markesh nirnay ke apvad pro. shukdev chaturvedi markesh-nirnay ke prasang men yah sadaiv dhyan rakhna chahie ki papi shani ka marak grahon ke sath sanbandh ho to vah sabhi marak grahon ka atikraman kar svayan marak ho jata hai. ismen sandeh nahin hai.
(1) papi ya papkrit ka arth hai papfldayak. koi bhi grah tritiya, shashth, ekadash ya ashtam ka svami ho to vah papfldayak hota hai. aise grah ko laghuparashri men papi kaha jata hai. mithun evan kark lagn men shani ashtamesh, min evan mesh lagn men vah ekadshesh, sinh evan kanya lagn men vah shashthesh tatha vrishchik evan dhanu lagn men shani tritiyesh hota hai. is prakar mesh, mithun, kark, sinh, kanya, vrishchik, dhanu evan min in ath lagnon men utpann vyakti ki kundli men shani papi hota hai. is papi shani ka anuchched 45 men batlaye gaye marak grahon se sanbandh ho to vah mukhya marak ban jata hai. tatparya yah hai ki shani mukhya marak ban kar anya marak grahon ko amarak bana deta hai aur apni dasha men mrityu deta hai. karan yah hai ki jyotish shastra men shani ko mrityu evan yam ka suchak mana gaya hai. uske trishdayadhiya ya ashtamesh hone se usmen papatva tatha marak grahon se sanbandh hone se uski marak shakti charam bindu par pahunch jati hai. tatparya yah hai ki shani svabhavtah mrityu ka suchak hai. fir uska papi hona aur marak grahon se sanbandh hona- vah paristhiti hai jo uske marak prabhav ko adhikatam kar deti hai.
(2) isilie marak grahon ke sanbandh se papi shani anya marak grahon ko hatakar svayan mukhya marak ho jata hai. is sthiti men uski dasha-antardasha marak grahon se pahle ati ho to pahle aur bad men ati ho to bad men mrityu hoti hai. is prakar papi shani anya marak grahon se sanbandh hone par un marak grahon ko apna marakafal dene ka avasar nahin deta aur jab bhi un marak grahon se age ya pahle uski dasha ati hai us samay men jatak ko kal ke gal men pahuncha deta hai.
1. in sab ritiyon se parinam men ekrupta hone par nirdharit mrityu-kal asandigdh hota hai.
2. kintu ekrupta n hone par pratham tin ritiyon se ayu khand ka nirdharan karna chahie kyonki parashar, jaimini adi sabhi ka mat hai ki jatak ki mrityu nirdharit ayu khand men hi hogi. ayu khand nirdharit kar us samay men jis marak grah ki dasha upalabdh ho vah grah markesh hota hai.
3. ayu nirnay ki ritiyon se kisi vyakti ki ayu alpayukhand men ho aur us samay kisi marak grah ki dasha n milti ho to aisi sthiti men kabhi-kabhi shubh grah ya ashtamesh ki dasha men mrityu ho jati hai.
4. yadi kisi manushya ki ayu madhyamayu khand men ho aur marak grahon ki dasha alpayu khand men ho to in grahon ki dasha-antardasha men kasht evan arisht milta hai, mrityu nahin hoti. uski mrityu madhyamayu ke kalkhand men ane vali marak grah ki dasha men hoti hai. yadi vahan bhi marak grah ki dasha upalabdh n ho to keval papi grah, ashtamesh ya shubh grah ki dasha men mrityu hoti hai.
(3) yadi ukt ritiyon se manushya ki ayu dirghayu khand men ho to alp evan madhya ayu khand men ane vali marak grahon ki dasha arisht matra deti hai. us samay men vyakti ko mrityu tulya kasht ya sankat ho sakta hai kintu mrityu nahin hoti. uski mrityu dirghayu khand men ane vali marak grah ki dasha men hoti hai. aisa laghuparashri ka mat hai. kintu is mat ko laghuparashrikar ne niyamak nahin mana. is vishay men unka kahna hai ki aisa bahudha hota hai kyonki iske apvad bhi hain.
1. is niyam ka ek apvad yah hai ki yadi shani trishdayadhish ya ashtamesh ho aur uska marak grahon se sanbandh ho to us shani ki jab bhi dasha ati hai tabhi jatak ki mrityu hoti hai. arthat aisa hone par anya marak grahon ki dasha ya nishchit ayu khand men mrityu hona nishchit nahin hai. is vishay men mahatvapurn bindu papi shani jis marak grah se sanbandh karta hai vah amarak ho jata hai.
atah marak grah ki dasha men mrityu nahin hoti aur shani ki dasha men mrityu hoti hai. kintu aisa amarak grah rahu se grast ho to vah punah marak ban jata hai. shani shubh hote hue bhi marak grahon se sanbandh hone par marak ho jata hai. mukhya marak shani ki dasha men shukra ya anya marak grahon ki antardasha mrityudayak hoti hai. amarak shani svayan nahin marta. kintu marak shukra ki dasha men apni bhukti men mrityu deta hai.
