is lekh men vibhinn prakar ke dhan lakshmi yantra, dhan lakshmi prapti ke totke, lakshmi prapti mantra, lakshmi prapti sadhna muhurt adi ki charcha ki gai hai. lakshmi prapti ke upayon ko karagar banane ke lie vidvatganon ne muhurt ke mahatva ko ekamat se svikar kiya hai. dipavli ke shubh avasar ko lakshmi ke prakatya ka din mana jata hai. islie lakshmi prapti ke samast upay v totke is din siddh hote hain. is lekh men lakshmi prapti ke upayon ka vrihat sankalan hai jismen kul 51 upay diye gaye hain. lakshmi prapti ke uddeshya se kiye jane vale inmen se adhikatar upay dipavli ke shubh avasar par hi kiye ja sakte hain.
aj ke arthapradhan yug men vyakti ko athak parishram karne ke bad bhi dhan ka abhav bana rahta hai. har vyakti ki chahat hoti hai ki uske jivan men sukh-samriddhi evan aishvarya sada bana rahe aur lakshmi ki uske pas koi kami n ho. islie dipavli par yadi lakshmi-ganesh puja ke sath in saral upayon ko ajmaen, to nishchit hi lakshmi ki uske pas koi kami nahin rahegi.
niche 51 upay varnit hain. inmen se koi bhi do-tin upay kar lene se abhisht labh ki prapti ho sakti haiah
- dhanteras ke din haldi aur chaval pisakar uske ghol se ghar ke mukhya dvar par ‘un’ banane se dhan ayega.
- narak chaturdashi ya choti dipavali ko pratahkal hathi ko ganna ya mitha khilane se adhik taklifon se mukti milti hai.
- dipavli ke din kisi bhikhari ya garib ko nau kilo gehun ka dan karen aur agle din mukhya dvar ko rangoli se sajaen.
- dipavli pujan ke bad shankh aur damru bajane se daridrata jati hai aur lakshmi ati hai.
- lakshmi pujan karte samay hakik ki bhi puja kar use dharan karne se dhan ki vriddhi hoti hai. riddhi-siddhi ke svami ganesh aur dhan ki devi lakshmi hain. in donon ka sanyukt yantra mahayantra kahlata hai. is din is yantra ki sthapna se ghar men dhan-sampatti ki kami nahin rahti hai.
book laxmi puja online
- dipavli par ‘shri yantra’, kankdhara ‘yantra’ aur ‘kuber yantra’ ki vidhivat sthapna karne se lakshmi ki prapti hoti hai.
- dipavli ki subah ko ganne ki jar ko lakar ratri ko lakshmi pujan men iski bhi puja karne se dhan men labh milta hai.
- lakshmi puja men 11 kauriyan lakshmi par charhaen. agle din kauriyon ko lal rumal ya lal kapre men bandhakar tijori men rakhen, dhan men vriddhi hoti hai.
- dipavli ke din pati-patni subah vishnu mandir men ek sath jaen aur vahan lakshmi ko vastra charhaen, dhan ki kami nahin rahegi.
- lakshmi pujan ke samay lakshmi ko kamal arpit karen aur kamal gatte ki mala se jap karen, lakshmi adhik prasann hoti hai.
- dipavli ke din ashok ke vriksh ki jar ka pujan karne se dhan-sampatti men vriddhi hoti hai.
- dipavli ke din man lakshmi ko pue ka bhog lagakar use garibon men bantne se charha hua karja utar jata hai.
- dipavli ke din apamarg ki jar apni dain bhuja men bandhen, arthik samasyaen samapt hongi.
- dipavli ke din pani ka ghara lakar rasoi ghar men kapre se dhankakar rakhne se ghar men barakat aur khushhali rahegi.
- dipavli ke din imli ke per ki tahni katakar apni tijori ya dhan rakhne ke sthan men rakhen- dhan men vriddhi hogi.
- dipavli ke din sayankal ko baragad ki jata men ganth laga den, aisa karne se achanak dhan milta hai, dhan milne ke bad us ganth ko khol den.
- dipavli vale din kali haldi ko sindur aur dhup se puja ke bad se chandi ke do sikke ke sath lal kapre men lapetakar dhan ke sthan par rakhen to arthik samasyaen nahin rahengi.
- dipavli vale din dopahar ke samay pipal ke per ki chaya men khare hokar chini, dudh aur ghi milakar use us vriksh ki jar men dalen, abhutpurva arthik samriddhi hogi.
