kanp ka anuman lagana aj ke is vaigyanik yug men bhi abhi tak asanbhav hai. is prakritik apda ka rahasya abhi tak suljhaya nahin ja saka hai. jahan vigyan iska purvanuman lagane men asamarth hai vahan jyotish shastra men kuch aise tathyon ka ullekh hai jinke vishleshan se iske ane ki purva suchna prapt ki ja sakti hai. bhukanp chahe tektonik pleton ke apas men takrane ke karan ate hon, parantu tektonik pleten grahon ke prabhavavash khiskti hain aur takrati hain. bhukanp se jure anya jyotishiya tathya is prakar hain.
- bhukanp ki tivrata pleton par parne vale grahon ke prabhav par nirbhar karti hai.
- prithvi surya ka chakkar ek varsh men pura karti hai. parantu jab sanpat ka ayan hota hai to 50 se 52 sekand age khiskna sanbhav hota hai. isse prithvi ki tektonik pleton ki sthiti men antar a jata hai. isse bhukanp ki drishti se sanvednshil kshetron men badlav a jata hai.
- maharshi varahmihir ne brahmand ko sat-sat nakshatron ke adhar par char mandlon men banta hai.
1. vayavya mandl
2. indra mandl
3. varun mandl
4. agney mandal - surya grahan aur chandra grahan ka bhukanpon par spasht prabhav dikhta hai. jab ek paksh (15 din) men do grahan parte hain to uske 6 mas ke bhitar bhukanp ate hain. surya grahan ka prabhav adhik parta hai.
(ajakal jo bhukanp ae chandra grahan v 15 din ke bhitar surya grahan 29-3-2006 grahan tha v min rashi men tha.)
- shani ka sanbandh yadi prithvi tatva grah budh ya prithvi putra vayu tatva mangal se ya prithvi tatva rashiyon (2,6,10) ke svamiyon se ho to bhukanp ki sanbhavna barh jati hai.
- surya grahan, chandra grahan v chaitra shukla paksh pratipda ki kundli men surya, ashtam bhav v ashtamesh pirit hote hain.
- mangal ya budh v shani ka apas men sanbandh hota hai yadi sanbandh nahin ho to budh v shani ya mangal v shani ka sanbandh lagn, lagnesh, ashtam bhav ya ashtamesh se hota hai.
- budh vakri ya surya se kam ansh ka hota hai ya ast hota hai.
- prithvi tatva rashiyon vrish, kanya v makar ke madhya rohini, hast v shravan men se kinhin do nakshatron par surya v chandrama ko chor kar koi do ya adhik grah v rahu ketu sthit hon to us varsh bhukanp ate hain.
- bhukanp ke samay kam se kam ek grah vakri hota hai.
- rahu-ketu ke madhya 4 ya adhik grah ashubh svamiyon ke nakshatra par hote hain.
- jis sthan par bhukanp ata hai us sthan ki rashi se chaturth bhav ya saptam bhav men adhik grah 450 ke madhya sthit hote hain.
- shani v mangal, shani v guru, shani-budh, guru-mangal ya guru-budh ka yuti ya drishti sanbandh hota hai.
- prithvi par grahon ke gurutvakarshan ka prabhav madhya ratri ke bad ya madhya din ke bad adhik parta hai. is karan surya niklne se pahle ya suryast ke pahle adhik bhukanp ate hain.
- amavasya, purnamasi, surya sankranti, 13 tithi krishn paksh se 3 tithi shukla paksh, 13 tithi shukla paksh se 3 tithi krishn paksh ke pas prithvi par akarshan prabhav barh jata hai. is karan in dinon bhukanp ane ki sanbhavna barh jati hai.
- prithvi ke nikatatam grah surya, chandra, budh, shukra v mangal $ 450 ke as pas hote hain v rahu-ketu ke madhya 4 ya adhik grah hote hain.
yadi ek pankti men kahna chahe to kah sakte hain ki bhukanpon par v prakritik apdaon par chandrama v rahu ka adhikatam prabhav hota hai. us din ashubh tithi, ashubh yog v ashubh nakshatra hota hai. aie, in niyamon ko adhar mante hue dilli v indoneshiya men ae bhukanpon ka adhyayan karen. ravivar 7.5.2006 ko 21.31 par dilli men bhukanp ke halke jhatke lage the. yah bhukanp bahut halka 2 tivrata ka tha. yah ravivar, shukla dashmi, purvafalguni nakshatra (svami shukra), hora lagn svami shukra 3 kal hora chandrama men aya. chandrama se ashtam bhav men rahu v shukra aur lagn se ashtam men mangal sthit hai.
shani v budh, guru v budh ka sanbandh hai. shani v guru surya ko dekh rahe hain. sare grah rahu-ketu ke madhya sthit hain. guru vakri hai. rahu, ketu v mangal ek dusre se kendra men sthit hain. surya v chandrama ko chorakar anya grah ashubh nakshatron par sthit hai n tatha vriddh avastha men hai n. yadi kafi anshon tak hamare shodh ko sarthak bana rahe hain. lagn vrishchik kal purush ki ashtam rashi hai jo lagn se ashtam men vayu tatva rashi men sthit hai. saptamesh shukra ka uchchasth hona halke jhatke ka dyotak hai.
indoneshiya men 27.5.2006 ko 5 bajakar 54 minat par subah 6.3 tivrata ka bhukanp aya jismen 5000 se jyada log mare gae, 20,000 log prabhavit hue tatha arbon rupyon ka nuksan hua. yah bhukanp amavasya, krittika nakshatra atigand yog shanivar ko shani ki hora men aya. march, 2006 ke grahnon ka prabhav chal raha hai. kalasarp yog bana hua hai.
guru vakri hai. yah bhukanp vrish lagn men tatha surya niklne se pahle aya. is samay prithvi par grahon ke gurutvakarshan ka prabhav barh jata hai. indoneshiya ki tektonik pleton par jvalamukhi ke karan pahle se hi adhik prabhav hai aur grah sthiti ke karan bhukanp ne aur adhik vinashkari prabhav dala. is prakar in tathyon se siddh hota hai ki bhukanp ki bhavishyavani karna adhik kathin nahin hai parantu bhukanp kab aega tatha kahan aega yah abhi shodh ka vishay hai.
indoneshiya ki kundli men ashtam bhav v bhavesh guru vakri hai tatha shashth bhav men sthit hai parantu tritiya bhav adhik pirit hai. tritiya bhav men shani, mangal, shashth bhav ka arurh pad, dvadash bhav ka arurh pad bhi sthit hain. tritiya bhav ashtam se ashtam hone ke karan ashtam bhav ka purn prabhav lie hue hai, jo samuhik mrityu ko darshata hai.
is prakar pate hain ki abhi shodh ki avashyakta hai shodh ke mukhya vishay hai n: - bhukanp kab aega? - bhukanp kahan aega? - bhukanp ki tivrata kitni hogi?t