hamare ek parichit ke bachche ka apaharan 5.10.2006 ko sham sat baje kanpur men ho gaya. unhonne apni or se har sanbhav koshish ki parantu bachche ke bare men kuch pata nahin chala. tab unhonne jyotish ki sharan li aur do prashn puche-
1. jivit hai ya nahin ?
2. bachche ke bare men suchna kab milegi ? bachche ka bijank 99 hai jiske adhar par bani kundli ka vishleshan is prakar hai. kyonki yah prashn bachche ke pita ne kiya tha is karan pancham bhav ko lagn manakar prashn ka uttar dhundhna parega. yah bhi samjhna hoga ki apaharan men kya hota hai.
- apaharan kisi labh ke lie kiya jata hai.
- apaharan ke lie bal prayog hota hai.
- bachche ko kisi band kamre men rakha jata hai.
- bachcha parivar se alag hota hai. apaharanakarta ko labh hota hai to pancham bhav arthat saptam se ekadash bhav se sanbandh hona chahie. dusra bal prayog mangal darshata hai. tisra ek kamre men band arthat lagn se dvadash bhav. chaitha parivar se alag arthat lagn se dvitiya bhav se dvadash lagn bhav ko dekhna chahie. kyonki yah prashn jatak ke pita ne kiya tha, prashnakarta lagn se pancham bhav jatak hua. prashn kundli men chandra guru ki rashi men ekadash bhav men sthit hai. chandra se saptam bhav men surya, mangal, shukra v budh sthit hain. surya chaturth bhav arthat pancham se dvadash bhav ka svami hai. (ek kamre men band) mangal bal prayog, shukra pancham se dvitiya bhav (parivar) se dvadash (alag hona) bhav men sthit hai.
budh lagnesh hai arthat prashn kundli prashn ka pratinidhitva kar rahi hai. ab yah dekhna hai ki jatak jivit hai ya mar gaya hai. mrityu tab hoti hai jab lagn ke kasp ke up svami ka marak v badhak ke svamiyon se sanbandh hota hai. pancham bhav ke kasp ka up svami mangal aur up up svami rahu hai. bijank kundli ke anusar up svami shani aur up up svami shukra hai. up svami shani dvitiya, shashth, saptam, ekadash v dvadash bhav ka karak grah hai. saptam v dvitiya bhav marak hote hain. dvadash bhav parivar se bichoh ko darshata hai. yadi dhanu rashi ko lagn man kar dekhen to shani dvitiya bhav ka svami hokar dvadash bhav men sthit hai jo dhanu se ashtam bhav hai jo bichoh ki or sanket deta hai.
dhanu se saptam bhav mithun marak v badhak bhav hai jiska karak grah shani hai. shani budh ke nakshatra par sthit hai arthat shani jatak ke parivar se bichoh ka purn pratinidhitva kar raha hai. jatak ke bare men suchna kab milegi ise tritiya bhav ke kasp ke up svami se dekhte hain. jatak ka lagn tula v rashi dhanu hai. dhanu se tritiya bhav kunbh hua jiska svami shani hai. kunbh men rahu sthit hai. kunbh ke kasp ka up svami bhi shani hai. rahu kunbh rashi men sthit hone ke karan shani ka pratinidhitva karega. rahu dhuan hai jo fal ko kabhi bhi spasht nahin hone deta hai arthat jatak ke bare men suchna milegi ya nahin milegi ki sthiti bani rahegi. kintu ham dekh chuke hain ki shani ka sanbandh ekadash bhav se bhi hai jiska arth hai ki pita ko suchna milegi parantu bahut samay ke bad.
lagn pita ka up svami bhi shani hai tatha up up svami bhi shani hai. isse yah sanket milta hai ki pita ko jatak ki suchna n milne ke karan bahut dukh sahna parega. apaharan ke samay jatak ki dasha chandra/rahu/rahu chal rahi thi. shani kark, guru tula v rahu min rashi men gochar kar raha hai. chandra dashmesh hai tatha navansh men lagn men rahu ke sath nich rashi men sthit hai. janm kundli men chandra, mangal, saptamesh, shukra ashtamesh ke sath tritiya bhav men sthit hai jo ashtam se ashtam hone ke falasvarup mrityu ke karan v prakar ki or sanket deta hai arthat chandra marak ho sakta hai.
rahu chandra se trikon men ekadash bhav men sthit hai tatha chandra ko dekh raha hai arthat chandra v rahu men ghanishth sanbandh hai, vah fal dene men samarth hai. chandra shukra ke nakshatra men sthit hai. is karan chandra v rahu ki antardasha mrityu ka karan ban sakti hai. saptamesh v dvitiyesh mangal ka sath hona mrityu ka dyotak hai. navansh men mangal shukra ki rashi vrish men ketu ke sath saptam bhav men sthit hai. shani dasham bhav men, rahu shashth bhav men v nichasth guru lagn men gochar kar raha hai. yah sab anisht ki or hi sanket de rahe hain.