papi grahon se utpann kalah ka nivaran em. el. acharya kai bar n chahte hue bhi ghar men kalah ka vatavaran paida ho jata hai. aisa ashubh evan papi grahon ke prabhav ke karan bhi hota hai. yadi samay se pahle unka nidan kar liya jae to kalah ki sanbhavnaen kam ho jati hain. kaise? aie janen...
ajakal pratyek parivar, chahe vah sanyukt ho athva ekal, grih kalah se grast dikhai deta hai. grih klesh ke faile vishakt vatavaran se parivar ka mukhiya, parivar ka pratyek sadasya tanavagrast jivan vyaytit karta hai. grih kalah ka yah vatavaran parivar ke sadasyon men raktachap, hriday rog, unmad, madhumeh jaisi bimariyon ko janm deta hai, vahin pati-patni men talak, parivar men bikhrav, jamin jaydad tatha vyavsay ke bantvare aur larai jhagron ka mukhya karan banta hai.
grih kalah mukhya rup se pati-patni, pita-putra, bhai-bhai, sas-bahu, nand-bhabhi, devrani-jethani ke madhya hoti dekhi gai hai. yahan jyotishiya drishti se grih kalah ke karnon evan unke nivaran ka vishleshan pras¬tut hai. dampatya jivan men grih-kalah pati-patni ki kamna hoti hai ki unke dampatya jivan men kisi prakar ki karvahat paida n ho tatha jivan men sadaiv sukh ki bayar bahti rahe. lekin adhikatar pa¬irvaron men pati-patni ke madhya larai-jhagre, sanbandh vichched, talak adi hote dekhe gae hanai.
iske lie jyotishiya drishti se dekhane ki kis prakar ki grah sthiti hoti hai jo grih kalah ko janm deti hai. janmakundli men saptam bhav, saptamesh, saptam bhav men sthit grah, saptam bhav par drishti dalne vale grah tatha saptam bhav ke karak grah se vyakti ke dampatya jivan ke bare men vichar kiya jata hai. yadi jatak ka saptam bhav nirbal ho, saptam bhav par papi grah shani, mangal, surya ya rahu-ketu ka prabhav ho, guru aur shukra ast hane athva papakrant hon to dampatya sukh men badha ati hai.
shani: shani ka prabhav saptam bhav par hone par dampatya jivan shushk aur niras hota hai. vivah ke pashchat jivan sathi ke prati utsah aur umang ki bhavna kshin hone lagti hai. paraspar akarshan men kami a jati hai. pati-patni sath rahte hue bhi prithak rahne ke saman jivan vyatit karte hain. pati-patni ke apas men chirchirapan, svabhav men kar vahat, vyavhar m e nrukha pan a jata hai jiske falasvarup pati-patni men choti-choti baton par vivad paida ho jate hain. jhagre hone se parivar ke vatavaran men kalah ke badal cha jate hain.
mangl: mangal papi aur ugra grah mana jata hai. jatak ki kundli men mangal janm lagn se pahle, chaithe, satven, athven ya barhven bhav men sthit hone par jatak mangli mana jata hai. mangal jatak ke svabhav men adhik ugrata aur krodh paida karta hai. yadi lagn athva saptam bhav par mangal sthit ho ya saptam bhav par mangal ka prabhav ho tatha kisi shubh grah ki drishti n ho to jatak krodhi, svabhimani evan ahankari hota hai. svabhav men ugrata, hathilapan hone se parivar men uthne vali choti-choti baton par pati-patni ke madhya vivad ya jhagre utpann ho jate hain jo ant men grih-kalah paida karte hain.
surya: janmakundli men surya ka pratham evan saptam bhavon par prabhav hone par aur nirbal v nich rashi ke surya ke saptam bhav men hone par jatak ahank¬ari, svabhimani evan ariyal svabhav ka hota hai. jivnsathi se svabhiman ka takrav hota hai, jisse vivad ki sthiti banti hai.
rahu: lagn evan saptam bhav men rahu ke dushprabhav ke karan dampatya jivan men visham paristhitiyon ka samna karna parta hai. anya parivar ke sadasyon ke dakhal ke karan pati-patni ke madhya vivad, larai-jhagre khare hote hain jisse unke dampatya jivan men sukh ki kami ati hai. pati-patni ek dusre ko koste rahte hanai, ek-dusre ki ninda tatha alochna karte rahte hain. rahu ke is dushprabhav ko kam karne ke lie pati-patni ko apas men alochna karne ke sthan par ek-dusre ki prashansa karni chahie. grih kalah ko samapt karne ke jyotishiya upay jaisa purva men bataya gaya hai, grih kalah ke piche jatak ki kundli men sthit krur aur papi grah shani, mangal, surya tatha rahu ki mahatvapurn bhumika rahti hai. parivar ke mukhiya ya pirit vyakti ko grih kalah ke dauran chal rahi krur v papi grahon ki mahadsha antardasha ke anusar nimn jyotishiya upay karne chahie. grih kalah ka karak shani hone par bhagvan shiv ke mandir men ya ghar par pran pratishthit parad shivling par nitya gay ke kachche dudh mishrit jal se ¬ namah shivay’ mantra se abhishek karen, sath hi rudraksh mala se mahamrityunjay mantra ka ek mala jap karen. yadi jap sanbhav n ho to ukt mantra ki kaiset ya si.di. chalaen. grih kalah se pirit vyakti ko kale ghode ki nal se nirmit challa shukla paksh ke shanivar ko madhyama men dharan karna chahie. pratyek shanivar ko pipal vriksh ke niche suryoday se purva til ke tel ka dipak prajvalit karen. shuddh jal, dudh aur pushp vriksh ko arpit kar til ka prasad charhaen. vahin baithakar nimn shani mantra ka 21 bar uchcharan karen.
