu arkana ko do alag dek ke rup men upyog kar sakte hain. ap mukhya arkana ke kardon ko kisi bhi enjal kard dek ke sath milakar bhi prayog men la sakte hain. enjal kard dek ke srijanakartaon ke dvara seltik kraes vidhi ke upyog ki salah di gai hai. seltik kraes vidhi men 10 kard nikale jate hain jaisa upar dikhaya gaya hai. karda-1 apki paristhiti ko darshata hai. karda-2 apki paristhiti ko prabhavit karne vali chunauti ko darshata hai. karda-3 apki samasya ke adhar ko darshata hai. karda-4 apka bhut jo apki paristhiti se sanbandhit hai. karda-5 apke vartaman ko darshata hai. karda-6 apke nikat bhavishya ko darshata hai. karda-7 paristhiti men apki shakti ko dikhata hai. karda-8 apke aspas ke vyaktiyon ke apke upar parne vale prabhav ko darshata hai. karda-9 apki ashaen evan bhay ko pradarshit karta hai. kadar- 10 apak e parinam ka e dashart a h.ai enjal kard dek ko prapt karne ke lie evan uske bare men adhik jankari prapt karne ke lie ap nimnalikhit pate par sanpark kar sakte hain.
Kya aapko lekh pasand aaya?
Subscribe