kaise rahenge umabharti ke tevar umadhar bahuguna uma bharti hamesha charcha men rahin, unka prakhar svar vipaksh hi nahin unki parti ke kaddavar netaon ke khilaf bhi mukhar hota raha. yahi karan hai ki aj ve apne balbute rajniti ke kurukshetra men dati hui hain. nai parti v unka bhavishya kaisa rahega, aie janen...
uma bharti madhya pradesh ki mukhyamantri fir se banna chahti thin, lekin sangh aur bhajpa ki narajgi ke karan parti ne unhen mukhyamantri nahin banaya, balki unke prabal virodhi shivraj sinh chaihan ko mukhyamantri bana diya jiske karan vah bharak uthin aur unhonne apni evan parti ki maryadaon ko torakar parti adhyaksh tatha sangh pramukh se panga le liya. falasvarup unke parti men bane rahne tatha bhavishya men koi mahatvapurn pad milne ki sabhi sanbhavnaen samapt ho gain.
ab vah ek nai parti ka gathan kar chuki hain. ram mandir andolan ke bad se hi uma bharti ki chavi ek dharmik pravritti ki netri ki rahi hai aur nai parti banane ke mauke par bhi vah ise pradarshit karne se nahin chukin. dilli ke vitthal bhai patel haus men parti ka daftar taiyar kiya ja chuka hai. yahan pahle se rashtriya janta dal, samta parti aur painthars parti ke daftar hain. uma bharti ko parti chalane ke lie filhal dhan ka koi sankat nahin hai. parti ke astitva men ane se pahle uske khate men 40-45 lakh rupye jama ho chuke hain. unke char sau samarthakon ne unhen das-das hajar rupye dan die hain.
lekin ek rajnitik parti ko chalane ke lie dhan ke sath-sath rajyogon ki bhumika bhi aham hoti hai. uma bha¬ arti tatha unki nav gathit parti ki janmakundliyon ka ek sath vishleshan prastut hai. sanvat 2063 shak: 1928 vaishakh shukla paksh ghatyog tij tithi men parti ka gathan hua. parti ke janm samay grah yog achche hain.
kai rajyogon ka srijan ek sath hua hai. is kundli men dharmakarmadhi yog, mahalakshmi, nich bhang rajyog, durudhra yog, ubhay chari yog tatha parashriya rajyog ke srijan tatha kundli ke tin grahon ke uchch ke hone se kundli shasakt hai. lekin san 2009 tak vinshottari tatha yogini dashaen achchi nahin hain. aise men unke parti sadasya agami lok sabha tatha vidhan sabha chunavon men vijyi honge, ismen sandeh hai.
uma bharti ka janm 3 mai 1959 ko madhya pradesh ke tikamagarh jile ke tudda namak ganv men kunbh lagn tatha kunbh rashi men hua. unka lagnesh shani labh sthan men baithakar lagn ko purn drishti se dekh raha hai. chandrama shashthesh hokar lagn men sthit hai. islie unke karya kshetra men parti ya samanya jivan men shatru adhik the aur rahenge bhi. chandrama ke karan sunfa evan gajkeshri yog ban rahe hain. chandrama par brihaspati evan shani ki drishti ke karan uma bharti mantri, mukhyamantri aur ab nai parti ki adhyaksh ban gai hain. chand¬rama lagn men yogkari hai jiske karan unhen nam, samman evan ek dharmik neta ke rup men desh-videsh men khyati evan raj samman prapt hua. dvitiyesh labhesh brihaspati ke karan unhen itni saflta tatha samriddhi prapt hui.
aj bhi unke pas dhan ki koi kami nahin hai, aj ve ek nai parti banane men safal hui hain, aj unke pas lakhon ki sankhya men samarthak tatha hajaron ki sankhya men karyakarta maujud hain. isi guru ke karan unki ek kushal netri ki svachch chavi hai, tatha vah bari dharmik pravritti ki mahila hain. tritiyesh dashmesh mangal pancham men apar janasamarthan dila raha hai. san 2013 ke bad parti ke ummidvaron tatha pratyashiyon ko bhi unke is yog ka labh milega.
chaturthesh navmesh shukra malavya yog evan parashriya rajyogon ka ek sath srijan kar raha hai. iske karan jan sahyog dvara rajya ki prapti ka yog banta hai, arthat bhavishya men san 2013 ke bad unki parti ko anya partiyon ki sahayta se satta ka sukh milega tatha unki parti se kai achche nam vale neta jaise purva mukhyamantri, mantri, rajyapal adi juregen. dhire-dhire 2013 ke bad parti ka mahatva barhega. saptamesh surya uchch rashi men ho¬kar parakram men sthit hai, jisse sahyogiyon aur apne se uchch logon se unke vichar nahin milenge.
vah ati mahatvakankshi, dabang aur hathi mahila hain jo nav srijit parti ke lie aur sath men unke lie achcha nahin hai. unhen apni bhavnaon par niyantran rakhna chahie. ashtam sthan ka rahu achcha nahin hai jiska unke svasthya evan karyon par bura prabhav par sakta hai. unke khilaf sajishen hongi, unhen achanak koi jhatka lag sakta hai. 1 mai 2006 se 2013 ka samay uma bharti ke lie achcha nahin hai.
ve prasiddhi, nam, samman, dhan evan jan-samarthan avashya paengi, lekin chathe sthan men brihaspati ke karan sansad ya vidhan sabha men bahumat siddh nahin kar paengi arthat apne ummidvaron ko chunav men vijay nahin dila paengi. atah 1 mai 2006 se 2013 tak nesht grah ki vinshottari dasha evan yogini dasha ke karan koi bari saflta ya upalabdhi nahin mil paegi. is samay keval sangharsh evan prasiddhi yog hai. atah uma bharti ko is samay har prakar se sachet evan savdhan rahna chahie tatha svasthya par vishesh dhyan dena chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!