‘‘¬ pran prin praun sah shanaishcharay namah’’
shukla paksh ke shanivar ko hanuman mandir men hanuman ke charnon men lal sindur mishrit akshat arpit karte hue nimn mantra ka uchcharan 21 bar karen:
‘‘¬ shri ramdutay namah’’
sath hi hanuman ji se parivar men grih kalah samapt karne ki prarthana karen tatha hanuman ji ke charnon ka sindur lekar apne mathe par lagaen. aisa kam se kam 7 shanivar karen. grih kalah ka karan mangal grah hone par shukla paksh ke manglvar ko snan kar hanuman mandir jaen tatha 100 gram chameli ka tel aur 125 gram sindur hanuman vigrah par charhaen. sath hi gur aur chane charhaen. puja archana kar vahin baithakar bajrang-ban ka path karen tatha hanuman ji se grih kalah samapt ho iske lie prarthana karen. yah kram kam se kam 7 manglvar dohraen.
lal vastra men 2 mutthi masur ki dal bandhakar manglvar ko bhikhari ko dan karen. bandron ko pratyek manglvar chane, kele khilaen. grih kalah ka karan surya grah hone par grih kalah pirit vyakti ko ya grihasvami ko suryoday se purva snan¬adi se nivritt hokar bhagvan surya ko tanbe ke lote men shuddh jal bharakar usmen roli, akshat, lal pushp tatha gur dalakar surya mantra athva gayatri mantra se aghrya dane.
sath hi ravivar ko vishnu mandir men pushpa-prasad adi charhaen tatha tanbe ka patra dan karen. har ravivar ko ya nitya surya kavach ka path karen. tanbe ka kara dahine hath men dharan karen. moli hath men banadhte samay use 6 bar lapet kar bandhen. lal gay ko ravivar ko dopahar ke samay donon hathon men gehun bharakar khilana chahie, gehun jamin par nahin dalna chahie. grih kalah ka karan rahu grah hone par pran pratishthit parad shivling par nitya jalabhishek karen tatha rudraksh mala se pratidin ‘¬ namah shivay’ ka jap karen.
pratahkal pakshiyon ko dana dalen, yah karya budhvar se praranbh karen. nile vastra men nariyal bandhakar shukla paksh ke shanivar ko nadi ya jalashay men pravahit karen. aisa 7 shanivar karen. kesar ka tilak karen. rasoighar men baithakar bhojan karen. majduron, harijnon aur apang vyaktiyon ki arthik sahayta karen, unhen vastra adi ka dan karen. pati-patni ke madhya grih-kalah shant karne ke samanya upay yahan kuch saral upay die ja rahe hain jo dampatya jivan men vyapt grih kalah ke shaman men kuch sima yadi pati-patni ke madhya vak yuddh hota rahta hai to jis vyakti ke karan kalah hota ho use budhvar ke din kuch samay ke lie (do ghante ke lie) maun vrat dharan karna chahie.
yadi pati-patni ke madhya paraspar samanjasya evan sahyog ki bhavna ka abhav ho to unhen guruvar ko sath-sath ram-sita mandir ya lakshminarayan mandir jakar bhagvan ko pushp evan prasad charhane chahie tatha prem ka vatavaran ghar men bana rahe aisi prarthana karni chahie aur prasad ka bhog lagakar mandir men bantna chahie! pati ko chahie ki vah shukravar apni jivan sangini ko sundar pushp ya itra ki shishi bhanet kare tatha uske sath safed mithai khae.
ghar ke vatavaran ko sukhamay banae rakhne ke lie ghar men gamle men sugandhit sundar pushp ke paudhe lagane chahie. bare kamre men kritrim sundar pushp yukt gamle saja kar rakhen. yadi kisi ke jivan sathi ki janm kundli men athven bhav men shani ya rahu sthit ho to dusre ko nile ya kale vastra dharan nahin karne chahie. yadi kisi jatak ki patni ki janmakundli men athven bhav men mangal sthit ho to grih kalah ka karan banta hai.
is mangal ke dushprabhav ko dur karne ke lie mahila jatak ko nimn upay karne chahie. samay samay par vidhva stri ka ashirvad leti rahe. roti banate samay tava garm hone par pahle us par thande pani ke chinte dale aur fir rotie. apne shayan kaksh men lal vastra men saunf bandhakar rakhe. shayan kaksh men gamle men mor pankh sajakar is prakar rakhe ki ve kamre ke bahar se drishtigochar n hon kintu pati-patni ko palang se najar ate rahen. ghar men kalah se mukti ke lie parivar ki striyon ko suryonday se purva jagna chahie aur suryoday se purva hi ghar ki safai kar leni chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!