sone-chandi men teji la rahe hain guru aur shukra pan. vipin kumar parashar arthashastra ke pratham siddh anton men vanikvad ata hai. purva mane vanikvadiyon ka nara tha sona aur adhik sona. vanikvadi svarn vyapar evan svarn labh ko hi apna dhyey evan siddhant mante the. yah ghatna aj se 500 varsh purva ki hai par aj iski satyata ko pura karne men pashchatya desh lage hue hain. iska prabhav bharat par bhi par raha hai.
bharat ek vikasshil desh hai, iski unnati men abhi kafi samay lag sakta hai par sone-chandi men achanak ai teji bharat ki arthavyavastha ko prabhavit karegi, kyonki not chapne ke piche rijarva baink surakshit nidhi ke lie svarn surakshit kosh men rakhta hai. yadi antarrashtriya bajar men sone aur chandi ki china-jhapti isi prakar chalti rahi to bhartiya arth vyavastha ka kya hal hoga, iska anuman sahaj hi lagaya ja sakta hai.
jyotish ke adhar par is varsh ka raja guru hai aur uski dhatu svarn hai tatha mahamantri ka dayitva shukra nibha raha hai jiski dhatu chandi hai. yah jyotish ke siddhanton par aj tak khara utra hai ki jo raja raha hai uski dhatu us varsh navin unchaiyon ko chuti rahi hai. gat das varshon ko dekhen to shani ne char bar raja aur tin bar mantri banakar lohe ke damon ko asman tak pahuncha diya tha.
sanvat ka aranbh is varsh guruvar ko guru ke raja banne par hua jab guru ki avastha vakri (teji se piche ki or daurti hui) chal rahi thi. jyotish siddhant ke adhar par jab bhi koi grah vakri hota hai to vah apna prabhav teji se hi deta hai. is karan sone ke mulya men apratyashit teji bani rahi. guru 27 julai se punah margi (sidha chalna) hoga tab tak yah teji bani rah sakti hai.
guru, jo svayan svarn ka malik hai, 7 navanbar 2006 ko ast tatha 3 disanbar ko punah udit hoga. is bich men svarn mulyon men kami a sakti hai. vahin shukra, jiski dhatu chandi hai, 4 aktubar ka e pu rva disha m e nast au ra30 navanbar ko pashchim men udit hoga. is bich iske mulya men giravat a sakti hai. ant men ullekhniya hai ki is varsh ka raja guru aur mahamantri shukra apna prabhav apni-apni dhatuon ke sath avashya dikhaenge.
janm kundli ke vishleshan ke lie bat karen desh ke prasiddh jyotishiyon se keval fyuchar point par