jhanjhavaton ke bich bharat acharya kishor vartaman bhartiya paridrishya men antrik paristhitiyan pratikul hain, sarkar ki jan virodhi nitiyon ne logon ko andolan karne ke lie badhya kar diya hai, aisi paristhiti men sarkar ke kisi bhi samay girne ki ashanka samy-samay par vyakt ki jati rahi hai. aie ham jyotish ke drishtikon se dekhen ki vartaman sarkar rahegi ya jayegi. desh ki janm kundli ke anusar 15.08.1947 ko chandrama pushya nakshatra men tha jiske svami shani hain. islie bharat ko ajadi shani ki mahadsha men prapt hui thi. vartaman samay men surya ki mahadsha men shani ki antardasha 25.06.2013 tak rahegi. yah samay bharat tatha anya deshon ke lie uthl-puthal ka rahega. shani ki mahadsha bharat ke lie shubh faldayi rahi. shani ki mahadsha men 1947 se 1965 tak bharat aur pakistan ke bich yuddh men donon bar bharat ko saflta prapt hui. us samay bharat ke pradhanmantri shri javahar lal nehru tatha shri lal bahadur shastri the. bharat desh ki kundli ka vrish lagn hai aur yogkarak grah shani navam, dasham ka svami hokar tritiya (parakram bhav) men virajman hai. 1962 farvri men chin desh ne bharat par akraman kiya tatha usmen bharat ki parajay hui. us samay shani ki mahadsha men rahu ki antardasha chal rahi thi. bharat ki kundli men rahu lagn tatha ketu saptam bhav men kalasarp dosh se grasit hokar baithe hue hain. yuddh ke samay gochar ki sthiti ke anusar 04.02.1962 tak makar rashi men ath grah rashi se saptam bhav men baithakar janm rashi ko purn drishti se dekh rahe the. isi karan bharat ki parajay hui. budh ki mahadsha 06.09.1965 se 07.09.1982 tak rahi is avdhi men budh ki mahadsha men shukra ki antardasha janvri 1969 se disanbar 1971 tak rahi. us samay bharat aur pakistan ke paraspar yuddh men bharat ko fir se vijay prapt hui tatha pakistan ka vibhajan hokar bangla desh ka janm hua. us samay bharat ki pradhanmantri shrimti indira gandhi ji thin. iske pashchat ketu ki mahadsha men sitanbar 1982 se sitanbar 1989 tak bharat ka samay achch nahin bita. ketu ki mahadsha men shrimti indira gandhi dubara pradhanmantri ke pad par asin huin parantu ketu ki mahadsha tatha chandra ki antardasha men agast 1984 se march 1985 ke madhya inki hatya kar di gai. vartaman samay men surya ki mahadsha men shani ki antardasha 25.06.2015 tak rahegi aur yah samay bharat ke lie anukul nahin rahega. vishesh rup se 16.12.2012 ko gochar ki sthiti ke anusar shani apni uchch rashi men baithakar tritiya drishti se dhanu rashi men sthit surya ko dekhenge tatha mangal par bhi drishti rahegi. 20.12.2012 se mangal apni uchch rashi men rahenge. shani aur mangal donon ka uchch ka hona desh ke lie shubh nahin hoga. 26.01.2013 tak desh men ashanti rahegi tatha desh bhayanak sthiti se gujrega. 13.04.2013 ko mangal jab mesh rashi men pravesh karenge tab shani, rahu, surya, budh, ketu, mangal ek dusre ko purn drishti se dekhenge jiske karan bharat tatha vishvabhar men pralay ki adhik sanbhavna hone ki ashanka hai. videshon par bharat se adhik kasht hone ki sanbhavna hai. isse yah nishkarsh niklta hai ki 16.12.2012 se 20.05.2013 tak ka samay vishva bhar ke lie kafi sankat ka hoga, kuch videshi deshon ka vidhvans bhi ho sakta hai. mesh, agni tatva rashi men surya, mangal ko vayu tatva rashi tula rashi se shani, rahu ki drishti ek dusre ko hogi jiske karan agjni, bhukamp, akashiya durghatanaen, jan mal ki hani hone ki sanbhavna adhik ho jaegi tatha arthik sthiti par bura prabhav parega kyonki lagn se barhven ghar men surya, mangal, ketu aur lagnesh shukra bhi barhven ghar (vyay bhav) ko sakriya karenge. bharat samet kai deshon men saÿaa parivartan march 2013 se mai 2013 tak ho sakta hai. bharat ki kundli ke anusar yogkarak grah uchch rashi ka hokar lagn se chathe bhav men baithakar shatruon se vijay dilaega parantu pradhanmantri sardar manmohan sinh ji, shrimti soniya gandhi ji tatha yu.pi.e sarkar ke lie sthiti chintajanak hogi. aj se lagabhag 30 varsh pahle bhi shani jab uchch rashi men tula rashi men virajman the tab indira ji ki hatya hui thi tatha pure bharat men aur hinduon men tanav paida hua tha tatha bharat men ganbhir rup se arajkta fail gai thi. unhane apne gharon tatha shahron ko chorna para tha. yadi ham bharat ke pradhanmantri shri manmohan sinh ji ki kundli ko dekhen to unki ashtamesh chandrama ki mahadsha chal rahi hai. unki lagn kundli se chandra ko shani ki drishti hai aur gochar men bhi shani ashtam bhav ko dekh rahe hain. rahu men chandrama ki antardasha 14.06.13 tak hai. is avdhi men inhen svasthya ka vishesh dhyan rakhna hoga. ashtamesh ki antardasha parivartan bhi kara sakta hai. yah paristhiti jab mangal dhanu men rahenge tab lagn se ashtam bhav ko dekhenge- 10.11.12 se 18.12.12 tak aur jab mangal makar men rahenge tab bhi saptam drishti se ashtam bhav ko dekhenge 19.12.12 se 27.01.13 tak ka yah samay kashtakari rahega. shrimti soniya gandhi ji ki kundli ke anusar 2018 tak ketu ki mahadsha chalegi tatha inki janm kundli men ketu ast hai tatha gochar men bhi ketu chandra se barhven bhav men chal rahe hain, yah sthiti bhi inke lie hanikarak hai kyonki gochar men chandrama se barhven ghar men ketu nich rashi men hai. soniya ji ki kundli men ketu men chandrama ki antardasha disanbar 2012 tak chalegi. yah samay inka markesh samay hai. jab-jab ketu ko mangal ki drishti paregi arthat 28.01. 12-04.03.13 tak kunbh rashi se ketu ko purn chaturth drishti se dekhenge tab unhen apne svasthya par purn dhyan dena hoga. 13.04.13 se 25.04.13 tak apni sarkar se kuch pareshani rahegi. mantrimandal ko bachana mushkil hoga aur jab 24 mai 2013 ke bad mangal vrish rashi men jaega tab har taraf se pareshaniyon ka samna karna parega.
Kya aapko lekh pasand aaya?
Subscribe