- yadi ap ka paisa kahin fans gaya hai to dipavli ke din pratahkal jal men lal mirch ke 21 bij dalakar surya ko arpit karen. ap ka fansa hua paisa nikal ayega.
book shani shanti puja for diwal
- dipavli ke agle din gay ke gobar ka dipak banakar usmen purane gur ki ek deli aur mitha tel dalen aur dipak jalakar ghar ke mukhya dvar ke bich men rakh den isse sukh samriddhi ghar men sada bani rahegi.
- dipavli ke din shyama tulsi ke irda-gird ugne vali ghas ko pile kapre men bandhakar apni tijori ya dhan rakhne ke sthan men rakhen arthik samriddhi hone lagegi.
- dipavli ke din sayankal pipal ke per ke niche sat dipak jalaen aur sat bar vriksh ki parikrama karen. isse sabhi arthik samasyaon ka ant ho jayega.
- dipavli ke din shmashan men sthit shiv mandir men jakar dudh aur shahad milakar abhishek karen. satte aur sheyar bajar se dhan milega.
- yadi apke jivan men koi arthik sankat ki sthiti chal rahi ho, to dipavli ke din ek mitti ke bartan men shahad bhar len tatha use dhankakar kisi sunsan sthan men garakar a jayen apka sankat tal jayega.
- dipavli ke din kali haldi ke nau dane lekar unhen reshmi dhage men pirokar uski mala bana len aur dhup dip dikhaen fir gale men dharan kar len. yadi kisi tantra badha ke karan arthik sthiti bigar gai hogi to thik ho jayegi.
- dipavli se purva manglvar ke din lal chandan, lal gulab ke pushp aur roli adi ko lal kapre men bandhakar dipavli ki ratri ko dhan ke sthan ya tijori men rakh den dhan men vriddhi hogi.
- dipavli ke din pratahkal uthakar tulsi ke patton ki mala banakar shri mahalakshmi ke charnon men arpit karen, aisa karne se dhan men vriddhi hogi.
- dipavli ke din kali mirch ke dane ‘klin’ bij mantra ke jap ke sath apne tatha parivar ke sadasyon ke sir par ghumakar dakshin disha men ghar se bahar fenk den, dhan ki vriddhi hogi aur shatru shant ho jayenge.
- dipavli ki ratri ko haldi ki 11 ganth len. inhen pile kapre men bandhen. fir lakshmi-ganesh ka sanyukt foto apne puja ke sthan par rakhen, ghi ka dipak jalaen. chandn-pushp adi charhaen iske pashchat nimn mantra ka jap 11 mala karen. mantra - ‘‘un vakratunday hun’’.. fir pile kapre men bandhi hui haldi ki ganthon ko nikalen aur shri-shri ka jap karen aur fir dhan ke sthan men rakh den. dhan ki kami nahin hogi.
- dipavli ki sham ek supari v taben ka ek sikka lekar kisi pipal ke per ke niche rakh den. ravivar ko usi per ke pipal ka patta lakar karya sthal par gaddi ke niche ya gaddi ke pas rakh den vyapar men vriddhi hogi.
- dipavli ki ratri se shuru kar lagatar 7 din mahalakshmi yantra ke sammukh kamal gatte ki mala se ‘un mahalakshmyai’ namah mantra ka jap 11 mala karen, antim din kisi brahman ko bhojan karayen, arthik unnati hogi.
- dipavli ke din se lagatar 51 dinon tak ek rupya kisi bhi mandir men man lakshmi ke nam se arpit karen tatha dhan vriddhi ke lie man lakshmi se prarthana karen, dhan ki vriddhi jarur hogi.
- dipavli ke avasar par yadi koi hijra inam lene aye, to use shraddhanusar 21, 35, 51 rupye den tatha ek sikka usse lekar ya usse sparsh karvakar tijori men rakhen, dhan ki kami varsh bhar nahin rahegi.
- dipavli ke din pipal ka ek patta jo akhnadit ho, prarthana karke le ayen, use puja sthan men rakhen. fir pratyek shanivar ko naya patta layen aur purane patton ko per ke niche rakh ayen ghar men lakshmi ka sthai vas rahega.
- lakshmi samudra ki putri hain, samudra se utpann dakshinavarti shankh, moti shankh evan gomti chakra lakshmi ke bhai bandhu hain. dipavli ki ratri se inhen ghar men rakhen aur pujan karen lakshmi nahin jayengi.