shani evan shukra donon marak hon aur unmen sanbandh ho to shukra amarak ho jata hai tatha shani ki dasha men shukra ki antardasha men mrityu hoti hai. marak ya amarak shani ka marak shukra se sanbandh ho to shani hi marak hota hai. marak shani ke sath rahu ya ketu baitha ho to rahu ya ketu marak ho jata hai. shani ka jis pap grah se sanbandh ho uska shukra ke sath sanbandh ho to shukra marak ho jata hai. marak shani se marak shukra ka sanbandh n ho to shukra hi marak rahta hai.
shani-shukra, shukra-budh, guru-mangal, surya-chandra, guru-surya evan surya-mangal paraspar mitra hote hain. inmen shani evan shukra abhinn mitra hain. atah ye donon marak ya karak hone par apna fal ek-dusre ki dasha-antardasha men dete hain. isi prakar anya mitra bhi marak hone par ek-dusre ki dasha-antardasha men mrityudayak ho jate hain.
ayunirnay ke prasang men smaraniya bindu ayunirnay sachmuch men ek jatil karya hai kyonki janma-mrityu ka rahasya gurh hai tatha usko janne ka marg bhi gahan hai. atah falit jyotish men kisi ek niyam ya mat se bandhakar ayu ka nirnay nahin kiya gaya hai. ayu ka nirnay karne ke lie char ritiyan pramukh hain-
(a) alpayu, madhyamayu evan dirghayu yog,
(a) lagnesh-ashtamesh adi ki char adi rashiyon men sthiti
(i) anshayu adi spashtikaran evan
(i) markesh grahon ki dasha-antardasha.
marak prakaran men marak grahon ka paraspar sanbandh hona ya papi grahon se sanbandh hona marak fal ko asandigdh banata hai jabki dvitiyesh, ashtamesh evan dvadshesh ka lagnesh ya navmesh hona uski markta ko sandigdh banata hai. mrityu nishchit bhi hai aur apriharya bhi. atah pratyek jatak ki mrityu avashya hogi. par vah kab hogi? is prashn ka vichar sabhi ritiyon se karna chahie aur un ritiyon ke parinamon ka ganbhirtapurvak manan kar sarvasammat ya bahusammat paksh ke adhar par mrityu ka purvanuman karna chahie.
rahu ya ketu lagn, saptam, ashtam ya dvadash men ho athva markesh se saptam men ho ya markesh ke sath ho ya papi grahon se yut, drisht ho to uski dasha men mrityu hoti hai. surya evan chandrama sandigdh marak aur shani, rahu evan mangal asandigdh marak hote hain. shashth evan ashtam bhav men trishdayadhish ke sath sthit rahu asandigdh marak hota hai. markesh apne se sanbandh hone par bhi trikonesh ya lagnesh ki antardasha men nahin marta jabki vah sanbandh n hone par bhi trishdayadhish ya ashtamesh ki dasha men mrityu deta hai.
kundli sankhya 1 ek prasiddh rajneta ki hai jinhonne do bar bharat ke karyavahak pradhanmantri ka dayitva nibhaya aur achchi ayu bhogakar budh ki dasha men mangal ki antardasha men mahaprayan kiya. inki mrityu ke samay saptamesh (mark) budh ki dasha men dvitiyesh (mark) mangal ki antardasha chal rahi thi.
kundli sankhya 2 bharat ke us pradhanmantri ki hai jinke angarakshakon ne unke nivas men unki hatya kar di. mrityu ke samay unhane shani ki dasha men rahu ki antardasha chal rahi thi. is kundli men shani saptamesh evan ashtamesh (markesh) hai tatha shashth sthan men ekadshesh shukra ke sath sthit rahu bhi marak hai.
kundli sankhya 3 briten ki prasiddh yuvragyai ki hai jinki akasmik durghatana par pura desh stabdh ho gaya tha. inki mrityu guru ki dasha men rahu ki antardasha men hui. inki kundli men guru keval papi hai tatha rahu markesh mangal ke sath pap sthan (ekadash men) hone se marak hai.
sandarbha: 1. ‘‘markaiah sah sambandhannihanta papkrichchaniah. atikramyetran sarvan bhavatyev n sanshyah..’’
2. ‘‘shani yam evato vikhkhyato markah punah . anyamarakasambandhat prabalyan tasya, ratn pahnaen, dosh bhagaen pro. bi.el.goyal ratn apna prabhav avashya dikhate hain. unki is shakti ka prayog apni grah sthitiyon ke anusar kiya jae to ve jivan men kai sakaratmak upalabdhiyan prapt karne men sahayak siddh hote hain. bina soche samjhe ratn dharan karne ke dushparinam bhi kam nahin hote.
janm kundli ke vishleshan ke lie bat karen desh ke prasiddh jyotishiyon se keval fyuchar point par