- dipavli ke din jharu kharidakar layen. puja se pahle usse thori si safai karen fir use ek taraf rakh den. agle din se us jharu ka prayog karen. isse daridrata jayegi aur lakshmi ka agaman hoga.
- narak chaturdashi ko sandhya samay ghar ki pashchimi disha men khule sthan par athva ghar ke pashchim men 14 dipak purvajon ke nam se jalaen, unke ashirvad se samriddhi hogi.
- dipavli ke panch parva hote hain (dhanteras, chaturdashi, dipavli, govardhan puja, yam dvitiya). panchon din dipak (char chote, ek bara) jarur jalaen. dipak rakhne se pahle asan bichaen fir khil, chaval rakhen tatha us par dipak rakhen. dhan ki vriddhi sada bani rahegi.
- bhai duj ke din ek mutthi akhandit basmti chaval ko bahte jal men mahalakshmi ko yad karte hue choren, dhan ki vriddhi bani rahegi.
- dipavli ki ratri men kale til parivar ke sabhi sadasyon ke sir par sat bar utaren aur ghar ki pashchim disha men fenk den, aisa karne se dhan hani band ho jayegi.
- roj karyasthal par jane se pahle nimnalikhit mantra ka ek mala jap karen ‘un hrin shrin krin shrin krin klin shrin mahalakshmi mam grih dhanan puray puray chintayai duray duray svaha’’. isse vyavsay men adbhut labh hoga.
- ek chaiki par lal vastra bichakar us par parad lakshmi ji ko sthapit karen, fir 7 kauriyon ko lakshmi ji ke upar se utarte hue unke charnon men rakhen. kauriyon ko utarte samay nimn mantra ka jap karen. mantra: ‘‘un shrin hrin mahalakshmi mam grih agachch sthir fat’’.. is upay se lakshmi ji ka sthir nivas rahega.
- dipavli ke bad pahli bar jab chandrama dikhai de to us din se agli purnima tak har roj rat ko kele ke paÿo par dahi-bhat (chavl) rakhakar chandrama ko dikhaen aur fir mandir men pujari ko de den. isse chandrama achanak dhan deta hai.
- anvle ke fal men, gobar men, shankh men, kamal men aur safed vastron men lakshmi ka vas rahta hai. inka prayog karen- anvla sada ghar men ya galle men rakhen.
- dipavli ke din apni dukan ke galle ke niche kali gunja ke dane dalakar nimn mantra ka 5 mala jap karen aur roj mahalakshmi ji ke samne dipak jalaen. vyavsay men hone vali hani ruk jayegi. ‘‘un ain hrin vijay var day devi mam’’.
- kamal ke bij ke 108 dane ghi men dubokar ek-ek karke agni men lakshmi mantra ka jap karte hue samarpit karke ahuti den. ghar ki daridrata dur ho jayegi.
- dipavli ki ratri ek chaiki par lal vastra bichaen. gehun se us par svastik banayen, fir us par ek thali rakhen fir thali men kunkum (kumkum) se ‘‘gan’’ likhen us par shvetark ganpti shrifal v 7 kauriyan rakhen. fir chandan ki mala se nimn mantra ka jap karen. ‘‘un sarva siddhi pradayekitva siddhi buddhi prado bhavah shri’’. agle din 5 kanyaon ko pila bhojan karaen. shvetark ko ghar men rakhen shesh samagri jal men pravahit kar den.
- dukan ke galle men kamal ke bij ke sath shri yantra rakhen evan roj dhup dip dikhaen. dhan ki kami nahin rahegi.
- chaitisa yantra sukh-samriddhi ka pratik mana gaya hai, ise dipavli ki rat ya ravi pushya nakshatra ke din kesar se anar ki kalam se bhoj patra par likhen. yantra likhte samay lakshmi ji ke kisi mantra ka jap karte rahen, fir ghar ya dukan men rakhen. lakshmi ji ka vas sthai rup se rahega.
- vyapar vriddhi ke lie vyapar vriddhi yantra ka upyog karna chahie. ise dipavli ke din kesar se anar ki kalam se bhoj patra par banaen. ismen ek varg banakar 9 upavarg banaen. pahli pakti men 8, 1, 6 dusri pankti men 3, 6, 7 aur tisri pankti men 4, 9, 2 likhen.
fir is yantra ki roj puja karen. isse vyapar men vriddhi hogi, dhan ka agaman hota rahega.
jivan men jarurat hai jyotishiya margadarshan ki? abhi bat karen fyuchar point jyotishiyon se!